البيبرس

الحلقة الثامنة من البيبرس

البيبرس : بقلم الكاتبة ميامين الدليم
لاا تنسون التصويت
والتعليق بين الفقرات -

صافيناز
- فجئة حسيت احد سحبني
ماا عرفت وين الى لمى فك قيودي ودفعت نفسي عنة اشوف منو
فتحت عيوني بصدمة واني اشوفة غياث بسرعة هجمت علي بعصبية اضرب بصدرة واعيط

:- انتَ واحد حقير واناني ومُختل عقليآ انتَ شلون تتصرف هيج وياي انتوا ناس مجانين ماا براسكم عقل انتَ دكتور نفسي بس الامراض النفسية كلها بيك شتريد منيي عوفنييي بحاليييي عوفنيييي
- بقيت اعيط واضرب بصدرة بكل قوة املكها وهوة ماتحرك من مكانة ولاا اصدر ايي ردة فعل

انسحبت من عندة مسحت دموعي بقوة وردت اطلع وكف كدام الباب
عقدت حواجبي واني اباوعلة بعدم فهم الديصير
- المطلوب مني شنو غياث كاريزما المطلوب شنو غايتك من جبتني هنااا شنو هاي غرفتك غياث واني بنت عمك وعرضك شلون تتصرف وياي هيج تصرف عيب عليك واني الغبية الكلت انتَ مو مثلهم شفت بيك حنية ابوية

غياث:- اذا كملتي روحي اكعدي من اكلج اطلعي تطلعين

- كلامة جان كفيل يخبلني جان كفيل ماا يخلي ذُرة اعصاب عندي فقدت نفسي صار سريع صرت افرك ركبتي وصدري بهستيرية صرت امشي بلغرفة الجانت كُلش جبيرة تكفي عائلة واني امشي صار كدامي دفعتة وكلت

- غياااث لتفقدني اعصابي شوف صدكني تندم صدكني اني ماا اسكت عن حقي بعد كول احجي انتة شنو ضام عنيي ليش سحبتني هناا ليش البيت صار هدوء مابي نفس ليش انتوا عائلة مخابيل فاقدين شكاعد تسوون من وراية شنو ضامين عنيي

غياث :- كلتلج لدورين وراي شوفي حالتج كلتلج لدورين ورة غياث راح تتعبين وتتاذين شوفي نفسج بـ المراية شوفي حالتج

صافيناز بصياح :- الموت ارحم صدكني هاي الجملة متفاركني الموت ارحم على انو اعيش وياكم اعيش بوسط الناس الي اذيتي منهم اعيش بوسط اهلي الي كل دموعي بسببهم موت امي بسببهم كلشي بي اني هسة بسببهم

- شايف شكد صعبة من تعيش غريب بوسط اهلك ليش منبوذة عدهم لييش ماا خلوني بوسطهم وماا اتبرو من عدنة ليش بهذلونة وخلونة خدم لليسوة والميسوة صرت انضرب على اتفه شي

- لاا تلوموني على كلشي تشوفو مني لان بعدكم ماا شفتو شيي صدكني راح اخلي يتوسلي حتى ابري الذمة صدكني راح يجي هذا اليوم

- وكعت بلكاع ونهاريت بـ البجي حسيت وجع بكلبي وجع بروحي مالة علاج انهاريت كدامة ماعرف ليش وشلون كل الاعرفة انهااااريت

- كعد يمي وسحبت نفسي بسرعة رفع راسة وهوة يسند راسة للسرير الورا

غياث:- صعب نتغاضة عن الاشياء النابتة بروحنا صعب من تحول روحك من روح رياضية الى روح انتقام ونار تغلي من الحقد والكراهية لاكن السهل من تكونين قوية كدام خصمج البنية شما كانت قوية راح يخاف منهة الخصم ويبتعد ويتفادة اللعب وياهاا