#المتشرده
٠٠٠٠٠٠٠٠٠٠٠٠٠
#البارت4
#مرج_البحر
لجين : رحنه للفاتحه وجنت لابسه دشداشه سوده وجنت صابغه شهري جوزي سلمت ع البنات وع مرت عمي طبعا مااحبيتها كلش لمرت عمي متنبلع عمي متوفي من اني عمري خمس سنوات
كاعدين كلنه جان يطب ابن عمي سلم ع امي واختي ومسلم عليه امي جان تكرصني كالت سلمي ع الولد كتلها وليش هوة ميسلم
خلي اعرفكم على ابن عمي
اسمه علي مواليد ٩٢ طوله ١٨٠ وعيونه عسلي شعرة مو اسود يعني هيج حلو وجسمه معضل
ضل هوة كاعد يسولف ويه امي واني كمت اشتغل ويه البنات ونسولف بليل رجعنه لبيتنه جان يدخلي ع الفيس كال بس سوال كتله اتفضل اني عرفته هوة لان مخلي صورته وحسابي ماخذه من اخته كال انتي مرتبطه كتله حاجين بيه ع خطوبه جان يكلي هاا
وشدعواج هيج شايفه نفسج كتله وليش اشوف نفسي شخص مااعرفه مااسلم عليه كال بس اني ابن عمج كتله واذا مااعرفك يلا من رخصتك اروح انام جان يكلي الله وياج وردة
حجيت بكلبي شكد مستفز خليت ونمت لان جنت تعبانه
امي ضلت تقنع بابويه ع العالم الاجوي خطبوني كوة اقتنع ابويه دز عليه ابويه هوة وزوج اختي كال انتي موافقه ع زواج اني منزله راسي وبس ابجي هزيت راسي كتله اي كال محد جابرج كتله لا كال لعد هذا هوة راح نسأل هسه ع الولد حته نحدد موعد ويجون...
.
.
.
لجين : من كلت لابويه موافقه لان امي هددتني كالت اذا اتكولين لابوج لاا اكله عندج علاقه واخلي يذبحج واني كلشي ولا ابويه ياخذ عليه نظرة مو حلوة واكيد حيصدك بأمي لان ميتوقع تهددني
طبيت يم امي وخواتي بالغرفه واني بس دموعي تجري مااريد ازوج حسيت نفسي ممتقبله الفكرة كلها رجع ابويه وزوج اختي كال ابويه خوش ناس وسمعتهم زينه وإنشاء الله الثلاثاء الكعده مال الزلم اني مكظيتها بس بجي دخل ابن عمي عليه حجه ويايه مااعرف ليش سولفتله الصار جان يكول مو بكيفهم اني اريدج وانهي عليج بس ينطوج كتله ميقتنعون بهاي مال تنهي عليه ماعدنه هيج اني حسيت بنفسي معجبه بابن عمي وهوة هم طلع معجب بيه ومنتبه ع كل حركاتي بس المشكله صارت اكبر
ابويه ميحبهم وميحجي وياهم شلون يقبل بيهم مستحيل حيقبل اخر شي رحت لابويه كمت ابجي كتله بابا ماريد ازوج اني اريد اكمل دراستي كلي بابا انتي احد جابرج كتله لاا بس اني ممستعده للزواج كال لو تبقين العمر كله يمي مااشبع منج واكيف
مسح دموعي من عيني وكلي هذا هوة اعتبري الموضوع انسد بس جنت خايفه من ردت فعل امي وشراح اسوي من تعرف ابويه حاجي وياها وكايللها اني ماريد انطيها وهيه تخبلت
اجتي عليه ضربتني وضلت شاده ويايه كرهتني بعيشتي ضلت متحجي ويايه من شهر الخامس لحد شهر ١٢
وبشهر العاشر جان محرم ب ٢٠١٥ يوم ٢١ بالشهر ودنيه دتمطر امي شوت سمج وتمن سوت وطرشي وزلاطه خير من الله كعدنه نتغده امي كالت لابويه العصر يودينا لبيت خالتي مسويه قرايه كلها مو دنيه تمطر شكو رايحين ضلو يشاقون كلها حفوت انام أبين متكملون وكعدوني
