البيبرس

البارت الثامن والعشرون من البيبرس

᷂وَاذْكُر ᷂رَّبَّكَ ᷂إِذَا ᷂نَسِيتَ ﴾
‏- ᷂لآ ᷂آلهَ ᷂الا ᷂الله.
‏- ᷂سبحَان ᷂الله ᷂وَبٓحمده.
‏- ᷂سبحَآن ᷂الله ᷂العظيم.
‏- ᷂استغفرالله ᷂واتوب ᷂إليه.

التصويت للبارت اضغطو على النجمة الجوة
التعليق بين فقرة وفقرة للذكرى
- اذا ماشفت تصويت وتعليقات بين الفقرات اوقف تنزيل القصة ..

بـسم الله رب البدايات نبدأ

- رفعت راسي باوعتلة بصدمة ورجعت باوعت الغياث الكام من مكانة بسرعة

غياث:- على راسي جدي انتَ وعمي وبنت عمي بس انه مارايد وحرمتي موجودة الله يقدم البي خير الهة

- دنكت راسي ما جاوبت كام جدو من مكانة

خليل :- ولك انتَ كل يوم براي تلعب علينة جهال كدامك

غياث :- طبعاً لاا جدي كلامك على راسي وكلتلك حرمتي موجودة والله يسعدها صافيناز عزيزة بس السوتة غير كلشي

خليل :- لاا يغياث ولله ثم ولله ما تركب راسك وكلامي الي يمشي

غياث :- تعذرني يالغالي الحرمة التلعب من ورة ضهري متناسبني

ماتحملت اكثر كمت :- من رخصتكم
ما
طلعت من الصالة سمعت اصواتهم علت صعدت لغرفتي وقفلت الباب

:- طلعت غضبي الضميتة واني اسمع كلامة كلة لكيت نفسي اريد اريد اسوي شي بنفسي يخليني ارتاح نمت بلكاع وضميت نفسي لحضني

- ماراح اسامحك غياث على كلشي
- اعرف غايتة خليل من سمع بية اخذت كلشي بـ اسم ابوية قرر يزوجني الغياث

- مر اليوم بـ اسوء من القبلة صرت اجيب مرخي اعصاب واخذ كل مازاد تفكيري استمريت بدون محد يلاحظ نضري قل زادت النوبات عندي عيوني تضررت

صرت مادري بنفسي من تجيني النوبه ماشوف احد ولا اخلي احد يدخل اكثر من مرة دز علية خليل مانزل بس اسمع اصواتهم العالية وتنتهي بغياث يطلع من البيت

الساعة جانت ١١:٠٠ بليل من رحت نمت
-اسمع الباب يندك بس جسمي مابي القوة ولا داتحكم بنفسي وحركتي من سمعت بابة يصيح بـ اسمي ضغطت على نفسي حتة اكدر احجي واخلي يسمعني

محمد :- هسة راجعلج بابة لتخافين

- حسيت نفسي بغير عالم بغيت استغفر عسى ولعل ارجع لعالمي بس اسمع اصواتهم البعيدة بدون ردة فعل مني

حسيت بصوت اتقرب يم راسي ويمسح على راسي
-بابة صافيناز تسمعيني
:- اسمعك نايمة
محمد:- تكدرين تكومين
:-هزيت راسي بمعنى لاا

غياث : عمي من رخصتك شوية

ابتعد محمد اتقرب غياث فتح عيونهة وصار يسئلهة اسئلة عشوائية مثل شنو اسمج وبنت منو