Pov daoud...
دخلت على البيت الساعه بال 1:00 بالليل و توجهت الغرفتي
دخلت و لگيت امي گاعده على الكرويته اللي بالغرفه
ايات: هلا داود ليش تتأخر؟
داود: هلا جان عندي شغل
حجيت و نزعت ستره القاط و شمرتها على الجربايه و گعدت يم مي ارفع بأردانات القميص
ايات: باجر شنو عندك شغل؟
داود: ما عندي
ايات: زين لعد جهز نفسك نروح نخطب نهى
خليت اديه على راسي و صيحت بعصبيه
داود: گلتلكم ما اريدها ما اريدها انتوا ليش تجبروني و تضلمون البنيه وياي
ايات: داود يا عمري احنه انطينه احجايه للوادم و قبل شهر اتفقنا عود اسبوع و نروح و غلسنا و اليوم عمك اتصل على ابوك و گله ابوك باجر نجي بعد ما يصير يا عيني يا ابني يا حبيبي لا تفشلنا وي الوادم نهى خوش بنيه و كلنا نعرفها جمال و رشاقه و اداب و اخلاق
داود: يمه ما يهمني لا جمال و لا رشاقه ولا اخلاق و لا اداب گلتلكم اني بشر احب وحده و اريد اتزوجها ليش لاطشيلي على نهى
ايات: لاحول ولا قوة الا بالله افهم ابني ابوك انطه حجايه للعالم يعني بعد ما يصير نتراجع تريدنا نتفشل گدام الوادم؟ مو گلنالك كم شهر اذا ما عجبك افسخ انت ليش تعذبنا
داود: اگلها احب تگلي اذا ما يعجبك افسخ يمه انت تفهمين شدا احجي اني؟ تفهمينن؟!
ايات: داود مو عيب هجي تحجي وي امك تريدني ازعل وياك ؟!
داود: استغفر الله عمي اسف
ايات: داود اللي نعرفه اني و ابوك ماكوا وحده اببالك اذا اكو صدك ليش ما اجيت و گلتلنا حتى نخطبها الك
داود: مادري ماما مادري
ايات: باجر تصالح ابوك
داود: ما ماريد
ايات: تريد و غصباً عنك يله اني طاعه و فكر بالموضوع على كيفك و قبل كلشي فكر بينا اني و ابوك وشلون راح تكون فشلتنا گدام عمامك
هزيت راسي بمعنى - اي - بدون ما اباوعلها
طلعت من الغرفه و گمت اخذت ملابس من الكنتور و دخلت للحمام سبحت بمي بارد و طلعت سديت باب الحمام و مشيت گطفت نفسي على الجربايه افكر بالموضوع لحد ما نمت
گعدت الصبح على صوت اهلي جوه
گمت من الجربايه سبحت و فرچت و لبست تراك عادي و نزلت
ايات: هلا هلا صباح الخير نورت
حور: يمه شنو هاي عيوني انعمت منين هذه النور
زيدان: خلي اسوي هجي عود اني معصب و غيران و مدري شنو
گام وگف گدام حور مسوي نفسه معصب
أنت تقرأ
Ballet||زيدان اقبال
Ficción Generalوَدَفَنت فؤادي في صَفحات عِشقَك القاتل و تَعمَقت في كَلماتَك كأنَك إحدى روَيَاتيِ المُحبَبه ليِ ..
