Fantasy World || Ot7 || Completed

කරුණාකර මාව වැලදගන්න - 02

" දැන් මගුල් මුදු මාරු කරගන්න !! "

අන්තිමට අපි බැන්දා...ඔව් අපි දෙන්නා මාසෙන් බැන්දා..මගේ අම්මාලාට මන් මගේ situation එක කිව්වාම අඩලා අඩලා අන්තිමට එයාලා කැමති උනා ඉක්මනට අපි දෙන්නාගේ වෙඩින්ග් එක කරන්න..

ඒත් තාමත් එයාට මගේ ලෙඩේ රහසක් !!

මන් දන්නවා එයාට මන් කරන්නේ වැරැද්දක් කියලා..මැරෙන බව දැන දැන එයාව බැදලා මන් කරන්නේ වැරැද්දක් තමයි...

ඒත් මන් තරම් එයා ගැන දන්න කිසිම කෙනෙක් නෑ..

අපි දෙන්නාගේ එකම හීනයක්වත් හැබෑ නොවී මන් මැරිලා ගියොත් එය කොහොමද ජීවත් වෙන්නේ ?? අඩුම ගානේ අපි දෙන්නාගේ වෙඩින්ග් එකේ, හනිමූන් එකේ ලස්සන මතක හරි එයාට තියෙයි ජීවත් වෙන්න..

ඉතින් මන් කරන්නේ වැරැද්දක් නෙමෙයි නේද ??

බැදලා ලස්සන හොටෙල් එහෙක හනිමූන් එකත් ගත කරලා අපි දෙන්නා ජිවත් උනේ මගේ අම්මලා එක්කමයි...මොකද අපි දෙන්නාට කියලා දේවල් හදාගන්න තරම් කාලයක් දෙවියො මට දීලා නෑනේ..කොහොමත් එයා මගේ අම්මටයි තාත්තාටයි බෑනා කෙනෙක් නෙමෙයි..

අපේ අම්මා කියන විදියට එයා තමයි අම්මගේ ලොකු පුතා !! මන් අම්මාගේ ලේලී...

සමාවෙන්න අම්මේ අම්මාගේ ලේලිට වැඩිකල් ජීවත් වෙන්න බෑ...ඔයාගේ පුතාව දාලා ඉක්මනට ම යන්න වෙනව...

" බබා අපි බීච් යං ??? ''

සතියට පාරක් බීච් යන එක දැන් පුරුද්දක් වෙලා තියෙන්නේ..පුදුමයි එයා මගෙන් ප්‍රශ්න අහන්නේ නැතුව මන් ඉල්ලන හැමදේම දෙනවා..මන් ඉල්ලන හැමතැනටම අරන් යනවා..මන් කියන හැමදේම කරනවා..

මන් එයාව දාලා යන්න හදන්නේ කියලා එයාට දැනිලවත් ද ??

වෙන්නත් පුලුවන්...ආදරෙන් බැදුන අය අපෙන් ඈත් වෙන්න හදනකොට ඒක දැනෙනවලුනේ...

" ඒයි ඇයි අද ඔයාගේ සද්දයක් නැත්තේ ??"

වෙනදාට පිස්සෙක් වගේ කියවන එයා අද කටවහන් ඉන්නකොට මට පුදුමත් හිතුනා..ඇත්තටම වෙන කපල් වල වගේ කෙල්ල නෙමෙයි එක දිගට කියවන්නේ..අපේ නම් එයා තමයි ඉතින් දවසෙම උන දේවල් කියන්නේ..