أغرك مني أن حبك قاتلي وأنك مهما تأمري القلب يفعل

بارت :6

اكلوا فطورهم مع بعض وطلعوا الغرفه وكل وحده جلست تطلع لها لبس عشان تلبسه بالجامعه
عذاري اكتفت بأنها تلبس بنطلون جنز اسود وبلوفر اسود وتلبس نظاراتها الشمسيه
اما ملاذ لبست بنطلون رمادي مع تيشرت ابيض وجاكيت كاروهات وردي  خفيف ولبست النظارات الشمسيه على شعرها اللي كانت لافته من الليل ولما فكته صار ويڤي بدون حراره
لبسوا عباياتهم ونزلوا تحت نظراتهم كلهم 
الجد عبدالرحمن بأستغراب: على وين؟
ملاذ: جدي عندنا محاضرات اليوم بس جالسين نستنى لينا
نزلت بدون ما تحط عينها بعين ملاذ
لينا: جدي اليوم عندي ثلاث محاضرات اخلصها برجع على طول
عبدالرحمن: عساكم على القوه
طلعوا بدون ما يكلمون بعض وركبوا السياره حقتهم وراحوا  كسرت حاجز الصمت عذاري بسؤالها
عذاري: شفيك انتي وياها ؟
ملاذ: والله بنت خالك مسويه ما يزعل خليها تزعل
لينا: والله اللي بيغلط بحقك يا عذاري خليه يروح و يجي وما يتكلم الا باعتذاره لك عشان يعرف انه الله حق
ملاذ: شى غصب عني كيف تبغيني اتكلم عنه كيف!!!
عذاري: الحين مو منجدك انتي وياها تتهاوشون عشاني
لينا: كيف عرفتي؟
عذاري: لبنا يا روحي انتي وش الشي اللي كانت ملاذ مخبيته علينا كلنا ؟ انها تعرفني اعز المعرفه بس ما راح نقدر نلومها على اللي سوته بنلوم جدي اللي اجبرها تسوي شى كبير مثل كذا من وراه ما يهون علي تزعلون من بعض كذا
لينا: بس
عذاري بعصبيه: لا بس ولا غيره بعد الجامعه بنطلع مع بعض واشوفك انتي وياها متهاوشين بتندمون اشد الندم سامعات
ملاذ: اصلا انا احب لينا ما يحتاج تعصبين وتهددين
لينا بضحكه: حتى انا احبك
ملاذ: شهر يالظالمه شهر؟
لينا : بسبب لسانك
عذاري : اسمعوا انا بنزل شركه كاسر عشان اشوف اوراق امي وبعدها استبقكم اصلا محاضراتي من بعد الظهر كلها
لينا: تمام براحتك
ملاذ: ما تبين نجي معاك؟
عذاري: ادري ما تقصرون بس والله ما ابي اتعبكم
~
عند باب الجامعه نزل كاسروكان ينتظر بس انها تجي بس اللي مو عارفه كيف شكلها
صاحبه الامن حقت الجامعه : تفضل اساعدك بشي ؟
كاسر: عندكم وحده بالجامعه اسمها عذاري ابيها
صاحبه الامن: اوه بالجامعه فيه مليون وحده اسمها عذاري اذا كان عندك اسمها الكامل جيبه او تخصصها او اي شى يقدر يسهل علي اني ادورها
كاسر: تدرس ثاني جامعه بتخصص قانون اما اسمها ما اعرفه الا انها عذاري 
صاحبه الامن: اعذرني ما عندي اصلا اي صلاحيه اعطيك معلومات طالبه بالجامعه
~
عند عذاري اللي نزلت لشركه كاسر وبدت تسأل عنه وكانت ما تحصله
عذاري بنرفزه: مو طبيعي كل ما اجي ما احصله
السكرتيره حقته: لو جايه قبل كم ساعه بتحصلينه
