Ballet||زيدان اقبال

. . .

بنات هاي عود اليوم سوينه قرايه

جنه نوزع صفاريات كل سفاري بي شيش كباب و خياره مال طرشي من هاي الطويله و خضره و شيف ليمون و قوطيه ببسي و صمون

المهم وگفنه بالصبه اني و امي و بنت عمي نوزع فضل بس كم سفاري و بنت عمي گلتلي " روحي جيبي بعد سفاريات " فرحت للغوفه اجيب و لمن طلعت جانت مره گاعده گدام الباب شافتني شايله سفاريات گبل گلتلي " بله تعالي انطيني سفاري " احنه جنه مسويات مية سفاري و جنه خايفات ما يكفي النسوان و السفاريات الجانن باقيات قليلات يطلعن بال 9 سفاريات او اقل و هي جانت محصله توزيعه فگلتلها " لعد شنو انت مو حصلتي  مو هاي توزيعه؟ "  گلتلي " اي بس تعالي انطيني اريد البنتي " گلتلها " لا خاله والله ماگدر هو بس ذني و يمكن ما يكفن النسوان "  كلامي جان كله بأحترام و ابتسامه و عفتها و رحت سمعتها صاحت وراي " يااا" حصرتني الضحكه و رحت البنت عمي گلتلها و ضلينا بس نضحك و وراها بشويه اجت عمتي تضحك گالتلي " لج هاي شمسويه والله فشله ليش هجي ما راضيه تنطين للمره توزيعه " گلتلها " اي لعد شنو احنه مو منطيها " ضلت تضحك و گالت " هي اول ما شافتني سئلتني گلتلي ذيج بنتج همزين گلتلها لا مو بنتي گلتلي هاي اليمها حبابه بس هي خبيثه ما رضت تنطيني توزيعه " ضلينا بس نضحك و شويه و راحت عمتي يم النسوان

المهم وراها اجه ولد صغير انطينا توزيعه من مال الجهال و راح و شوهي و اجه اخذ عصير و شويه و اجه يريد ياخذ و بيبيتي گالت انطنه و هو ما صدگ كف العصائر كف ابن عمي ركض وراه اخذ العصائر و رزله و دور شويه و شفته طلع من الاستقبال بيده توزيعه مال جهال و ثنين عصائر و سفاري فغلست عليه و عفته يروح و شويه و هم رجع يريد توزيعه گلنالها ماكو فجان عند عمتي سفاري مال مره خلته عدها اجه يريد ياخذه حطيته كفخته و سحلته بالگاع بنص الصبه و نص النسوان شافنه المهم عفته و هو ركض للصاله يريد يدور توزيعه ركضت وراه و سحلته بنص الصاله و هو ركض على سفاري مال مره على القنفه حطيته سحبته منه و ضليت اكفخ بي و اسحل بي بنص الصاله و هو نام بالگاع و ضل يرفس و يبجي يريد توزيعه و ادور بنات ثنين گاعدات يباوعن على القنفه و مره واگفه يم باب الاستقبال تباوع و مدري كم وحده على الدرج استحيت افشله گدامهن و اكتله بس اكتفيت بسحله و كفخه و شلته من طرف تشيرته و اختنگ ادور گوه اجه الن عمي شاله يسحل بي و اني اجرجر بي من تشيرته و شايلته هم و گوه طلعناه للصبه ضل هو يرفس يريد ياخذ توزيعه رجعت كفخته على راسه و سحلته من تشيرته بنص الطارمه حرفيا كرهته بحياته  ادور اخير شي گعد بالگاع و انتجه على الحايط يبجي و النسوان نصهن يباوعن و ما مفتهمات السالفه و اصلا احنه كلشي ما سويناله
احم احم لا بنات والله عده الشقه تره مو حيل 🙂

المهم راح و راحن النسوان نصهن و رجعت للصاله اريد اروح للغرفه و شفت المره ضلت تباوعلي صفح و گفت گدامها مبتسمه و مستحيه و هي تباوعلي صفح گالت " ولي اني زعلانه منج " گلتلها " لعد شسوي انت محصله توزيعه و احنه اصلا التوزيعات اللي مسوياتهن مو هواي گوهركفن النسوان  " و رحت للغرفه

بنات طبعا احنه مو بخيلين او شي والله ابد بس احنه اللي مسوي كله 100 سفاري مدري اقل لان خلص الكباب و ما لحگنه انجيب بعد لان النسوان اجت و مال الجهال عصير و كيكه يطلعن بال 20  لان ابوي جاب كارتونه و حده و هم ما جنه محسبين راح يكون اكو جهال هواي فاحنه ما ردنه ننطي زايد حتى بلكي يكفي النسوان و اصلا مالها داعي ياخذن زايد و يدرن اكو كومه نسوان وراهن و احتمال ما يكفن التوزيعات