Ballet||زيدان اقبال

1

Pov hor..

جنت د ارقص بالية والمدربه تراقبني فجأة واني د ارقص سويت حركه غلط و رجلي التوت التواء خفيف و وگعت بالگاع ، صوت راجدي مله القاعه وبعده اصياح المدربه

ريم : كم مره گتلج هاي الحركه غلط و علمتج ع الصحيحه
حور: ب.. بعدني ما حاجيه واجاني راجدي لخ على خدي الثاني
ريم: و تراددين هم

ضليت ساكته و بعده گمت و رجعت للتدريب و الحمدالله هاي المره سويت الحركه صح ، ضليت تقريبا ساعتين اني اتدرب حد ما گالت المدربه ريم " انتهى التدريب" بدلت ملابسي للتراك اللي اجيت بي واللي هو بجامه سوده عريضه و ستره سوده ام السحابه وجنت لابسه جواه الستره تيشيرت اسود نص اردان و ساده السحابه مال ستره ،رحت للساحه اللي اروحله دائما
ضليت اركض حتى افرغ الغضب والتوتر والحزن وكل التراكمات اللي بداخلي بالركض
تعودت على هذه الشي كل يوميه بالتدريب على ابسط شي تضربني المدربه وتضل تهين بيه سواء ان كان گدام المتدربات الباقيات او وحدنه ما تضرب اي وحده غيري بس اني ، مضطره اتحمل معاملته وياي بس على مود طموحي احلم أصير راقصة بالية معروفه و الكل يحبني و اسافر الايطاليا واكمل جامعتي هناك وبعدين اتخرج من الجامعه واصير طبيبه معروفه ، طموحاتنا بسيطه بس مو كلشي نگدر نحققه و نحصل عليه بهذه العالم تذكروا هل حجي لازم نجاهد و نتحمل و نواجه كلشي على مود نحقق طموحاتنا

وگفت من التعب وخليت اديه الاثنين على اركبي وضليت الهث ودموعي يطيحن من عيني وحدهن ، گامت تنگط بس ما هتميت صارت تمطر بغزاره و اني ما مهتمه بس ضاله على حركتي وافكر والدموع يوگعن وحدهن فجأة حسيت بشي صار فوگ راسي يحميني من المطر وشفت رجلين شخص گدامي وگفت عدل ورفعت راسي حتى اشوف منو هذه الشخص لان جان اطول مني ،
ضليت صافنه بعيونه و هو هم حاولت اوخر عيوني بس عيونه حلوات و ملامحه لطيفه و هادئه

: احم بيچ شي ؟
وخرت عيوني ودرت راسي للجهه الثانيه بسرعه ما اعرف ليش حسيت بتورتر ونبض قلبي صار يدك بسرعه
حور : لا مابيه و شكراً على سؤالك
: عفواً ، تگدرين تاخذين المضله و ترحين بيه البيتكم ما عندي مانع
حور: لا عادي اصلا بيتنه قريب
: حتى لو اخذي المضله وروحي البيتكم
حور: ما اگدرگلتلك البيت قريب و شلون اذا اريد ارجعلك اياه بعدين
: تلگيني هنا اني احب اجي الهاي الساحه دائما لمن اكون متوتر او عصبي او اكو شي يشغل تفكيري و مثل هجي
حور: بس شلون اعرف الوقت اللي تكون بي هنا
: امم هجي وقت اني اكون هنا
حور: تمام بس اذا اروح راح تضل بدون مضله وتتبلل
: عادي
حور:لا مو عادي هاك اياه هسه المطر خف راح اركض للبيت قبل ما يرجع يقوه
ردت اروح بس لزم ايدي
: احم اعتذر
حور: لا عادي ما صار شي
: احم اگول خلينه نروح سوه اوصلج البيتج وبعده اروح اني للبيت بدل هاي الحيره وهاي
حور: امم تمام بس خاف اتعبك
: لا تعبي الج راحه
حور: شكراً
: عفواً

رحنه سوه وصلني للبيت وراح هو البيته

ساره: قلقتيني ضل بالي يمج
حور: ليش قابل شنو اول مره اضل الهيج وقت
ساره : لا بس الدنيا مطر وهاي ديله هسه روحي سبحي وارتاحي على ما اسوي اكل الي والج
حور: تمام بس اهلي وين شو ما د اشوفهم
ساره: اي راحو البيت عمو خالد بيبيتي مريضه كلش گالو يمكن يبقون شهرين
حور: ليش شبيه مريضه
ساره : والله ما ادري جنه گاعدين وعمي اتصل على بابا وگله امي مريضه وتريد تشوفكم انت ومرتك والبنات و من هل سوالف بس بابا گله البنات ما يگدرن يجن وراحو بس هو وامي
حور:اها
ساره: اي

Pov ...

جنت إستوني راجع من التدريب وتعبان و متوتر وشايل هم لان امي جانت مسافره الهولندا واني طالب اجازه اسبوعين ف التم عليه التدريب و صار كاساس ياخذ مني التليفون ويخليني اتدرب من ال 4:30 الفجر لل 10:5  وراه ارجع ب 4:35 العصر حتى اتدرب وي الجماعه و ارجع ب 10:35 بالليل ، يعني باختصار صرت من النوم للتدريب من التدريب للنوم حتى اكل ما اكل بس شي قليل وره ما ارجع الصبح من التدريب وبالليل لمن ارجع من التدريب ، المهم رحت للساحه اللي اروحله دائما حتى افرغ التوتر وكذا ، لمن وصلت جانت الدنيا تمطر ولگيت بنت جان شعره يوصل تقريبا الضهره وبني غامق واگفه بنص الساحه ومخليه اديه على اركبه اتقربت يمه لان جانت مبينه تعبانه وتركض ، وگفت عدل ورفعت راسه حتى تشوفني وتباوعت العيوني جانن عيونه كلش حلوه وملامحه حلوه ، عيونه حادات و لونهم عسلي فاتح على صفار و بشرته حنطيه شويه و رشيقه ، جانت مبينه تبجي ف اجاني فضول و سألته اذا جان اكو بيه شي ردت انطيه المضله بس عاندت وگالت بيتهم قريب بس بالاخير انتهى بينه المطاف نمشي سوه وديته البيتهم وتوجهت البيتنه

انتهى البارت انطوني رايكم اكمل لو لا ؟..