المتشرده

البارتات10__11

#المتشرده
...............
#البارت10__11

#مرج_البحر

لجين :طلعنه الصبح للمستشفى واني بس دموعي تجري اذكرت ابويه عبالك جان يمشي ويانه حته يحجون ويايه علي وامي كوة اجاوب لان ابويه لا بعرسي موجود ولا بولادتي وصلنه للمستشفى كتله ترة اني اريد اسمي الطفل امير جان يكلي لا والله امي أتريد اسمي ع اسم ابويه طبعا هيه متحبه لعمي وبس اسب بي واسم عمي قديم ومركب كتله بس هوة ابني واني التعبت بي محد اله حق يسمي

اتعاركنه اني ويا اجتي دكتوره سولي تحاليل وطبله وكلتلها لامي وقعو ع مسؤليتكم لان احتمال بس طفل يعيش هيه تعبانه اني بس ابجي جابولي ملابس العمليه طبيت للحمام لبستهن طلعت بوست امي وكتلها ذمه بركبتج أذا صار بيه شي الطفل يبقه يمج

كالت سكتي ان شاء الله طلعين انتي ويا بالسلامه اجتي الممرضه اخذتني ويه موصلت باب غرفه عمليات اجتي مرت عمي هوة راح عليها عفتهم وطبيت شافتني دكتورتي بس ابجي كالت لتخافين ماكو شي يلا تعال اني اقرة آيات وابجي نمت ع سديه وضربتني ابرة بالثانيه جان انام حسيت اني بالغرفه وامي تبجي وعيوني مغوشه كوة افتحهن وشفت ابويه يمي ضليت اسولف ويا وابجي لحد مصحتني امي فتحت عيني كتلها لأمي وين طفل كالت فوك لتخافين مابي شي اني طبيت للعمليه ساعه ١٠ ونص ومن كعدت جانت ساعه ٣ راحت امي دشوف الطفل ورجعت

كالت شويه وينطونيا علي وأمه كاعدين حته حمد الله ع السلامة مكلولي ضلت امي اتروح وترجع ع طفل اخر شي جابته اول مطبت للغرفه جان هوة وأمه يوكفون ديشوفو عاد جابته امي خليته بحضني سبحان الله حسيت شكو حب بالدنيا صار اله شعور مينوصف الله ليرحم احد من هذا الشعور وراها جتي دكتورة شافت عمليتي بس اباوع لأمي مو ع بعضها اجتي ممرضه دتبدلي امي كالت يلا خلي نطلع جان اتكول مرت عمي حته اني اطلع كتلها اي كلكم

امي كلتلها هيه تستحي اتبدل كدام احد طلعو واني بدلت حمد الله جان ماعندي وجع عمليتي سهله كالت الدكتورة لان ماعندي بطن وناعمه خلصت تبديل رجعو طبو اني ضليت كاعده ع حيلي وراها اجه هيثم ومرته وشهد وخالتي وبيبيتي وابن خالتي كلهم اجوني لليل كلها راحت باتت يمي شهد وبت خالها لأمي بليل جان يصير عندي وجع كمت ابجي نطوني مسكنات نمت للصبح اجه علي ديطلعني والطفل بعده بدون اسم كتله شراح اسمي كال مثل متريد امي كتله شوف اذا سميته هيج بس اطلع منا انته بطريق واني بطريق اني مو اعتراض ع اسم عمي بس هيه دسويها عناد بيه عاد راح سجله امير واجه طلعنه رحت لبيت اهلي امي سبحت الطفل واني كوة اكلت شويه وأخذت علاج ونمت

بليل نايمه اني وامي والطفل جان احس شي يخنكني من ركبتي هوة بس دخان هذا الخناس ضليت احرك بيدي لأمي كعدتني وضليت اقرة آيات وشربت حبوب منوم ونمت ثاني يوم الصبح اجتي اخت علي ناديه ومرت عمي اني نايمه بالغرفه سلمو عليه وطلعو برة امي سوتلهم غده وقامت بالواجب للعصر ديرحون علي جان يمي بالغرفه بس اني مغمضه عيوني طبت مرت عمي يمه جان يشيل فلوس من جوة راس الطفل وينطيها كلها شتريدين اسوكي وهنه فلوس الطفل