Ballet||زيدان اقبال

23

Pov sara ...

فزيت من النوم على ايد تتحسس بشرتي
فتحت عيوني و اول ما قابلني داود گاعد گدامي و يتحسس بخدي

داود: امج تگول تعالي تغدي

غمضت عيوني و حجيت
ساره: گلها ما اريد

داود: تؤ تردين يله گومي

ساره: مو غصب ما اريد

داود: غصبب! يله گومي

ساره: ولي من يمي هسه راح اگوم

خزرته و گمت من الجربايه للحمام
ضحك بخفه و گام فتح الباب و طلع
اخذت حمام سريع و لبست الروب و طلعت
اخذت ملابس من الكنتور لبستهن و مشطت شعري بسرعه و طلعت

دخلت للبيت مال عمو عمار و لگيت امي و داود يتشاقون بالمطبخ
اول ما صارت عيني بعينه خزرته و درت وجهي

ام حور: اتأخرتي لو ما جايه احسن

ساره: اي

ام حور: شلونه الشغل اليوم؟

ساره: امم زين

گلت و انتجيت على الكاونتر اباوع على داود و هو يباوعلي

تحمحمت و حجيت

ساره: ماما جاكسونيي گالي راح يجي ياخذني بالليل و انروح نتعشه

ام حور: اممم
گالت و هي تگلب بالمرگه

اجت خاله ايات و صبن الغده
الزلم بالاستقبال و النسوان بالصاله

طول الغده و مهى و نهى و افنان و اسماء و ذيج البنيه التعاركت وياها البارحه يباوعلنا اني و حور بحقد و احنه مطنشاتهن

خلصنا غده و غسلنا المواعين و صبينا جاي

الساعه بال 8:21 بالليل وره العشه

جنه گاعدات احنه النسوان بالصاله نشرب جاي شويه و دخلوا داود و وياه ثنين بگده

: سارهه !
صاح داود و الكل التفت عليه
شمرلي مفتاح غرفته و حجه

داود: ضمي
گال و غمز
اباوع الخاله ايات تباوع علينه بأبتسامه و استغراب و الموجودات كلهن يباوعن بأستغراب و منهن بغييره!

طلعوا داود و اللي وياه  و ريتال ندستني بخفه و همست بأذني بدون لا احد ينتبه

ريتال: ااوووو ما هذااا ما هذااا يا هذهههه !
حجتها تغمز

ساره: انجبي

اجت عيني على نهى و اللي ضربتها البارحه يباوعلي بحقد
ابتسمت و گمت للمطبخ اشرب مي

Pov dawud...

طلعنا اني و الولد بسام و امير اولاد عمي

رحنه للمكان اللي ادرب بي جودو جنه متفقين نلعب سوه مره ضد بسام و مره ضد امير