أغرك مني أن حبك قاتلي وأنك مهما تأمري القلب يفعل

بارت 22

قاطعه الصوت اللي قرب منهم وشافهم كيف قريبين من بعض فيصل
فيصل بقهر ؛ خذيتيها مني يا كاسر ؟ وأنتي مع إني مكلمك وقايل لك منتي مجبوره تتزوجينه عشان الوصيه
كاسر وهو يحط عذاري ورا ظهره ويصارخ على فيصل بغيره ؛ ابعد من هنا زوجتي مو ساترها شي
فيصل بأستهزاء ؛ سويتيها يا عذاري وخذيتيه ؟ وش فيه احسن مني ها ؟ وش الشي اللي يميزه عني وخلاك تختارينه مع انك رافضه كنتي ما تبينه
كاسر بحدة ؛ على ما اعتقد لا أنا ولا عذاري مجبورين نبرر لك اللي صار لان هالشي بناء على رغبتنا احنا الاثنين ومعرفتك ما راح تغير شى ،صح ممكن أكون نفذت وصيه أستاذه امبار الله يرحمها لكن لو تسوي اللي تسويه ما بعدت عنها تسمع يا فيصل ؟ والحين ممكن تطلع من المكان ارجع أعيد واكرر لأن شكلك ما فهمت زوجتي مو ساترها شي ابعد من هنا
غطاها كاسر بشماغه ودخلها للبيت وهي كانت متوتره وخايفه من اللي بيصير بعد ذا اخذها على غرفته
عذاري ؛ كاسر والله ما دريت إنه بيكون موجود والله العظيم
كاسر ؛ أشوفك الحين صرتي تعرفين وعلى معرفتك نهايه الشهر بجي وآخذك على بيتنا سامعه ؟
عذاري ؛ بس اهلك ؟ اليوم جدك كلمني
قرب منها كاسر وبهدوء؛ جدي عارف بالقصه من البدايه وهذا اللي مريحني ودام ان اخوك عبدالله يعرف بعد ما راح أشيل هم ابن امه طز فيهم
بعدت عنه عذاري بصدمه ؛ لا تنسى سبب زواجنا وأنه على الورق بس انتبه تقرب مني ولا تفكر انك تقرب مقدره موقفك قبل شوي بس فيه حدود
جات بتطلع من الغرفه بس مسك يدها ؛ لا تنسين نهايه الشهر بجيك هالمره بسمح لك ترجعين مع خالك
طلع من الغرفه بدون ما يسمع ردها بس سند نفسه على الباب وعلى صوت ملهم
ملهم ؛ يعني هي موضحه لك ليه مستمر ؟ ليه لين الحين عندك أمل ليه
كاسر بقهر ؛ قلت ممكن يغير شي بالشهر ذا بس على كلامها
ملهم ؛ أنت استعجلت لما حبيتها كانت موضحه لك
كاسر ؛ ما حبيتها بس تعودت عليها خصوصا أنها طوال المده اللي كانت اشتغلت قدام عيني ما قدرت ابعد عنها ثانيه تعودت عليها مره يا ملهم ليت ما كان بيننا اتفاق
ملهم ؛ مو جالس أعطيك أمل بس لا تفقد نفسك بذي الطريقه ولو ربي كاتب لكم نصيب مع بعض بتكمل لو مهما يصير وصدقني بس تسكنون مع بعض بتحبون بعض
تنهد كاسر بحرقه وهو يكمل باقي طريقه على مجلس الرجال ومعاه ملهم اللي راح يستقبل الرجال مع باقي عيال عمه دخل عبدالرحمن ومعاه تركي بس وقفهم صوت زياد
زياد بأستهزاء؛ عبدالرحمن بقوته وجبروته جاي اليوم لعندنا عسى ما شر ؟
تركي ؛ أتوقع انك تستعبط ما تعرف إننا جايين نخطب
قاطعه زياد ؛ عارف سبب جيتكم بس أتمنى تكون عارف أننا حطينا يدنا بيد رجال
سهم ؛ وأنا من ناحيتي بضمن لك إني مستحيل أضرها ومستحيل احد يقرب لها
رياض ؛ ليه تتكلمون عند الباب تعالوا ندخل جوا لين يجي المأذون
قرب رياض من عبدالرحمن و فتح يدينه الثنتين
عبدالرحمن بكره ؛طول عمرك بتبقى ضعيف تهزمك الذكريات والعشره على اللي سويته فيك لسا ناوي تتصالح معاي
رياض بحنيه؛ تتوقع إني ببقى شايل بخاطري على اخوي كذا ؟ خمسين سنه يا عبدالرحمن ما حزت بخاطرك ما حنيت نفس ما أنا حنيت ؟
