أنا كل الدروب الي تبيها حاضر وماضي

البارت الخامس عشر

البارت الخامس عشر

لِعَينَيكِ ما يَلقى الفُؤادُ وَما لَقي
وَلِلحُبِّ مالَم يَبقَ مِنّي وَما بَقي
وَما كُنتُ مِمَّن يَدخُلُ العِشقُ قَلبَهُ
وَلَكِنَّ مَن يُبصِر جُفونَكِ يَعشَقِ

ابتسم جسّار من ركب طيارته الخاصه من المطار ومن بعدها تجي لهم طياره خاصه تنقلهم للجزيره
التفت لا فجر وابتسمت بخفه واغمضت عيونها من باس خدها
قال جسّار : انتي اول من يقلع معي من عرق جبيني!
ابتسمت فجر من كلامه وكمل وقال : عسى العمر كله اقلع وانتي جنبي على ذراعي
سكتت فجر من كلامه بخجل وكمل يقول

قال جسّار ب ابتسامة: امم وين تتوقعين طالعين ؟
سندت فجر راسها على كتف جسّار وقالت : وش رايك يعني ما اشوف اللوح من اول ؟!

حط راسه على راسها وقال : نامي لا اجلدتس زوجتي الله يخليها لي ابا اجلدها

تقدمت المضيفه تصب لهم قهوة

ابتسمت فجر بضحكه وابتسم جسّار اخذت فجر كفه تحتضنه لجل تنام عليه وقال : اي ما شاء الله على طول نمتي
رفعت فجر نظرها عليه وقالت وهي ترمش بعيونها : يصير انسدح عليك ؟
قال جسّار وهو ويرفع التكايه : يصير لعنو ابوه ليه مايصير لو تبين عيوني فدا لتس لعنبو من ما يصير فدا لتس
أبتسمت فجر من تغير جسّار معها وسرعان ما دخلت دوامة النوم
رجع جسّار براسه وهو يلحقها بنوم

بالخبر
بعد انتهاء العزاء

قصر يسكنه الهدوء والسكينة والراحه يحيطون بهم من كل مكان من حب وحنيه وعوض لهم

مستكثرين ذي الاشياء على نفسهم من حبهم لهم لكن لا شي يضاهي العائلة لا في حبهم وحنيتهم وسعادتهم مع بعضهم البعض........

نزلت سهام تحت اخذت نفس التفتت من نادتها نجود وقالت : سهام ؟

هممت لها وقالت : هم
قالت نجود بهمس : اسمعي نادي سماهر نبي نطلع مع سامي نتمشى على البحر

عقدت حواجبه بضيق وقالت : ما ابي اطلع
تنحنح سامي وقال : يالله مشينا ما ابي عذر حتى كاسر معنا !
قالت سهام : تكفوون ما ابي اطلع ابي اجلس لحالي !
تنهد سامي وقال : انا بسياره نادي سماهر يالله !

بلعت غصتها ورقت فوق دخلت على سماهر شافتها نايمه رجف فكها بضيق نفس وقالت : ما استهال اني اكون اخت كبيره
بدات بالبكي طوال ايام العزاء وهي مو منتبه لا خواتها تتصل ب فجر ما ترد ما حضرت العزاء نهائيا
تقدمت تصحي سماهر وقالت بصوت مكسور : سمسم !
فتحت عيونها بهدوء سماهر وقالت : عيونها ؟
بكت سهام عدلت سماهر جلستها وضمتها بحضنها ومسحت على ظهرها زادت شهقات سهام وقالت : تعبت انا مو قد المسؤوليه ما استاهل اني اكون الاخت الكبيره تعبتو وانا انتبهت لكم ومات آخوي بسبتي انا اهملته انا تركته ما دورت عليه ولا تفقدته هو جوعان هو طيب هو تعبان فجر تركتنا وراحت ولا فكرة فينا تعبت والله