البيبرس

الحلقة السابعة من البيبرس

البيبرس : بقلم الكاتبة ميامين
لاا تنسون التصويت ولتعليق بين الفقرات

صافينار :- بابة شنو كاعد ادور كول واني ادور ارتاح انتَ

محمد :- لاا بابة لكيتة
شال بـ ايدة مفتاح فتح ايدي وحط المفتاح بيهة

صافيناز :- مفتاح شنو هذاا
محمد :- هذا مفتاح غرفتي الجنت محضرها لعرسي الماتهنيت بي بقَت كل فترة اماني اطب تنضفها وتطلع هسة صارت الج اخذي راحتج بيهة

صافيناز :- بس بابة هااي
- قاطعني وكال :لاا بابة هاي الج ومن حقج انتِ يلاا بنيتي اخذي غراضج رتبيهن بيهة لاا تبقين هيج مبهذلة اعرفج تحبين تقضين وقتج بسوالفج التحبيهة وغراضج القديمة ترتبيهن على جوج

صافيناز :- حضنتة وكلت : كون مانحرم منك
بعدها اخذت غراضي وطلعت لنيروز ادليني لمكان الغرفة بس حسيت ملامحهاا تغيرت من كلتلهة غرفة امي وابوي

نيروز:- يعني راح تسكنين فوك

صافيناز :- اكوو مشكلة فوك على ماعتقد انتِ غرفتج فوك مو صح

نيروز :- ايي كلناا غرفنة فوك بس معزولات يعني

صافيناز :- خلص لعد جييد

نيروز :- غرفتج راح تصير قريبة على غرفة غياث ولغرفة الممنوع احد يدخللها

صافيناز :- وقابل اني راح اطب اتحرش بي

نيروز:- لجج لاا بس اخاف جدو يعترض

صافيناز :- جدج مو جدي وخلي رأية ينكعا بمي دافي ويشربة يخفف لواكة

نيروز:- اوووي صافيناز انتِ شكد عرمة وتحبين المشاكل

صافيناز :- اني ماحب المشاكل اني ماخلي احد يوكف بوجهي خاصتا هذاا جدج

نيروز :- امشي امري لالله
:- صعدنا فوك دلتني للغرفة ونزلت فتحت الباب وطبيت اول ماا تنفست بيهة نزلت دموعي وصار هدوء وسكون بروحي مو طبيعي حسيت بجو العائلة حسيت بيهة فرحة امي حضنها حنانهاا كلة حاوطني بهذيج اللحضة

:- بقيت اتفحص الغرفة اثاثها جان قديم وجديد يلمع من النضافة مثل ماا احب مو موديل جديد غراض عروس جانت على الميز بقيتهن بمكانهن وحطيت اغراضي وياهن

بابة يكلي ضيفي اجوائج للغرفة
-واني داشوف اجواء عرسهم كدامي شلون اتلاعب بيهة
شعور غريب وحلو بس بي كَسرة عضام
:-تخيلوا انتوا واكفين بوسط الغرفة الجانوا راح يتزوجون بيهة اهلج وراح تعيشين بيهة

- شنو هلدنيا الغريبة ياا ربي شنو هاي الاختبارات كلهة

- حاولت اتعايش وية الامر الواقع عزلت غراضي بدون ما اتلاعب بشي من اغراضهم كلش جان شعور حلو واني اباوع للغرفة بس غصة بروحي غصة محد يفهمهة ويتمعنها غير صاحبهة