أغرك مني أن حبك قاتلي وأنك مهما تأمري القلب يفعل

بارت 20

عند عذاري اللي رجعت للجامعه وخلصت محاضراتها وراحت لملاذ وطلعوا من الجامعه لمحت ملاذ فيصل موجود
ملاذ ؛ ما خلصتي من موضوع فيصل؟
عذاري ؛ من مدة طويله تخلصت منه
ملاذ وهي تأشر لها على فيصل ؛ الواضح انه هو اللي ما تخلص منك
قرب منهم فيصل بمزح ؛ اوه ملاذ يلا تهني طلعت معاك حتى بالبيت وبعدين عذاري يعني دخلتي حياه جديده تنسيني كذا؟
عذاري بحدة ؛ أنت وش تسوي هنا ؟
ملاذ ؛ أنا اعتذر بروح عنكم عشان عندي موعد ضروري عذاري بس تخلصي ارسلي لي
راحت ملاذ وبقي فيصل قدام عذاري وهو يأشر لها على سيارته
عذاري ؛ ما ركبت معاك وأنا على علاقه فيك بركب الحين وأنا ما يجمعني فيك شى ؟
فيصل ؛ ما راح يجيك شي مني بقول اللي أبي وارجعك بيتكم لكن ممكن اعرف ليه مو جالسه تردين على اتصالاتي ؟
عذاري ؛ لانك تسوي اللي تبي صح فيصل ؟ تغيب مثل ما أنت تبي وترجع تدق وترجع اهتمامك لو ما شفتني ذاك اليوم ما كان جيت على بالك من الأساس
فيصل ؛ صدق بتتزوجين كاسر ؟
عذاري ؛ ما اعتقد عندك الاحقيه تسألني عن شى بحياتي دامك طلعت منها بإرادتك
فيصل ؛ منتي مجبوره تنفذين وصيه أمك إذا منتي مرتاحه عندي الاستعداد أجيك ونتزوج بس ما تأخذينه
عذاري ؛ وينك قبل لما احتجتك ما حصّلتك بس إنت مرحله ومرت وما راح احتاج لوجودك في حياتي الخاصه مره ثانيه
فيصل ؛ افهم من كلامك انك بتوافقين عليه ؟
عذاري ؛ إذا انه قد كلامه مثل ما أمك تقول ليه أضيعه من يدي ؟ في النهايه كان واضح معاي من البدايه وان سبب زواجه مني وصيه أمي
فيصل ؛ وحبنا عذاري ؟
عذاري بحدة ؛ عن أي حب تتكلم عنه يا فيصل العلاقه اللي أنا حطيت فيها كل طاقتي ؟ أنت بنفسك عارف ان أمي كانت تبيني لك بس الواضح ما شافت منك قامت اختارت لي كاسر
فيصل ؛ بس مو كذا تحرقين قلبي شفيك
عذاري ؛ ما عاد يهمني احد خصوصا أنت والله العظيم بعد اللي سويته فيني
فيصل ؛ فرصه وحده أبيها منك واوعدك أغير كل شي بس أعطيني فرصه
عذاري ؛ آخر شي ممكن تطلبه مني هي هالفرصه لأني انتظرتك بما فيه الكفايه يا فيصل وخلاص أنا نفسي طابت والله العظيم وش اللي تغير الحين وش؟
فيصل ؛ عذاري ليه اعطيتيني الأمل طيب بجيتك لنا ليه ؟
عذاري ؛ ما عطيتك أي امال أنت تتوهم أشياء كنت تبيها تصير ولو لمره وحده تبي تعوض الوقت اللي ضيعته بدوني
فيصل ؛ استوعبت إني مو قادر انساك يا عذاري كنت أحبك بس مو قادر أقولها افهمي إني احبك افهمي
عذاري ؛ تأخرت كثير على ما قلت هالكلمه يا فيصل كثير تأخرت ولا عاد تفرق معاي مثل قبل
فيصل ؛ عذاري كنا صغار وش فهمني بالحب أنا وقتها ؟
عذاري؛ كنت تتكلم وتقول مو تجي لي متى ما بغيتني وإذا طفشت مني تبعد نفس كل مره وتمشي ورا هوا نفسك
