أغرك مني أن حبك قاتلي وأنك مهما تأمري القلب يفعل

بارت : 1

في نهاية سنه 2023 وتحديدا بشركه ومكتب رجل الاعمال المشهور الكاسر اللي كان الكل يحسب له الف حساب وينفذون كل طلباته قبل يطلبها
الكاسر بجديه: ذي الشروط عندنا تبيها اهلا وسهلا ما تبيها ارجع من وين ما جيت
محامي المشتري(أحمد): بس احنا ما نقدر نوقع على نسبه 50٪؜ نبي اكثر من كذا ما ينفع
الكاسر: اجل ما بيننا اي عقد تقدر تطلع
أحمد: اجل انا استئذن
الكاسر : اذنك معاك.
طلع المحامي احمد ودخلت بعده السكرتيره حقته
الكاسر: الغي مواعيدي من بعد الساعه 12 برجع البيت اجلس مع تالين
السكرتيره: بس عندك موعد بعد 10 دقايق مع الاستاذه أمبار الغي موعدك معاها؟
الكاسر : لا الاستاذه أمبار خليها تدخل
طلعت السكرتيره وبعدها دخلت عليه وحده منقبه وعبايتها سوداء مع شنطه Christian Dior الكحليه مع هيلز منخفض الارتفاع وكان باللون الابيض
الكاسر اللي وقف اول ما شافها : اهلا استاذه أمبار تو ما نورت الشركه الصراحه
أمبار برزانه: اهلين الكاسر منوره فيكم
مسك الكاسر التلفون واتصل على السكرتيره حقته : ايش تحبين تشربين ؟
أمبار: مفروض تكون تعرف من كثر زياراتي بس black coffee
الكاسر :مع ضغط الشغل يا دوب نتذكر وابشري حاضرين
بعد مده وصلت القهوه
الكاسر: وش سبب زيارتك لنا اليوم ؟
أمبار بجديه: بسلمك وصيتي ما احد يقدر يضمن متى يموت بس وصيك على شى كذا وبطلبه منك طلب لا تردني فيه
الكاسر : بعيد الشر عنك يا استاذه أمبار لا تقولين ذا الكلام واذا طلبك اقدر عليه من عيوني انتي تامرين امر بس وش
أمبار: ابيك تتزوج بنتي عذاري بس عشان تحميها من ابوها تكفى وانا جايه جالس يهددني كل ما اشتكيت يطلع منها مثل الشعر من الخليج اذا كان موتي مقدر فا هو قريب
الكاسر: صعبه والله يا استاذه أمبار
أمبار: بس تزوجها وخبها هذا اللي ابيه يكون زواجكم على الورق انت تعيش بعيد عنها وهيه تكمل حياتها تكفى يا بحور ما راح احصل احد مثلك يصون بنتي انت صنت على حلالي جات عليها؟
الكاسر وهو مبعد فكره الزواج من باله : بنتك اقدر اخبيها اما اني اتزوجها ما اضمن لك لان ما يحق لي وهذا بند من بنود الشركه
أمبار: ما اقدر اخليها وحيده اذا خلصت الجامعه تتوظف عندك بشركتي بس لين ثلاث سنين قدام الشركه بين يدك انت المسؤل عنها بكل اموالها وشغلها فكر يا بحور قبل اطلع
الكاسر؛ اعذريني يا استاذه أمبار بس ما اقدر اسوي ذا الشى واخالف قوانين الشركه نفس ما قلت لك بنتك وبأمن مستقبلها اما اني اتزوجها اعتذر واسف لو اني خيبت ظنك بس ما يهون علي اتزوجها بس عشان مصلحه
أمبار: عادي ولا يهمك اذا على كذا انا استئذن
الكاسر: اذنك معاك
طلعت أمبار من مكتب الكاسر ومتوجهه للمصعد عشان تنزل ووصلت لباب الشركه وما كانت الا كم دقيقه والا سياره كبيره سوداء توقف قدامها وتطلع منه يد ملبسه قلفز اسود وبدت تطلق النار عليها لين شافوها طاحت على الارض وحركوا
اما عند الكاسر مجرد ما نزلت أمبار وصله اتصال من اخته تالين بأن اخوهم الصغيره تعرض للقتل اليوم نزل بأستعجال واستغرب من وجود الناس المتجمعه على أمبار بدا يوخرهم ولما قرب منها
الكاسر: استاذه أمبار مين مسوي فيك كذا ؟
أمبار بصعوبه كلام: فر
وبعدها عم السكوت في المكان معلن انها توفت شالوها بالاسعاف وبحور حرك على بيتهم وانصدم وقت شاف جثت اخوه قدام البيت ورجال البحث الجنائي موجودين
~
عند تالين اللي قفلت على نفسها بعد ما شافت جثه اخوها مرميه على الباب وعلى طول العامله حقتهم اتصلت على غنى
غنى E: وش فيها تالين؟
العامله : مدام تالين قفلت على نفسها وما يرضى يطلع وصار فيه تكسير قزاز
غنى وهيه مستعجله : الحين انا اجي يلا باي
قفلت منها وطلعت غنى وهيه مستعجه نست تحط الطرحه على شعرها زين وطلع كل شعرها من تحت الطرحه وصدمت بكتف واحد اللي مسكها لما كانت بتطيح بعد عنها لما استوعب وضعه معاها وصار بعيد بمسافه
غنى ؛ مشكور ما قصرت واعتذر
سهم وهو صاد؛ لا عادي لا تعتذرين ما سويت شى بس غطي شعرك كله برا قبل يجي احد ويشوفك يا بنت الجار
غنى؛ واذا شافوني فرقت يعني؟ كافي أني مغصوبه اجي الرياض
سهم؛ ليه بنت جده ما حبت الرياض عساها خير؟
غنى؛ مره برد عندكم وانا ما استحمل وما احبها لان صاحباتي كلهم هناك انا بجلس اشرح لك وخر عني
سهم؛ هذي جزاتي مابي احد يشوفك
لفت عليه غنى بعصبيه؛ يعني فوق ما انك اخرتني مسوي خايف علي انت شكو؟
سهم؛ توكلي اقول يبنت الناس وروحي عني ماني فاضي لك
تجاهلته غنى وركبت السياره اللي وصلت قدام البيت وهو كان لين الحين يطالع فيها و وابتسامته ما فارقته حس على نفسه ومسك جواله وجلس يسولف مع سُهيل صاحبه
انتهى ...