الشفرة

الفصل الثامن

الفصل الثامن

* صباح الخير معالي السفير .
- صباح الخير يا صاوي .  فينك يا راجل ما تقابلناش من كتير .
*  تحت النظر معالي السفير , انت تؤمر وأنا أجي على طول .
-  ده ظني فيك . طمني أخبار المصريين إيه ؟
* كله تمام يا باشا ماشيين بحس معاليك.
- إسمع يا صاوي أنا عايزك تقابل واحد ، وخد بالك الشخص ده مهم تسمعه للأخر ، وتتعاون معاه .
* حد مين يا ميعالي السفير؟!
- دقيقه واحدة وهيكون معانا . و تعالى صوت طرقات على الباب ليأذن السفير للشخص الطارق بالدخول . أهو يا سيدي قبل ما أكمل الكلام وصل. إتفضل يا سيادة الرائد .
& شكرا معالي السفير أهلا يا معلم صاوي .
* مرحب بيك يا سيادة الرائد  ؛ بس هو في أيه؟!
- أعرفك بنفسي أنا الرائد كمال من المخابرات العامة المصرية . 

* اهلا وسهلا بحضرتك خير يا سياده الرائد.
& بإختصار كده يا زعيم أنا جاي بخصوص نور ونور وعارف كل حاجة حصلت معاهم من ساعة ما وصلوا تركيا لغاية ما وصلوا ليك في القهوة .
- وقبل أن يجيب الصاوي علق السفير على حديث الرائد : قبل أي حاجة يا صاوي لازم تفهم إن الموضوع فعلا خطير وإن إللي ظهرلك في القهوة وقال إن اسمه خيري ، و إنه  ظابط مخابرات مصرية ده ظابط بس بالمخابرات الإسرائيليه فالموضوع أكبر مما تتخيل ، وعشان كده كان لازم تتعرف على الرائد كمال هنا في مكتبي عشان أبعد أي شك في الرائد كمال ، وأسهل بينكم المساعده .
* على راسي يا معالي السفير  . إنت عارف أنا في خدمة مصر  و خدمه أي مصري .
-  ده عشمي فيك يا صاوي ، ودلوقتي أسيبك مع الرائد كمال عشان عندي إجتماع مهم من فضلك يا سياده الرائد عايز تقرير ساعة بساعة عن تطور الوضع وإللي وصلتله .
& تمام يا فندم هيكون على مكتب جنابك ، و دلوأت قل لي بقى يا زعيم نور ونور فين ؟
*  بص حضرتك هم كانوا عندي وبعتهم مع حسين إللي بيشتغل في الاي تي في شركة هنا في تركيا وصلوا معاه البيت بس لما جالي إللي اسمه خيري قلت لهم لازم يهربوا ويخرجوا من عنده فورا وإني هكون مستني منهم خبر أعرف مكانهم فين ، وتوقعت إنهم ممكن يتجسسوا على تليفوني فمحاولتش أكلم حسين منه مرة تانيه وأنا مستني منهم خبر أعرف وصلوا فين ومع مين وأوعدك أول ما أوصل لحاجة هبلغك فورا .
& يا صاوي إنت مش هتقدر تحميهم  ، الموضوع أكبر منك ولازم نتدخل عشان حمايتهم  . إللي معاهم أكيد هيكون في خطوره عليه هو كمان ،  والخطوة بحساب ، والوقت مش في صالح حد  . 

* يا باشا أنا قلتلك كل حاجة حصلت وأكيد هخاف عليهم دول زي أولادي  ، وفاهم كويس كل الكلام ده و صدقني أول ما توصلني معلومة عنهم هبلغ حضرتك على طول تمام يا زعيم وأنا هعرف إذا كانوا فعلا بيتجسسوا على موبايلك ولا لا ، وهعرف أتواصل معاك  . وده رقمي في أي وقت وصلت لحاجة إتصل عليا فورا  . 

* تمام يا باشا أستأذن أنا  . 

وخرج الصاوي وهو يسأل نفسه لما لم يخبره بوجود نور ونور مع باسل وأنه خبأهم جيدا  . فليس له حجة أن يكون هناك شك في هوية كمال ،  ولكن حسه الفطري فرض عليه التأني فما يوجد بالفلاشه دفع  شباب فلسطيني أرواحهم ثمنا له و لابد أن يعود لأصحابه فهم أولى به من اي شخص أخر .