<< UNicode >>
Jaem^^
ချန်းလော့ကခြံထဲ၀င်ရင်းမှ ဟိုဘက်ခြံကိုလဲလှမ်းကြည့်မိသည်။ရပ်ထားတဲ့ဆိုင်ကယ်ကြောင့် Jaemပြန်ရောက်နေပြီဆိုတာ သိလိုက်ရတာမို့ စိတ်အေးသွားတဲ့ခံစားချက်ကြောင့် ဟိုဘက်ခြံကိုကြည့်နေရာမှ မိမိဦးတည်ရာသို့ကြည့်မိသည့်အခါမှာတော့
" အမလေး! "
အရှေ့မှာ ရပ်နေတဲ့Jaemက ချန်းလော့ရဲ့လန့်သွားမှုအပေါ် မျက်ခုံးတစ်ဖက်ပင့်လေရဲ့။
" ဘာတွေခိုးလုပ်ထားလို့ မင်းကဒီလောက်အလန့်တကြားဖြစ်နေရတာလဲ? "
" မထင်မှတ်ထားတာမို့ လန့်သွားတာလေ "
" ဘယ်တွေသွားနေလို့ ဒီအချိန်ကျမှ အိမ်ပြန်ရောက်တာလဲ? "
ညနေထဲကဟယ်ချန်းနဲ့ပြန်သွားပြီး ညမိုးချုပ်လုမှပြန်ရောက်လာတာကြောင့် ဂျယ်မင်းမေးလိုက်ခြင်းဖြစ်သည်။
" အကိုက ရေခဲမုန့်၀ယ်ကျွေးမယ်ဆိုလို့ "
" မင်း မစားဖူးဘူးလား? "
" အကို၀ယ်ကျွေးတာကတော့ ပထမဆုံးပဲလေ Jaemတောင် ကျွန်တော့်ကို၀ယ်ကျွေးဖူးလို့လား? "
ကျွန်တော့်စကားကြောင့် Jaemက ခဏ တိတ်ဆိတ်သွားသည်။ပြီးတော့ ကျွန်တော့်လက်ကောက်၀တ်ကို ဆုပ်ကိုင်လို့ ခြံအပြင်သို့ဦးတည်သည်။
" ဘယ်သွားမို့လဲ? "
" ပါးစပ်ပိတ်ပြီးလိုက်ခဲ့ "
" မလိုက်ဘူး "
မလိုက်ဘူးသာပြောလိုက်တာ ခြေလှမ်းတွေက Jaemနဲ့ထပ်ကြပ်မကွာ။ကျွန်တော့်ရဲ့အကြည့်တွေက Jaemဆုပ်ကိုင်ထားတဲ့ ကျွန်တော့်ရဲ့လက်ကောက်၀တ်တွင်သာ။
ရုတ်တရက်ကြီး
ရပ်လိုက်တဲ့ Jaemကြောင့် ချန်းလော့ဟာ Jaemရဲ့ကျောပြင်ကျယ်ကို ၀င်တိုက်မိတော့သည်။
" ဘာလို့ ရပ်လိုက်တာလဲ? "
"မင်းမလိုက်ဘူးဆိုလို့လေ "
" မဟုတ်ဘူး! "
ချန်းလော့ ပြာပြာသလဲ ငြင်းဆန်မိသည်။ချန်းလော့က Jaemနဲ့အတူအပြင်သွားချင်တာမို့ ။တော်ကြာ Jaemက ခေါ်မသွားတော့ရင်ဒုက္ခလေ။