عذاري: لا تستعبطين على راسي وش اللي قبل ساعه
قاطعهم هيثم وهو يدخل
السكرتيره: اهل استاذ هيثم كم دقيقه ويجي الاستاذ كاسر
طالعت فيها عذاري بصدمه : ليه ما تكلمتي من البدايه
السكرتيره: بس الاستاذ كاسر ما يستقبل الا الاشخاص اللي يعرفهم اعذريني بنجبر اطلعك
عذاري: انا اطلع ما يحتاج تطلعيني
طلعت وصدمت في كاسر بدون ما تحس
كاسر : عسى ما شر ما تشوفين عمياء؟ كبيتي القهوه علي كلها
لفت عليه ونفسيتها بخشمها : يا عمي طير بس كافي مديركم يستقبل اللي يبي ويطرد اللي يبي
كاسر بضحكه استفزتها وكمل بنبره تكبر: الكل مجبور يمشي على اوامره مو شى جديد واي احد عنده ملف قضيه عندنا لازم يمشي على قوانينه 
قربت منه عذاري وبحده : وانا مو اي احد اشوف كيف بيقدر يمشي قوانينه علي
تركته مأسور بعيونها وبحدتها لين ما حس الا بطيفها رايح بعيد عنه وهمس هيثم بأذنه
هيثم بهمس: ترا راحت شفيك؟
كاسر: هيثم لقيتها
هيثم: مين عذاري؟
كاسر : لا يا حمار البنت اللي عيونها رماديه لقيتها رجعنا تهاوشنا لنفس السبب
هيثم: منت بصاحي
كاسر: وش جابك؟ مو كنت معاي قبل شوي ؟
هيثم : كنت ابي اعرف وش صار على اموري القانونيه بس الظاهر بنجلس نتكلم عنك
~
بالليل الساعه قربت تصير 12 الليل عند إيلين وهيه تكلم زياد
زياد: بعدين ياللي ما تستحين ما فيه كل عام وانت بخير ؟
إيلين : ليه وش فيه
زياد: اذا الهديه ما تقدرين كل عام وانت بخير ما تقدرين بعد تقولينها؟
ايلين: زياد شفيك ليه اقول لك كل عام وانت بخير؟
زياد بقهر قام غير الموضوع:وش سويتي بالجامعه اليوم ؟
ايلين : تخيل جات لكلاسنا وحده اسمها ريمان تقهر طوال والوقت بس تخز فيني
زياد بتوتر: ريمان ايش؟
ايلين : وانا وش عرفني تحسب بحفظ اسم جدها السابع ؟
زياد: انن اص يالبزر يلا روحي نامي صاحيه لين الحين ليه؟
ايلين: مدري ما فيني نوم
قاطعه دقات الباب
نزل زياد الجوال ورجع رفعه مره ثانيه: هلا ٫ خليك معاي شوي وارجع لا تقفلين
ملهم( اخو زياد ): حركات صارت توصلك هدايا ما عرفتك
زياد: من مين ؟
غمز له ملهم وضحك
زياد: كذاب اما منها لا وينننن
ملهم : يعني تبي اقرا الكرت مره ثانيه؟ عادي بقراه
زياد : يا اللي ماني بقايل ليه تقراه ؟
ملهم : السواق يحسبها لي انا فا قريته وجبتها لك بعدين احمد ربك ما شافها الا انا
زياد: خلاص فليتها يالخوي يلا قوم اطلع برا
ملهم بضحكه : بطلع بس بعدها لو جيتني يا ويلك
زياد وهو يأشر له بمعنى انه اطلع تأخرت على البنت
ملهم تنهد: ابن المحظوظه خلني اروح ابرك لي
زياد : خلاص حبيبي لا تبكي علينا روح  طولت عليها
ملهم: مسوي حنون يعني اهجد بس
زياد؛ مقفاك لو سمحت
ملهم : يلا سيو
زياد : سيو
انتهى...