Ballet||زيدان اقبال

32

Pov Retal....

خلصت اربعينة نهى و مرت فتره و گدرنا نتخطى موت نهى

ريتال: خاله خذتي علاجج؟
هزت راسها بمعنى - اي- بأبتسامه
تقدمت فحصتها و طلعت وره ما خلصت
امشي و اسجل بدفتر مهماتي الصغير

* غرفه رقم 102 حجيه ام سلطان
شخطتها بالقلم و اني امشي

: هلاو
فززي صوت من وراي ابتسمت لمن شفته علي اجه يمشي بصفي

ريتال: هلو

علي: شلونها دگتورتنه الحلوه

ريتال: لمن شافتك صارت بخير

علي: ههه دام هجي ادور يوميه تشوفيني

ريتال: ههه ياريت

لمحته گدامي بعد مسافه يباوعلي و يباوع العلي
اجتني الخنگه و تذكرت السواه وي ذيج البنيه بالملهى
خزرته و درت وجهي لمن حسيت بالدمعه تريد توگع مسحتها بسرعه و اني امشي
انسحبت من خصري فجأه و صار وجه علي قريب على وجهي و جسمي على جسمه

علي: احم اسف ردتي تنضربين بالسديه و جريتج

وخرت بسرعه و تشكرت منه
باوعت على جاكسون وجهه احمر و اديه مقبوضات و يرجفن حيل اجه على علي راد يلزمه و وگفت گدامه اباوعله بخزر

ريتال: سيد جاكسون؟ محتاج شي؟
خزرني و لزمني من ايدي و قربني اله

جاكسون: شهل صخام؟!
گال بحده

جرني علي من ايدي خلاني يمه

علي: تعرفي؟
گال يباوعله من فوگ لجوه
تقرب بعصبيه العلي و راد يحجي گبل سبقته و حجيت

ريتال: لا بس جانت اكو مريضه مسؤله عنها و هو جان وياها
هز راسه بمعهى - اي - و عينه عليه

جاكسون: ام صح

علي: امم بالمناسبه عازمج على طلعه حلوه ب8 بالليل
هزيت راسي بمعنى - اي - متصنعه الخجل ومدري شنو

زهراء: دكتوره ريتال تعالي بسرعه عدنا عمليه مهمه

ريتال: اي جايه
ركضت وراها عقمونا و جهزونا و دخلونا الغرفة العمليات

Pov sara....

گاعده بالصاله اببيت عمو عمار و امي و خاله ايات يسولفن على ايام زمان و مدري شنو

ام حور: اي اتذكر بذاك الوكت بنت خالتي جانت تحب ابن عمي و هو يحبها و يلتقون بالبستان مال ابوي بنص الليل لحد ما مرة من المرات اخو بنت خالتي شك بيهم و راقب اخته و لمن شافهم سوه لزم ابن عمي و دگه بالخيزرانه خلاه يطفر ضل نايم بالفراش يومين من للوجع جسمه صار كله ازرك و هو يصيح يصيح " خلود " "جيبولي خلود "