Ballet||زيدان اقبال

15

Pov sara...

گعدت الساعه بال 9:00 الصبح، سبحت و فرچت و نزلت لجوه تريگت وراها گعدنا نعزل بالبيت اني و حوري ، وبعدها گعدت ادرس

ام حور: يله بنات جهزن نفسجن بسرعه خالتجن ايات اتصلت هسه عازمينه على عشه

ساره: روحو انتوا اني ما اريد

ام حور: اي مو هيَ بكيفج ام الوصخ

اببيت خاله ايات ، داود و اكرم اخو مهى يلعبون بلي بالاستقبال و زيدان بالنادي ، و خاله ايات و امي و عمات ريتال گاعدات بغرفه الضيوف يسولفن ، واحنه البنات مطشرات

دخلت للاستقبال و لگيت داود يعلم نهى شلون تلعب بالابلي و جانت مسافه قليله بيناتهم 

ضليت منتجيه على الباب و اباوعلم من فوگ لجوه ، حسيت بعيوني كلهن دموع باوعت يمي لگيت حوري ، عفتها و مشيت

Pov hor...

ردت ادخل للاستقبال لگيت ساره واگفه و تباوع على داود و نهى ، انتبهت على عيونها كلهن دموع ، باوعتلي و راحت

دخلت اخذت الدولكه و طلعت من الاستقبال

ايات: حوريه حبيبتي روحي گعدي زيدان خلي يجي يتعشه

گالت وهي تجهز بأماعين العشه و البنات وياها

حور: اي تدللين

گلت و صعدت لفوگ،

فتحت الباب على كيف و دخلت ورجعت سديتها ، تقربت يم زيدان وخليت ايدي على كتفه وحجيت

حور: زيدان گوم تعشه
عقج وجهه بأنزعاج وغطه راسه باللحاف

حور: زيداانن
گلت و وخرت اللحاف عن وجهه

زيدان: هااا !
گال بأنزعاج

حور: گوم تعشه

زيدان: ماريد

حور: لا تريد يله گوم

زيدان: تؤ

سحبني من ايدي و نيمني يمه، حضني و خله راسه برگبتي

حور: زيدان

زيدان:  همم

حور: اگعد

گلت و هو رفع راسه وباسني بوسه خفيفه على شفتي و گام راح للحمام غسل و رجع