الشفرة

الفصل السادس

البارت السادس

أنهى حسين إتصاله مع الصاوي وهو في حالة توجس وقلق مما حدثه عنه و لم يجد أمامه إلا أن يبلغ نور و نور و باسل بما حدث .
حسين : الصاوى إتصل بيا وبيقول إن القهوة متراقبة والكاميرات إتهكرت وإننا لازم نتحرك من هنا .

توترت نور و ظهر الخوف على ملامحها لتسأل -يعنى إيه هما ممكن يوصلوا لينا هنا؟
و بتلقائيته المعهوده أجابها نور*أكيد يا بسكوته ده جهاز مخابرات أكيد مش بيلعبوا.
ليقاطعهم باسل : يبقى لازم نتحرك من هنا.
ليبدأ حسين فى التحرك وهو يدعوهم  : بسرعة يلا .
باسل : لا يا حسين إنت مش لازم تبقى معانا ، لو الكاميرات إتهكرت زى ما الزعيم قال هيبقوا بيدوروا عليك وهنكسب وقت بمراقبتهم ليك لحد ما يكتشفوا إنك لوحدك .
حسين : وهتروحوا فين؟
باسل : الأفضل إنى أتواصل أنا معاك ، كمان لسه مش عارف هنروح فين .
وبحزن و خوف تسائلت نور-يعنى إيه هنتحرك تانى أنا تعبت؟
ليجيبها نور بإندفاع *خلاص خليكى هنا إنتى لحد ما يجوا ويفجروا دماغك .
و بشراستها في الرد على إستفزازه سريعا -الملافظ سعد يا مهند انت .
ليبتسمع نور على الفور *طيب يلا يا بسكوته .
رمقته بنظرة مشتعلة من طريقته المستفزة -طيب إدينى دقيقه أغير هدومي .
ليلطف باس التوتر برده عليها بإبتسامة  : كيف ما بدك يا أستاذة نور نحنا ناطرينك .

وبعد خروج نور كان للرجال الثلاثة حوار أخر

حسين : أنا أسف يا باسل إنى دخلتك فى مخاطرة زى دى .
ليتكلم نور نافيا كلامه *إحنا المفروض أللى  نتأسف ليكم إنتم الإتنين و للزعيم الصاوي كمان قلبنالكم حياتكم من غير قصد .
باسل : شو ها الحكى يا جماعه .. نحنا بنساعد الغريب مو هنساعد القريب ؟ والقضية الفلسطينية قضيتنا كيف ما هى قضيتكم ، ونحنا أكتر ناس نعرف الحرب والدمار وعانينا كتير .
نور*امتى الأوضاع دى ممكن تتغير؟
باسل : لما نبقى على قلب واحد وما نسيب العالم يعمل شو ما بدوا فينا.
نور*بس إحنا ايه فى إيدنا نعمله؟
حسين : إحنا بنعمل اهو يا أستاذ نور.
نور*اه لإننا إتحطينا صدفة فى الظروف دى . لكن فين الحكومات ؟!
حسين : لو بتراهن على الحكومات يا نور فأنت غلطان .
نور* المفروض هراهن على مين ؟
حسين : راهن على الشعوب .
نور بقلة حيلة *وأيه إللي فى أيد الشعوب تعمله ؟
حسين : وعى الشعوب لو أتغير حتى الحكومات مش هتقدر تعمل حاجه لإراده الشعوب .
نور*طيب ما هو إتغير وقامت ثورات إيه حصل ، كل حاجة رجعت زى ما كانت وأسوأ ويمكن بقينا نترحم على إللى كان .
باسل : أستاذ نور دى البداية مش النهاية بص على شعوب العالم ، نحنا بنشوف شعوب متضامنة مع القضية وما كنا نتخيل إنها تتضامن ، حتى الشعوب الى حكوماتها متضامنة مع الإحتلال التاريخ بيقول إن كل مقاومة نهايتها نصر مهما طال الزمن .
نور*أتمنى إللي بتقولوه يكون حقيقى .
لتدخل إليهم نور بتلك اللحظة -انا جاهزه .

خرج باسل ومعه نور ونور من شقة حسين و إستقلوا سيارة باسل وإنطلق بها .

****************************