ချစ်တာဟာ ချစ်တာပဲပေါ့ အချစ်ရယ်..
ရယူပိုင်ဆိုင်ခြင်း ပေးဆပ်စွန့်လွှတ်ခြင်း..
ဘာဘာညာညာ နားမလည်ပါဘူး..
ရရင်တော့ ယူချင်တယ် အချစ်ရယ်..
မပိုင်ပေမယ့်လည်း ဆိုင်ချင်တယ်..
နှလုံးသားလေးလဲ ပေးမယ် အချစ်ကြွေးလေးလဲ ဆပ်မယ်..
အားလုံးကို စွန့်ရရင်တောင်..
ဒီလက်ကလေးကိုတော့ မလွှတ်ချင်ခဲ့..
ဝမ်ရိပေါ်
***
တီတီတာတာ မပြောတတ်ပါဘူး အချစ်ရယ်..
မင်းအောင်မြင်နေရင် ကိုယ်ပြုံးမယ်..
မင်း ရှုံးနေရင် ကိုယ်စိတ်ညစ်မယ်..
မင်း သိပ်ချစ်တဲ့သူနဲ့ ကြည်နူးနေရင်တောင်..
မင်းပျော်လို့ ဒီကောင်က မြူးနေမှာရယ်..
ဝေ့ရော့လိုင်
***
မင်းကလွဲရင် ဘယ်သူ့မှ မမြင်တဲ့ကိုယ်..
ကိုယ်ကလွဲရင် အားလုံးအပေါ် ကြင်နာတတ်တဲ့မင်း..
ဘယ်နေရာမှာ မှားခဲ့ကြသလဲလို့ မမေးရက်ပါဘူး..
ချစ်ခြင်းမေတ္တာဟာ အမှားတခုမှ မဟုတ်တာ..
အမှန်တရားတွေ မတူခဲ့ကြရုံ..
ယဲ့မီ
***
"သူ့ကို လွှတ်လိုက်စမ်း ဝမ်ရိပေါ်.. သူက ငါ့အပိုင်ကွ!!"
ယဲ့မီက သူ့ရှေ့မှာ ပူးကပ်နေကြသော လူနှစ်ယောက်ကို သေနတ်နှင့် ချိန်ရင်း အော်သည်..။ သူ့ပုံစံက ဒေါသထွက်နေသော ခြင်္သေ့တကောင်လို..။
ဝမ်ရိပေါ်က ရှောင်းကျန့်ရှေ့မှာ ကာရပ်လိုက်သည်..။
"မင်းပြောတော့ လမ်းခွဲပြီးပြီဆို"
ယဲ့မီ မျက်နှာပျက်သွားသည်..။ သူကအံကြိတ်ရင်း
"အဲ့ဒါ ငါ လျှောက်ပြောတာ.. သူ့ကို ငါ့ဆီပြန်ပေး!! ပြန်ပေးစမ်း!!"
ယဲ့မီ၏ သွေးရူးသွေးတမ်းအော်ဟစ်သံကိုကြားပြီး ရှောင်းကျန့်ကျောချမ်းလာသည်..။ သူကိုယ်တိုင်ကြောက်နေသော်လည်း သူက ဝမ်ရိပေါ်ရှေ့ ပြန်ပြီး ပိတ်ရပ်ကာ..
"ကောကောကို ဘာမှမလုပ်နဲ့.. ငါတို့ကို သွားခွင့်ပေးပါတော့"
သူ့စကားကို ကြားတော့ ယဲ့မီမျက်နှာက ပိုပြီးခက်ထန်သွားသည်..။ သူက ရှောင်းကျန့်ကို အဆိပ်ပြင်းသည့်မြွေတကောင်လို ကြည့်သည်..။
YOU ARE READING
ချစ်မိတဲ့အခါ...
Fanfictionချစ်မိတဲ့အခါ အဆုံးစွန်အထိ အနစ်နာခံ ပေးဆပ်တတ်ကြတယ်... ချစ်မိတဲ့အခါ အဆုံးစွန်အထိ အတ္တကြီးတတ်ကြတယ်... သင်ရော.. ချစ်မိသွားပြီလား..??
