Ballet||زيدان اقبال

22

- بارت غير مراجع -

Pov horn...

اليوم هو احلى يوم بحياتي يوم عرسي من الشخص اللي احبه

گعدت الساعه بال 6:00 الصبح من الحماس دخلت للحمام سبحت سبحه من هاي الزينه و طلعت نشفت شعري و نعمته و لبست هجي شلون ما جان و اخذنه البدله و الهاي و رحنه للصالون اني و امي

خلتلي المكياج و سوتلي تسريحه و هاي ضلينه فوگ الساعتين يمها و بعدها رحنه للقاعه
كلها نسوان من اقاربنا و من اقارب زيدان و الاغاني واصله للشارع يمكن گد ما عاليه

المهم مر الوقت نصه ملل طبعاً احلى فقره لمن دخل زيدان و اخذنا صور و رگصنا سوه

گاعده بالسدر يمه و هو يسوق لازم الستيرن بأيده اليسرى و ايدي باليمنى لا اني مصدگه اجه هذه اليوم اللي منتضري من اربع سنوات ولا هو مصدك رفع ايده البيها ايدي باس ايدي و رجع يباوع للطريق طاير من الفرح و اني كذالك
خله السياره گدام الفندق و صعدنا للغرفه اللي مأجريها 

دخلت گدامه اباوع الكلشي بالشقه و هو وراي سد الباب قفلها و تقرب حضني من وره
باسني برگبتي و حجه

زيدان: بعدني ما مصدك اجه هذه اليوم حوريتي
انداريت عليه صرت گدامه لزمت وجهه بخفه اتأمل كل تفصيله بوجهه و هو حاضن خصري بأثنين اديه و يتأملني مثل ما اني اتأمله
بسته بخده و ابتعدت

حور: راح اروح اسبح

زيدان: اني هم اريد اسبح

حور: لعد شلون انتضرني لحد ما اطلع

زيدان : لا عادي ندخ...
ما كملها و شمرت عليه المسكه مدري شسمها مال ورد

حور: عيب عليك بعدنا يا الله
گلتها و اخذت الروب مال النوم و ركضت للحمام و اسمعه يضحك

سبحت و لبست الروب
لونه ابيض و قصير كلش گوه مغطي افخاذي و هذه الفوگاه يوصل لحد الركبه
لگيتهن مخلياتلي مكياج بالحمام خليت منه شويه و مشطت شعري بسرعه بسرعه و طلعت
لگيته نايم على الكرويته و مخلي اديه على عيونه اول ما طلعت دار وجهه الي يتأملني
تقرب باسني من شفتي بوسه سريعه و راح للحمام سبح بسرعه و اجه بطرگ المنشفه

حور: والله عيب عليك على الاقل استحي مني شويه و البس بجامه

زيدان: عليمن البسها واني راح ارجع انزعها
حجاها يباوعلي بنضرات و ابتسامه شريره على وجهه
ركضت گبل جان اكو بطل ماي على الطاوله گدام الكرويته سحبته و ضربته بي و هو فحط من الضحك