#المتشرده
٠٠٠٠٠٠٠٠٠٠٠٠٠٠٠
#البارت__8___9
#مرج_البحر
لجين : حبيبتي احنه ماعدنه هاي العادات المهم زوجج شافج وهذا هوة نزلت من يمها عفتها ترتاح وجابو غده من برة اتغدينه كلنه وغسلت اماعين وعلي كلي يلا خلي نرجع كمت لبست واني دمعه بعيني اريد ابقه يم اهلي وهمه المغرب يرحون كلهم لكربلاء يزورون جانو جاين بيت خالي هم من الكويت ويمهم احنه لمتنه كلش حلوة
طلعت من بيت اهلي ابجي رحنه لبيت عمي طبيت كبل لغرفتي نزعت ولملمت غراضنه ونمت لليل يلا كعدت مااكلت لان هم مسواك ماكو كعدت وسكتت صعدت يم مها شويه ونزلت طبيت لغرفتي نمت كعدت الصبح
سويت ريوك لعلي وهم جايبه صمون ع كدهم شربت بس جاي وكمت اشتغل وفرشت زوليه بغرفه محمد اخو ظهري يكوم يوجعني للمغرب نزل دم عليه صعدت كلت لمها كالت خلي يوديج للدكتوره
كتله ولا دار بال ورة ساعه صرت نزيف وبطتني اتملخني من الوجع بوقتها جنت حامل شهر و ٤ ايام اني عندي فقر دم حاد وراثي يعني ماله علاج ومنا صرت نزيف انتهيت صارت ساعه بالتسعه واني نفس الوجع وافتر هوة كاعد يشرب نركيله ويلعب بتلفون وأمه كاعده تشرب جاي وهم تلعب بتلفون كامت مها تحجي عليهم كلتلهم البنيه راح اتموت ودوها جان يكلها ماعندي فلوس
خابرت مها رجلها اخذت منه حت سالوني راتبه وين اول شهر زواجنا نطا كله للدين جاب من راتب بس الفين
المهم جابله رجل مها فلوس وتاخذني مرت عمي للدكتوره هوة مااجه وخلتني كومه امشي مااخذتلنه تكسي اتكول اخاف الفلوس ميكفن مشيت هواي واني انزف وصلنه للدكتوره معزله جان هم اترجعني مشي رجعت غسلت وكبل طبيت لغرفتي كرهتهم ع السوو ويايه خابرتني امي كتلها كالت باجر نشوف شلون وثاني يوم نفس الوجع والنزيف وبليل جنت منايمه للعصر جان يكلي كومي نوديج للدكتوره اله حجت مها عليهم كتله ماروح بعد
جان اتكلي مرت عمي مو كيفج احنه علمود الطفل كتلها مااروح وبكيفي وابني وماريده شافوني عاندت خابرو امي حجت ويايه امي كالت بروح ابوج روحي لخاطري كمت لبست واخذتني مرت عمي ومها وهوة هم مااجه راح للكهوة سوتلي دكتوره تحاليل وسونار كالت اكو كيسين مال حمل يعني تؤام بس نازل بعنق الرحم شايله شي ثكيل لو تعبانه كتلها اي اشتغل جان اتكلها مرت عمي لاا يعني شغل عادي كلتلها مو زين عليها هيه ناعمه وعدها فقر دم وسوء تغذيه طبعا ميبقه طفل نطتني حبوب مال إجهاض كالت خلي ينضف رحمج رجعت طبيت لغرفتي سمعت محمد يتعارك ويه مرت عمي ويه علي كلهم ليش مكتولي ع فلوس مبقين البنيه هيج جان اتكله مرت عمي مو ماعندك انته كلها وانتي شعليج كتيلي وكتلج ماعندي رجع ع علي كله وانته أفندي مرتك هيج وانته كاعد بالكهوة والله عمي زين
عافهم وطب لغرفته علي جان ثاني يوم يلتحق وكتله حروح لاهلي كال ميخالف الصبح طبيت سبحت وراح علي للدوام خابرت امي اجتني اخذتني واني الوب من الوجع رحت يم اهلي شربت الحبوب مال إجهاض جان يوكع الطفل ضليت يم اهلي ارتاحيت علي دوامه اسبوع قبل ليجي بيوم رجعتني امي نضفت غرفتي وسبحت ونمت كعدت الصبح اجه علي اني مبدله ومخليه مكياج ولا عبالك طارحه مردت يشوفني تعبانه اجه اتغده وطبينه للغرفه اتقرب مني كام غسل ورجع نام عفته وكمت نضفت مطبخ وصعدت يم مها وهم كضيتها شغل وبدون اكل
