البيبرس

البارت السادس والعشرون من البيبرس

‏﴿ ᷂وَاذْكُر ᷂رَّبَّكَ ᷂إِذَا ᷂نَسِيتَ ﴾ 
‏- ᷂لآ ᷂آلهَ ᷂الا ᷂الله.
‏- ᷂سبحَان ᷂الله ᷂وَبٓحمده.
‏- ᷂سبحَآن ᷂الله ᷂العظيم.
‏- ᷂استغفرالله ᷂واتوب ᷂إليه.

       التصويت للبارت اضغطو على النجمة الجوة
              التعليق بين فقرة وفقرة للذكرى

               بـسم الله رب البدايات نبدأ

اليوم لازم يتنفذ كلشي رسمتة انتضر مكالمة وحدة بس ..

- جبت غطى وغطيت نيروز اخفف من رجفتها تسنيم شايلة تلفونهة ولاا شالت عينهة منة تنتضر مكالمة من اسد

- رغم انو خليل حتة هية رافضهة بس خوفهة علي يقهر احنة كلنا ضحاياا خليلل

- حسيت بـ اطرافي بردت صحت لمُناي تجي يم نيروز عرفت ضغطي نزل رحت للمطبخ شلت ملح حطيت جوة الساني

- غريب صرت احن الهم يعني لاا محد حزر منهم مو صافيناز الي تستسلم الهم خلي الموتة تصير اموات ثنين

بعد تقريبا ساعتين وشوية رجع الوضع طبيعي والنحس ميصير علي شي معروف رجع بسبع ارواح باوعتلهم كلهم بحقد واحد واحد انتبهوا علية وطلعت

- اخذت تلفوني وقررت انفذ هسة فتحت المكالمة اول ماا كال تم ابتسمت بمكر سديت الاتصال باوعت وراية جان واكف مكتف ادينة يباوع بـ استغراب

غياث :- شنو الي تم ومنو هذاا

مشيت بناحيتة بخطوات كلها ثقة : اللعبة الصغيرونة

غياث : احجي ولطلعيني من طوري واصلة حدهاا

صافيناز : طلعو من طوركم هدمو البيت انجلطو سوو الي يعجبكم اني بدت وياي ساعة الصفر ومحد راح يوكف براسي تراب امي ميروح هدر بسبب الطغياان

:-  وتراب الكااع لجان خايف عليهة تتسجل بـ اسم امي بححح صارت رماد

- فتح عيونة على وسعهن لزم اكتافي شدد عليهن بغضب
غياث :- شسويتيي صافيناز شسويتيي يااا غضب الله علينة شسويتييي

- رفعت عيوني بعيونة وكلت :- صرخ شكد متريد احب اسمع هااي الاصوات منكم

:- دفعني وراح اجة وويا الولد كلهم طلعو يركضون بقيت واكفة اتنفس راحة وحسيت عقلي رجعلي وماخليت كلبي ومشاعري تسيطر علية لا حب ولاا غيرة يرجعلي امي

طبيت جوة اتصلت بـ ادهم كلتلة انسحب طلع رايح من اول ماسديت المكالمة منة ارتاحيت وكعدت انتضر الخبر يوصل لخليل

- شفت اشعار وصل لتلفوني فتحتة جان فيديو من ادهم فتحت الفيد جانَت النار مشتعلة وشاعلة الدنياا والبيها انرسمت ضحكة بوجهي وفز كلبي وياها
- ايي فز كلبي بفرح لان هاي النار الي اشتعلت طفت النار الي بكلبي

- بقيت اعيد بي وبكل مرة افرح اكثر هذا انتصاري وانتصار امي صعدت لغرفتي وكفت يم شباكي انتضر اخلص البديت بي مرت ساعة وساعتين ما مليت ولا حسيت بتعب احس نفسي طايرة