أنا كل الدروب الي تبيها حاضر وماضي

البارت الثامن عشر

البارت الثامن عشر

يقول الشاعر ضيدان بن قضعان

والغلا ما هو في يديها ولا هو في يديا
الغلا شيٍ من الله وأشهد إن الله عطاها

من غلالها لو توردني على حوض المنية
كنها تسقيني الشهد المصفى من شفاها

من حلالها ما توصفها الحروف الأبجدية
كيف توصف وردة يبري من العلة شذاها

الورود تغار منها مزهرية مزهرية
وإن تباهت عذرها معها ويحق لها تباهى

ما يشباهها شبيه ولا يحاليها حلية
جل ربٍ يوم صورها فرقها عن سواها

لأقبلت هيجنت وإن أقفت جذبت السامرية
وعذابي إن عطتني وجهها ولا قفاها

فز جسّار من وصله اتصال وهو كان نايم
التفت بنظراته لفجر النايمه بتعب وهو محتضنها ابتعد عنها بخفه لجل ما تصحى وتحس عليه
وقف واخذ جواله وطلع من الغرفه
عقد حواجبه من وصله اتصال من الفريق عقاب
فتح الخط وقال عقاب : السلام عليكم
تنحنح جسّار وقال : هلا وعليكم السلام
قال عقاب : دريت بالي صار لا اهلك وانا اشكرك على شجاعتك وقوتك انا بيني وبينك مامن مدح بالرجال لكن انت تستاهل المدح انت شهم لا تتغير والحمدلله على سلامة اهلك والنعم بالي رباك

اتسعت ابتسامة جسّار وقال : ماعليك زود لا هنت يا بو غيث وجزاك الله خير والله يسلمك ويحفظك
قال عقاب : يا خوي وش رايك ترجع الشغل بحاجه لك واجازتك ترا قضت لكن بعطيك اربع ايام لجل صحت اهلك
حك جسّار طرف حاجبه بتوهق وقال : ان شاء الله مارح اتأخر بكره او بعدوه راجع لحايل
قال عقاب : توصل بالسلامه يالله عاد انا اخليك
قفل عقاب ومن قفل الخط وصله اتصال من نمر وزفر وقال : واليل اليوم محدن تاركني
تنهد وفتح الخط وما ان اسرع وهو يبعد الجوال عن اذنه من وصله صراخ نمر وهو يقول : ي اخوي اهرج بشويش انت وش تهبد ؟!
اخذ نمر نفس وقال بعصبيه: انت ليه ما تقول لي الي صاير مادريت غير من عمك كاسر ؟!
قال جسّار : والله كل شين صار بطقة اصابع !
سرد جسّار كل شي لنمر المتفاجئ من وصله صوت جسّار المقهور وهو يقول : ذبح ولدي والا بنتي عذبها حرق بيت ابوها قدامها !
قال نمر : جسّار ي ابو نجم !
اعتبر الجنين شفيع لكم يوم القيامة وعذابها عوضها انت والبيت رممه والا ابن بداخل قلبها بيتً لك وشده وعمّره بالحب والاحترام والتقدير صدقني بتبنون مع بعض الحب وتهدمون الماضي بحبكم واحترامكم لبعض ولا تنسى ان الحب يجي بالحنية والود والاحترام......
كان كلام نمر كافي بأنه يمسح كل شي سيء مر بحياته يبدا حياه جديده مع شريكة عمر حياته جديده ينسى كل الخيانات الي تعرضو لها اثنينهم بدا يخلي الناس كلهم على جنب ترك كلامهم ترك عيوبهم ترك لهم كل شي يكتفي بمحبوبته وبس .........
صحى من وصله انقاطع الخط وابتسم من اخوّة نمر الوافيه الصادقه الي غير مبنيه على مصالح او نفاق هو اخوه من الرضاعه قبل ليصير صديقه !