مساء السعادة وفصل جديد من رواية الشفرة بقلم Islam Mohamed و شيماء عبد الحميد
البارت الخامس
🌷🌷🌷🌷🌷
رغم كثرة من حوله من رواد القهوة إلا أنه شعر بدخوله لعالم أخر خاليا من الناس ويسكنه فقط الأفكار .
تسلل اليقين إلى قلبه بصدق ما رواه نور رغم صعوبة بل إستحالة كل ماحدث معهم و الصدفة العجيبة التى جمعت نور و نور بالشهيد نور . و بوسط متاهة الأفكار ناداه رجل غريب جلس إلى جواره دون ان ينتبه إليه حتى وصله صوت الرجل .
الرجل : مساء الخير يا زعيم .
الزعيم : مساء الخير مين حضرتك وتأمر بإيه؟
الرجل : أنا المقدم خيري من القوات الخاصه بأمن القنصلية المصرية . وعايزك في موضوع مهم .
إنتبه الصاوي جيدا عند ذكر اسم خيري ولكنه تعمد ألا يصدر أي رد فعل لمن يدعي أنه خيري .
الزعيم : أهلا وسهلا يا باشا تشرفنا بس واضح إنك هنا جديد لإني ما شفتكش قبل كده
الرجل : أيوه لسه واصل من اسبوعين ما لحقتش أتشرف بيك
الزعيم : الشرف لينا يا باشا إتفض أنا تحت أمرك .
الرجل : ده كان ظني فيك أكيد وصلك القلق إللي حصل اليومين إللي فاتوا من الاثنين المصريين إللي كانوا في الفندق .
الزعيم : فندق ايه ومين المصريين دول ؟
الرجل : غريبه مع إن واحد فيهم قال إنه كان على أتصال معاك وقت التحقيق .
الزعيم : يا باشا أنا هنا راجل ليا سمعتي ومسؤل عن المصريين إللي هنا فبعد إذنك تعالى معايا طوالي عشان لا أضيع وقتك ولا وقتي .
الرجل : ماشي يا زعيم أنا بقصد نور البلوجر إللي جاي من مصر عشان يصور أماكن هنا في تركيا وكان المفروض هيتعشى معاك .
الزعيم : أيوه الأستاذ نور كان فعلا المفروض يوصل إمبارح ويجي يتعشى معايا بس هو ما إتصلش بيا ولا إعتذر حتى .
الرجل : يعني هو ما لجأش ليك يا زعيم هو والبنت إللي معاه؟
الزعيم : إللي أعرفه إنه جاي لوحده يا باشا معرفش إن معاه حد وثانيا هو لا إتصل من وقتها ولا أعرف عنه حاجه . هو في إيه الموضوع يا باشا ما تفهمني عشان أقدر أساعدك .
الرجل : بص يا صاوي الواد والبنت دول إتحقق معاهم في جريمه قتل وخربوا ورجعوا الفندق وحصل جريمه قتل ثانيه وهم هربانين وما دام لسه ما وصلوش للقنصليه وأول مره ينزلوا تركيا يبقى أكيد هيحاولوا يتصلوا عليك تساعدهم الموضوع كبير قوي وأكبر من أي حد فلازم تساعدنا نوصل ليهم وده عشان نحميهم . عايز أفهمك إن السلطات التركيه بتدور عليهم في كل مكان ولازم نوصلهم إحنا الأول .
الزعيم : ده واضح فعلا إن الموضوع كبير قوي بس لما هما قتالين قتله كده هيلجأوا ليا ليه يا باشا لا مؤاخذه؟
الرجل : هو انا قولت قتالين قتله ؟! أنا بقول متورطين فى الموضوع وأكيد هيحتاجوا مساعده .
الزعيم : تمام يا باشا أول ما يجوا أو يتصلوا بيا هاخدهم ونطلع على القنصلية على طول .
الرجل : لا بلاش تروحوا بنفسكم .
تأكد الصاوي أن ما إستشعره عند ذكر اسم خيري كان صحيح ويؤكد روايه نور عما حدث معهم ولكنه تعمد أن يكمل الدور للنهاية .
أنت تقرأ
الشفرة
Mystery / Thrillerدايما ما تفاجأنا الحياة بمواقف تقلب كل الموازين رأسا على عقب تجعلنا نكتشف أشياء بداخلنا لم نكن نعلم بوجودها فما بين جريمة و هروب و ألغاز مشفرة و ملفات سرية تنشأ حكاية ولم نعلم لها نهاية فما هى الجريمة ولما الهروب و ما تلك الملفات و ماذا يحدث إذا تم...