عبدالرحمن ؛ ترا جيتي اليوم ماني راضي عنها ولا يرضيني ان حفيدي يأخذ حفيدتك بس يتحمل اللي سواه معاها
عبدالله ؛ وش يحمل ؟ وش سوا؟
تركي بأستهزاء؛ ليه ما تدري ان سهم المصون غلط مع أختك وبيتزوجها عشان ما يذبحها أبوها لو سمع ؟ الله وتربيتك يا عاصم بنتك مطيحه رأسك بالأرض
عبدالله بعصبيه بدأ يلكم تركي على وجهه ؛ ما تتكلم عن اختي بالطريقه ذي ولا اسمح لأي واحد فيكم يشكك في تربيتها
رفع راس تركي والعصبيه طالعه من عيونه؛ وأنت يا أستاذ تركي ما ودك تعتذر على الكلام اللي قلته ؟ ولا اخذه حجه وأمر بالقبض عليك ؟ تراني ساكت لك عن كل اللي مسويه
ملهم مسك عبدالله وطلعه من المجلس وسهم قرب من تركي وجلسه
عبدالله بعصبيه ؛ ملهم وخر عني خلني اروح ادفنه هناك ليه يتكلم عن اختي كذا مين معطيه الحق ؟ أكيد مو كلامه مو صحيح عن غنى تكفى قول أي ملهم
ملهم ؛ أول اهدأ عشان ما تسوي شي يضرك ويضر أختك فوق لا تنسى صار عندك أختين
عبدالله ؛ كيف أهدا قول لي كيف ما سمعته وش يقول وسط الرجال ؟ كيف يشكك بتربيتي ل غنى كيف ؟ كيف ينسب غنى لعاصم بعد اللي سواه والله لأذبحه هذا اللي ما يتسمى تركي فكني ملهم
ملهم ؛ منت داخل على الرجال بحالتك ذي سامع ؟
جاهم كاسر وبحده ؛ تصرفك يا سيد عبدالله وش ممكن اسميه ؟
عبدالله؛ ما سمعتوه وش قال ؟ شفيكم بالبرود ذا ؟
كاسر ؛ لأننا نفكر بغنى ونفكر بسعادتها الحين ممكن ما نكون عارفين القصه الاساسيه بس اللي اعرفه أنا أنها مستحيل تخيب ضنك وتربيتك
ملهم ؛ وأنا على كلام كاسر شفيك اهتميت لكلامه كانك مصدقه ؟
كاسر ؛ الحين اهدأ أنت عشان ما تحس غنى واصلا أحمد ربك أنهم بالفله الثانيه الحين تروح تهدي من نفسك وترجع لنا بعبدالله واحد ثاني العصبي ذا ما عجبني واحنا بندخل وبحسب لك ربع ساعه ما جيت يا ويلك
زياد ؛ كاسر ملهم أبوي يبيكم
لف كاسر على عبدالله ؛ قول له جايين
راحوا زياد وكاسر وملهم وبقي عبدالله لوحده وراح يدخل للبيت وصدم ببنت كانت بكامل زينتها صنم عبدالله من الصدمه من شكلها على الرغم من أنها واضح باكيه
عبدالله بفضول ؛ فيك شي ؟
أديم بأنهيار يعور القلب ؛ كنت مفروض أكون مكانها ليه ما حس فيني ليه ما حبني ليه ؟ راح مني وأنا كنت انتظره كيف بقدر أتقبل فكره انه بيعشي مع غيري كيف ؟
عبدالله ؛اهدي الحين وبعدها تفهميني زين تمام ؟ تبين اجيب لك مويه ؟
هزت رأسها أديم بأي وراح يجيب لها مويه
عبدالله وهو يعطيها المويه ؛ ترا الحريم بالفله الثانيه مو هنا بس إنها قريبه تقدرين تروحين هناك لو مضيعه
أديم ؛ مع الأسف ما جيت عشان اروح لعندهم
عبدالله ؛ شوفي يبنت الناس الحين أنا مستعجل بس بعطيك رقمي وطمنيني عنك إذا صرتي احسن تمام ؟
أديم ؛ ما تبي تسمع قصتي؟
عبدالله ؛ معانا وقت بعدين الحين مجبور ارجع للرجال بس سجلي رقمي عندك
نقلها رقمه وطلع من البيت وراح لقسم الرجال وهي مو غايبه عن باله وكان ينتظر منها أي رساله
هيثم بهمس ؛الواضح انك تغيرت كثير شفيك جالس تطالع جوالك كل شوي فيك شي ؟
عبدالله ؛ ها لا ولا شي ما فيني شي
فز من مكانه عبدالله لما شاف المأذون دخل
انتهى...