البيبرس

الحلقة الثانية من البيبرس

-البيبرس
-بقلم الكاتبة ميامين الدليم

لاا تنسون التصويت ولتعليقات بين الفقرات -

صافيناز : اخذني للبصرة

ادهم : شنو صافو بصرة شنو
صافيناز : مثل مسمعت ادهم اخذني للبصرة كلت
ادهم : بس صافو ماكدر وانتِ منو الج هناك شتعرفين عنهم شلون تعيشين وياهم

صافيناز : اعيش وياهم على سم اعيش على ثار ادهم كلبي محروك هناا كتالين امي وهناك السبب بموتهاا شنو اسوي اني شنو بيدي ماكدرت على شي

ادهم : انسي هاي السالفة مال بصرة ولتعيديهة

صافيناز : ادهم راح تاخذني سمعت راح تاخذني رضيت او لاا اني هناا المسؤلة على نفسي محد يكدر يحكمني حكم ابوية علية شلتة من قاموسي ادوس عليهم وعلى تقاليدهم سمعتت

ادهم : اخذج بس بشرط

صافيناز : ولو اني رايحا رايحا مواكفة على الشرط مالتك بس غرد

ادهم : اروح وياج

صافيناز : وشتسوي هناك

ادهم : مثل ما انتِ مطيقين اهلي اني هم كرهت البيت

صافيناز : تقصد تكون نفسك هناك

ادهم : ايي هيج شي شكلتي المصوفرة

صافيناز : متفقين شوكت نطلع

ادهم : شعندج مستعجلة

صافيناز : عندي حسابات لازم اصفيهم ماعندي وقت

- جانت ايام جحيم علية تأجلت روحتي بسبب شغل واجراءات الاحلام ولكوابيس صارت متعوفني بكل لحضة اغمض عيني بيهن ماطبيت لهذاك البيت بعد اخذني ادهم لوحدة من البنات الي يدربهن ساكنة وحدها كلش جانت حبابة وبقت اداريني بحيث نكسرت اكثر جانت تذكرني بحنية امي علية

- ادهم جان يجي يومية يجيب الاكل وكلشي نحتاجة اتصالاتة ماا وكفت ماعرف شلون جنت راح اجازي على كلشي سوا وياي رغم كلشي جنت احجي على اهلة بس هوة بقة واكف وياي ادهم الي ينكال عنة الرجال الكد كلمتة بس للاسف ماطالع من ضهر واحد سبع

مر اسبوع واسبوعين انتضرت لحد ماا طلعت الاربعين بيومها كعدت لكيت البيت متروس مسواك وكلشي سفري وادهم ولمار يحضرون عرفت هذا ثواب دمعت عيوني واطرافي خدرت كعدت وحتة ماا حسوا علية موجودة

- مو المفروض الي اسمة ابوية هوة يسوي هلشغلات مو المفروض اهلي همة الي يحزنون عليهة حتة المكطوع من شجرة عندة ناس تحزن علي ليش امي هيج تعذبت حتة بموتتها ماا ارتاحت

- بقت دموعي تنزل لحد ماا فزيت عليهم يصيحولي واني مو وياهم ولاا اسمعهم

ادهم : يمعودة عبالنة سحبوج لغير كوكب

صافيناز : شردت شوي انتوا شنو كاعد تسوون

ادهم : ثواب للمرحومة
صافيناز : السويتة هواي ادهم وهذا واجبي اني تعبتك هواي وياية