البيبرس

الحلقة الرابعة من البيبرس

- البيبرس
-بقلم الكاتبة ميامين الدليم

صافيناز : غلطانة اني جاية اكسر ضهرج

- ركضت عليهة وكلهم كامو حتة يلزموني ويهدون الموقف بس لاا حياة لـ من تنادي ملختهم يجرون بية وارجع اهجم عليهة دفرت الميز الجانو حاطين اكلهم علي بقَت هية مصدومة مني ماتوقعتني هيج عبالهة جاية عليهم اتلوك متدري جاية ادمر شكوو ذكرة امل بحياتهم

غياث : داكلج بسس تفهمين عربيي انتِ خلي عقلج براسج انتِ طابة لعائلة محترمة اوزني حجيج وتصرفاتج

صافيناز : لااا صدك عيد بلة عييد ماسمعت اكص ايدي اذا اكو واحد بيكم محترم اكصهة الايدي

- راد يتهجم علية ولزموا تائب ولشخص الجان وياهم يمكن ولد عمي هوة وهااي السعلوة
- ضحكت وكلت " تريد تمد ايدك علية يعني شوف اكلك بعدة مانخلق ولاا راح ينخلق الي يمد ايدة علية وهذا الحجي موجه للكل اني هنا حالي حالكم ماا كاعدة بمانية وتعاطف من عدكم وغصبا على الكل يحترمني

غياث : اخذوهاا مناا راح اجرم بيهة اخذوهاا منااا

-تقربت علية نيروز وسحبتني

صافيناز : عوفيني ليش تسحبيني من منو خايفة انتِ وشنو يكدر يسوي اذا بقيت

نيروز بصوت ناصي : دخيلج امشي خلينة نحجي وافهمج

صافيناز: باوعتلة وكلت رايحاا اني مو خوف من اي شخص بس بمزاجي امشي

غياث : بلقران راح اجرم بيهة انتوا شبيكم محاوطيني موو مفترس اني وخرو عن وجهي لاا امطلكم بدالهة

جاسر: يلاا ميخالف تمون علية وامون عليك
تائب : امون لو خبز
غياث : انتَ اذا ماخليتك اجوز من هاي سوالفك
مرام : غثيث طلعت على بنت عمتك المجهولة واحنة مندري
تائب : يابة تروحيلهة فدوا غير تسواج وجهج بي افرع اكثر من منطقتنة
سراج: بس مرام طبي جوة وماريد مشاكل ولاا مشاحنات نفس ماريد
مرام : كادرين علية انتواا اوي وخروا هيج