فيصل ؛ وعيت وكبرت وعرفت أنتي وش بحياتي وأبيك تعرفين انه لين بعدين بجلس احاول فيك ما همني كاسر كثر ما هميتيني انا
عذاري ؛ فرصتك ضاعت وأنا ما عاد أعطي الشخص اكثر من فرصه
فيصل قرب منها وصار يترجاها ؛ عذاري عشان العشره اللي بيننا طلبتك أعطيني فرصه
قاطعته عذاري والعصبيه ماليه عينها ؛ عن أي عشرة تتكلم بينها ؟ مجرد كلام أننا لبعض من احنا صغار وأنت استغليت حبي لك وصرت تسوي اللي تبيه ومفروض ما يكون لك حتى وجهه تطلب مني هالطلب ولا ترجع تتكلم بالموضوع ذا معاي فيصل محنا صغار انتهى الموضوع من زمان وأعتقد قلت اللي عندك تقدر ترجع بيتك وتنهي الموضوع لاني خلاص تزوجت كاسر
كان الخبر مثل الصاعقه على فيصل كان يحاول يستوعب بس ما مداه لانه شاف زولها يبتعد عنه
~
بعد ما خلصت ملاذ من يومها طويل في الجامعة راحت لأكثر مكان تحبه و تفرغ طاقتها فيه
وهو مكان صناعة الفخار ، عبارة عن ورشة يدوية لصناعة ما تريده بإستعمال عجينة الطين ،
لصارت تقلب بجوالها لين ما توقف السواق قدام المحل دخلت وكان بأستقبالها شخص من نظرتها الأولى له توقعت انه جديد
غسان :أهلين أستاذة نورتينا
ملاذ :شكراً
ردت من دون النظر له أنظارها تجول حول المكان
غسان :الورشة عندنا تعتمد على الصناعة اليدوية بشكل تام و هذا اللي يمتعك بالإلهام و تفريغ الطاقة السلبية في الطين
أبعدت نظاراتها الشمسيه لتنظر نحوه
ملاذ:شكراً اعرف المكان و اعرف ليه جيت له ، بس أتوقع انك انت الجديد بيننا سارة موجودة ؟
ابتسم غسان بإحراج من رد فعلها نحوه ثم أجابها بثقه
غسان:صح أنا موظف جديد ، ولو احتجتي اي شي تقدرين تناديني ، أي موجوده فوق دقايق ونازله لك
ملاذ : طيب بالتوفيق لك في عملك الجديد
كملت مشيها لداخل ، بالتحديد المكان الذي اعتادت إنجاز تحفها منه لبست اللابكوت الاصفر اللي يمنع ملابسها من انها يجيها شى وتتوصخ ، جلست بامكانها المعتاد قدام العجلة وادوات الخزف والطين وكانت بأنتظار مدربتها «سارة » اللي قطعت كل انتظارها وراحت لها قدام أنظار غسان
سارة بحب ؛ اهلاً بأحب وأقرب متدربه لي
ملاذ؛ أهلين فيك سارة وينك آخر مره جيت ما حصلتك
سارة ؛ ابد يعيني تعرفين الضغوطات اللي امر فيها الحين بس رجوع اخوي غير من جوي شوي
ملاذ ؛ متى رجع اخوك من بريطانيا ؟
سارة ؛ قبل كم يوم
ملاذ؛ الحمدلله على سلامته يعيني
سارة وهي تربت على يدها ؛ الله يسلمك
بدأت سارة تشرح لملاذ عن صناعه كوب فخار بطريقه غير اعتياديه بس جاها اتصال اجبرها توقف كل اللي بيدها قامت من مكانها عشان ترد وما كانت إلا كم دقيقه ورجعت لعند ملاذ
سارة ؛ ملاذ ضروري اسفه بس ضروري اطلع حصل لي ظرف طارئ
ملاذ؛ احد فيه شي ؟
سارة ؛ لا بس لازم اطلع اعذريني لكن برجع احجز لك موعد بعد كم يوم ونكمل شغلنا
ملاذ ؛ خذي راحتك يعيني
انتهى...