أنا كل الدروب الي تبيها حاضر وماضي

البارت الرابع عشر

البارت الرابع عشر

مَتى يَشتَفي مِنكَ الفُؤادُ المُعَذَّبُ
وَسَهمُ المَنايا مِن وِصالِكِ أَقرَبُ
فَبُعدٌ وَوَجدٌ وَاِشتِياقٌ وَرَجفَةٌ
فَلا أَنتِ تُدنيني وَلا أَنا أَقرَبُ
كَعُصفورَةٍ في كَفِّ طِفلٍ يَزُمُّها
تَذوقُ حِياضَ المَوتِ وَالطِفلُ يَلعَبُ
فَلا الطِفلُ ذو عَقلٍ يَرِقُّ لِما بِها
وَلا الطَيرُ ذو ريشٍ يَطيرُ فَيَذهَبُ
وَلي أَلفُ وَجهٍ قَد عَرَفتُ طَريقَهُ
وَلَكِن بِلا قَلبٍ إِلى أَينَ أَذهَبُ

واقفه ب اسياب المستشفى ضايعه ماتدري وين تروح تمشي وعقلها مو معها
جلست على الارض وهي فقدت الامل بنجاة حياة جسّار نهائياً شالوه مثل الجثه
بدات تبكي بضياع وخوف وعدم امان يدينها ملطخه بدماء جسّار

تذكرت نقاشها مع سامر

وقفت فجر وهي تصرخ عليه وتقول : ليش ليش تسوي كذا وش سويت لك انا امي اخذتها مني من بعد تبي تاخذ مني باقي تاخذ وطني جسّار والا اماني ؟!

ضحك سامر وقال : انا اخذت حتى ابوك انا دمرت عايلتكم انا الي شتتكم انا اخذت ارواح امك وابوك
اي انا هو  وان بغيتي تنتقمين هذا هو مكاني

صرخت فجر بجنون وقالت : ليششش وش سوينا لك ليششش انا اعيش كل هذا ليششش
هرب سامر من طلعو الناس يركضون تقدم فارس وقال : وش بتس يا اختي ؟
اشرت  فجر على جسّار وقالت وهي ترجف : ذبحهه ذبحهه اخذ روح اهلي كلهم
لف فارس ونادا : نوره يا نوره
طلعت نوره بخوف من سمعو صوت الرصاص وقال : اتصلي على الشرطه والاسعاف بسرعه

صحت من تقدمت احد النيرس وقالت : اش بك يا اختي قومي معايا

وقفت فجر وهي تشهق وقالت : بس ابي اعرف وين غرفة العمليات؟!

دلتها النيرس على مكان العمليات

جلست فجر على احد الكراسي ورفعت رجولها تضمها لا صدرها وتطالع الارض بسرحان لا نهائي.......

بعد ست ساعات بغرفة العمليات
طلع الدكتور وفزت فجر وقالت : وش صار ؟! 
قال الدكتور : الحمدلله تعدا مرحلة الخطوره لكن ..
استغربت فجر سكوته وقالت : وش لكن لا تجنني

قالت الدكتور : لكن راح يقعد فتره بالعناية المركزه لجل نتعدا مرحلة الخطوره الكامله وبعدين نشوف والحمدلله على سلامته

طلعت برا المستشفى وهي تبكي ماتعرف وش تسوي
رجعت للمستشفى عشان تدخل عنده

التفتت من نادها عبدالله  وقال : السلام عليكم معتس المحقق عبدالله حمد  وابي اعرف الي صار بالتفاصيل لو سمحتي
اخذت نفس وشرحت له كل شي من الالف الى الياء
تفهم الوضع وقام وقال : تمام ان شاء الله راح نحاوط المستشفى بالامن ولا تخافين ي اختي راح نمسكه باذن الله والحمدلله على سلامتكم