#المتشرده
٠٠٠٠٠٠٠٠٠٠٠٠٠٠٠٠
#البارت5
#مرج_البحر
لجين : بيبيتي كلتله اذا اجني البنات قابل راح اشوفهن
كلها ميخالف خاله احس بيهن باوع عليه جان يكلي حالليني واهبيني تعبتج ويايه ضليت اتلمس بوجهه وكتله محالل وموهوب دنيه وآخرة ولو اخدمك عمري كله واصير خدامه الك قليل بحقك باوع عليه جان يكلي راضي عليج دنيه وآخرة اني متحملت ضليت ابجي وطلعت من الغرفه
ورة يومين فقد الوعي بابا ضليت ابجي واقرة قرآن فوك راسه وحدي اني ويا بالغرفه بليل كعد كال شبيج تبجين بابا
كتله فدوة لتعوفني كال بابا اجوي اثنين دياخذوني وشافوج تبجين كالو يومين ونجي
كتله لا بابا خلي يولون كال لا بابا حرام هذوله الله دازهم وصدك ورة يومين ضليت الليل كله كاعده ويا مثل يوميه صارت ساعه ب ٨ الصبح غفيت جان يوم ٢٠١٥/١٢/٢١ حسيت ع ابويه ساعه ب ١٢ كعدني
كال بابا وديني للحمام طبعا بس اني داريته وهيثم امي التهت بسارة جابت وشهد هم وياهن بس هيه يمنه جابت كعدت وديت بابا للحمام ٣ مرات يوصل لباب الحمام ويرجع اخر شي طب طبيت ويا غسلتله جان يفقد الوعي اريد الزمه كوة سيطرت عليه رفع راسه باوع عليه جان يشهك ويغمض عيونه ضليت اصيح اجتي شهد وهيثم شلنا ودينا للصاله
طلعت امي وشهد وسارة يشوفون سيارة حته هيثم ياخذه ضليت اني وهيثم يمه بالغرفه شربه مي ذبه باوعت لابويه ميتنفس ردت اصيح سكتني هيثم كال اشش اجه صديق هيثم شال بابا وراحو وامي وياهم
ضليت اني وخواتي ومصطفى بالبيت وبس نبجي اندكت الباب رحت اركض فتحتها طلع صديق هيثم كال انطيني جنسيه ابوج وبطاقه السكن كتله وشسوي بيها كال مو دينام ابوج مستشفى
كتله مرتين نام مستشفى مااخذو مستمسكات كال هالمرة يردون اخذهن وشحط السيارة وراح باوعت لشهد كتلها بابا ميت طبينه للبيت وجان يدك تلفون بابا صديقه جاوبت سارة كلها عمو البقيه بحياتجن ابوجن ماااات
اني نزل الخبر عليه مثل الصاعقه ضليت اصيح كل صوتي وادك والطم ملخت شعري ع صوتي جوي الجوارين سارة كبل دخلت بصدمه بس تباوع وتبجي متحجي ويه احد وشهد بس تبجي واني اصيح والطم طلعت بالشارع ضليت الطم كمت اصيح ياااناس ياعالم مات سندي مات الغالي ماااات ابويه
العالم ع صوتي طلعو واجونه ع بجينه وحالنه كامو يبجون ضليت الطم واصيح جان افقد الوعي حسيت ع مصطفى يكعد بيه اجتي خالتي وسجى وبنات خال امي كمت بدلت ملابسي ولملمت البيت اني وشهد محد ساعدنه وكال مكسورات ع ابوهن طلعنه التخم بالحديقه وفرشنه الاستقبال كله اجوي بيت عمتي وجنت اول مرة اشوفهم بس البنات ساعدنه كلش
اجه عمي الجبير هوة ولده وهم اول مرة نشوفهم عمامي رادو ياخذون بابا من المستشفى للمقبرة بس هيثم وامي مقبلو كلتلهم لازم بناته يشوفنه هوة روحه بيهن حال هيثم بالمستشفى يبجي الصخر
