#المتشرده
٠٠٠٠٠٠٠٠٠٠٠٠٠٠٠٠
#البارت_الاخير
#مرج_البحر
لجين : وصلني لاهلي جانت دنيه مغرب صارت ساعه بالتسعه اجه هيثم شافني موجوده اتخبل شبعني كتل جان ياخذ الفلوس العندي واخذ جهالي فوتوهم للغرفه
ويطردني ساعه ١٠ بليل فتح الباب وشمرني بالشارع وطب ضليت ادك بالباب واتوسل
هيثم الله يخليك بس أنطيني جهالي
فدوه العمرك كلشي مااريد اصيرلكم
خدامه بس عوفوني يم جهالي
بداعت ابنك هسه انت تقبل احد اخذه
منك هيييثم يمه يمه الله يخليج
كولي لهيثم يفتح الباب اخذهم وياي
انتي مو ام يوم ابوس ايدج فتحولي الباب
ولا طلعو صارت ساعه ١١ ونص رحت امشي كوة لبيت صديقتي دكيت الباب طبيت امهه اتخبلت من شافت وجهي والضرب وسولفتلها كالت خاله شتردين اني وياج هنه اثنين صديقاتي وامهن وابوهن واخوهن بس الاب والابن يطلعون من الصبح يجون بليل صديقتي سرى طلعتلي ملابس سبحت واختها غصون سوتلي عشه واني ع بجيه وحده اريد جهالي كالت خاله هسه شراح اسوين كتلها خاله هذا بعد ميصيرلي رجال راح اطلك منه اجه ابنها عمر حجيتله كلشي كال تبقين هنا حالج حال اخواتي معززة مكرمه
بليل راسلت علي اتوسلت بي ع جهال ولا دار بال وكتله اني أبيت صديقتي سرى طبعا كلي لتوصلين بعد والجهال تحلمين اشوفيهم واهلج يكولون لتجي بس تجي نذبحها منريدها
ثاني يوم رحت رفعت عليه دعوة بالعنف الاسري ورحت للمستشفى سويت تقرير وسحبت الصور العندي بالتلفون من ضربوني وخليتهن بالدعوة علي دزلي صديقه يراسلني ع الفيس ويغلط ويفشر عليه كلشي مجاوبته
ورة شهر اتفاجئت علي مسوي عليه دعوة اني مهزومه ويه واحد بس اي دليل ماعنده جنت حامل اني نهايه شهر السادس
مشت الايام والاشهر طبيت بشهري واني نوم كطعته كل ٣ ايام انام ساعه واكعد متت ع جهالي صرت أخوف رحت للمستشفى حكومي وحددتلي دكتورة موعد عمليه وبيوم ولادتي جان محد يمي بس صديقتي طبيت صاله العمليات من ساعه بالسته العصر لحد ب ١٠ ونص بليل يلا طلعت وضعيتي جانت كلش صعبه فتحتت عيني كلي الدكتور مال تخدير ابوج وين كتله ميت كال طول ما نولدج انتي تحجين ويا زين أمير وليان منو كتله جهالي
كال يلا كومي ع حيلج جبتي بنيه تخبل طبعا اني مجنت اعرف نفسي حامل بشنو طلعت من العمليات ولزمني الوجع ضليت بس ابجي ورة ساعتين فكني البنج والوجع شويه هود كمت بدلت ورحت للحمام غسلت كوة امشي للوحده بليل يلا جابولي الطفله شفتها تخبل بس مالي نفس بيها من ورة الجهال ضلت نايمه اجتي دكتورة شافتني وشافتها جان اتغطي وجه الطفله الدكتورة كالت لتنحسد ديري بالج تخبل
طلعت ثاني يوم من المستشفى وأم صديقتي سبحت الطفله والعالم مقصرو ويايه ابدد اني قبل لا اجيب جان ابو ذهب اخذ منه بالقسط ورة فترة جان يطلب اهل علي فلوس ومغلسين عليه اني وديتهن رحت للرجال واداينت منه وجهزت الطفله وبقيت جوة ايدي فلوس
