البيبرس

الحلقة الثانية والعشرون من البيبرس

البيبرس
بقلم :- الكاتبة ميامين الدليم

‏﴿ ᷂وَاذْكُر ᷂رَّبَّكَ ᷂إِذَا ᷂نَسِيتَ ﴾
‏- ᷂لآ ᷂آلهَ ᷂الا ᷂الله.
‏- ᷂سبحَان ᷂الله ᷂وَبٓحمده.
‏- ᷂سبحَآن ᷂الله ᷂العظيم.
‏- ᷂استغفرالله ᷂واتوب ᷂إليه.

     التصويت للبارت اضغطو على النجمة الجوة
التعليق بين فقرة وفقرة للذكرى

                 بـسم الله رب البدايات نبدأ

طلعت للشارع لكيتة واكف وية شخص شايل اوراق ولابس زَي مُحاماة شافني اجة علية قربني علي سندني ومشينة يم سيارتة

- ابتسم الشخص الواكف ويا :- صباح الخير حضرتج صافيناز محمد خليل

باوعت لغياث ورجعت باوعتلة : ايي اني صافيناز محمد

قدملي اوراق غياث : وقعي هنا

صافيناز : غياث شنو شنو وقعي هنا شديصير

غياث : شبيج ارتبكتي اهدي

سمعت صوت بابة وراية
- وقعي بنتي وقعي هذا حقج

باوعت وراية بابة واكف مكتف ادينة ومبتسملي سحبت الاوراق من غياث قريت الكلام الفوك

:- اوراق نقل ملكية .

بقيت اعيد بيهة واباوع الابوية الابتسامة ماختفت عن وجهة اطرافي حسيتهة انشلت شديصيرر

غياث : وقعي هناا

يأشرلي على اماكن التوقيع واني ادية ترجف انطيتة الاوراق ورجعت ورة :- ماراح اوقع مستحيل اسوي هيج اني شنو اسوي بيهن هذني حق ابوي وتعبو اني ما احتاج كل هذا ميفرحني ولا يهمني

- اتقدم ابوي وكف كبالي لزم جتفي غمض عيونة اخذ نفس :- بغلاتي عندج بروحها الامج توقعين عليهن

صافيناز : بس بابة انتَ هيج دتثبتلهم اني هنا علمود هلشي

محمد : لاا بابة لاا هسة او بعدين راح يصير هلشي اني ماعندي احد غيرج يورثني وصدكيني هذا كلة تعبي اني مو من جدج كلشي الية يعني لحد هسة ما وارثتني من جدج وبعدين شنو الفرق فلوسي هية فلوسج

- باوعت الغياث ابتسملي ومدلي الاوراق :- يلاا مدام وقعي وفرحي الوالد

سحب بابة الاوراق من عندة وقدملي القلم اخذتة وادية ترجف :- وقعي هناا

وقعت ورجع يدليني على اماكن ثانية اوقع بيهة خلصت انطاني الاوراق وحضني بادلتة الحضن ونزلت دموعي :- تستاهلين حبيبة ابوج

باوع الغياث وفتحلة ايدة بمعنى تعال اشرلة غياث مستغرب : انيي ؟

محمد : ايي وليدي تعال

- اتقدم متردد غياث ضخم بس بابة هم جان جسمة طويل ورياضي يكفينة ثنينة حضنة سوة

محمد : يوم التسمعون كلمتي وتفرحوني بيكم