#المتشرده
٠٠٠٠٠٠٠٠٠٠٠٠٠٠٠٠٠٠
#البارت___2
#مرج_البحر
لجين : رحنه للنجف وصلنه ساعه ٣ بليل ابن خالتي جانت عنده كيه ورحنه احنه وبيت خالي وبيت خالتي طبينه للمقبرة ب ٣ صح جان عيد وعالم هواي بس تبقه تخوف المقبرة نزلنه من السيارة
حجه يوسف ابن خالي كال اتخوف شلون ننزل بيبيتي كالت بله لغوة ونزلو خلي انزور الامام علي عليه السلام ونرجع للمقبرة شهد اختي عادي عدها متخاف وسارة جانت مجايه لان مخطوبه ومقبل خطيبها نزلنه نمشي واني ارجف كوة امشي وصلنه للامير وزرنه وصلينه ورجعنا للمقبرة صعدنا بالسياره ونزلن ليلى وشهد كعدن ع الرصيف يسون لفات جان نسمع صوت عيطه من المقبرة هالكد ماقويه يوسف ابن خالي جان نايم جان يفز اني ضليت بالسيارة منزلت ابد ولا اكلت صارت ساعه ب ٦ الصبح رحنه لخالي وهناك كلهم نزلو واني مقبلت انزل امي كالت اذا متنزلين تزعل عليج بيبيتج كتلها مااكدر انزل جسمي يرجف بقيت بالسياره لحد مرجعو ورجعنا لبغداد بالطريق امي كالت شبيج شو وجهج صار ازرك كتلها ماادري بس تعبانه وصلنه لبيتنه واول مطبات نمت وصلنه ساعه ١١ الصبح والبنات ضلن ملتهيات يحفن ويسون بشعرهن ويبدلن لان عيد واني ضليت ع نومتي لحد ٨ مغرب حسيت مرت خالي داتكعدني علاقتي بهاي مرت خالي قويه كلش هيه مواليد ٨٧ واني ٩٣ ويه مكعدتني جنت احلم حلم يخوف كعدتني كوة شلت روحي لكيت ابن عمت امي رجال كبير بالعمر يمنا سلمت عليه وهوة يعرف يفسر الأحلام سولفتله الحلم جان يكلها لأمي ديري بالج عليها راح تتمرض ترة امي مثل كل مرة مدارت بال وجانت حايره مبقه شي ع عرس سارة وملتهيه بيها صح مجانت مقتنعه بالعريس لان مو حلو وسارة احله منه بهواي هوة جان جوارينه وخطبها بس علمود اختي
اجه يوم الحنه مال سارة والدنيه انكلبت ابيتنه امي مبقت احد معزمته احنه علاقتنه بااهل ابويه مقطوعه يعني حته مشايفيهم نعرف بس اهل امي واقاربها وكعنه ع صفحه من التنظيف اني وشهد ويانه مرت خالي صارت ثاني يوم الزفه وجانت بالقاعه واني كظيتها بواجي ع اختي ورجعت كبل نمت من البجي رغم احنه بس فرق كم بيت احنه وياها بس اني بطبعي حنونه ع اهلي كلش واحبهم
ورة شهر صارت سارة حامل وطرت من الفرح لان راح اصير خاله وصلت ٣ اشهر من حملها وصارت مشاكل هيه وزوجها وصار الطفل مهدد بلاسقاط واجتي يمنه ترتاح اجه زوجها دياخذها اتعارك ويا ابويه وضربه وطرده
احجيلكم عن ابويه مشفت اب مثله يحب بناته مافد يوم ضربنه ولا رزلنه وايحبني اني اكثر وحده شكد مااحجي عنه قليل بحقه
المهم ضلت سارة يمنه كم يوم واجه زوجها يتوسل بابويه ورجعها ابويه واني ضليت بس شغل بس يوم عن يوم كمت اذبل وابقه وحدي بالغرفه اخلص شغلي واطب للغرفه حته من اصير دنيا ليل مااشغل ضوة جنت احس احد يحجي براسي واشوف احلام اني وشخص كاعدين بالمقبرة ناكل لحد مايوم كتلها لامي مشطيلي شعري وضفري خلصته امي انداريت دحجي وياها جانت اتكلي اووي عيونج يجادحن نار كل نور محمد ماكو بوجهج
