#سراج اليل
بقلمي : ايات ال علي
*تصويت والتعليق بين الفقرات حبايبي .
يأهُو ألگالِك مَن تبچَي ترتأح ؟
هَأي أنضحِك بيهَأ عِلى ألمسَأكين
ألدمَع مأله علأقهَ بنأر ألگلِوب
ألدمِع لو طـأح ميطِفي ألبرأكَين .
___________﷽___________
"الـبـدايـّه "
صافنه على جمالها وجهه الناعم والبريئ اصابعها الناعمه احمد ربي على النعمه الحلوة هايه انفتح الباب ومد راسه ابتسمت واشرتله يدخل تقرب يمي بقه يباوع لشكلها وابتسامته واسعه رفع راسه باوع لوجهي وقلص عيونه واردف :-
سارة : ها شنو اگتشفت شي
بحر : اگلج عميمه شو تشبهني
سارة : اي تشبهك گلش ليش شنو فايتلي بنتي تشبهگ
رفع نفسه وغمض عيونه ضحكت على شكله
واردف :-
بحر : بقه بس نشوف عيونها
سارة : اي من تگبر شويه نشوف لونهن ونحگم
بحر : الحمدالله على سلامتج وتتربى بعزگم ان شاء الله
سارة : حبيبي الله يسلمك يوم الالك ونفرح بيگ
بحر : لا ماتزوج انه
سارة : ليش يمدهور؟؟ غير نفرح بيگ وتصير عندگ بنيه مثل " زُمُرٌدُ "
صفگ ايديه بحماس وابتسم واردف :-
بحر : يعني هيج مثلها گلش
سارة : اي مثلها ويجوز تطلع احلى بعد
بحر : يلا خوش دوريلي مره
ضحگت على شكله ندك الباب اردفت :-
سارة : روح عميمه افتح الباب
فتح الباب ودخلت امه واردفت :-
غنيمه : ياء ياء وانا ادور عليگ اكول الفرخ وينه طلعت هنا
بحر : يمه شنو فرخ شايفتني زعطوط
غنيمه : چا يمه شني انتَ جبير
بحر : اهوو يمه
غنيمه :خايب وجعو وخر مني خلي اشوف الفرخه
بحر : عميمه الحمدالله على سلامتج مره ثانيه
سارة : الله يسلمگ يابعد عميمتك
غنيمه : الحمدالله على سلامتج حبيبه تتربى بعزج ان شاء الله
سارة : تسلمين ام بحر ماتقصرين دومج صاحبه واجب
نفتح الباب ودخلو الولد يلهثون اردف مهمين :-
مهمين : ها يمه شلون صرتي !
سارة : حبيبي يمه الحمدالله شجابگم مو بالشغل
علي الكرار : صدگ جذب يمه يا شغل نريد نشوف زُمُرٌدُة
ابوالحسن : الحمدالله على سلامتج يمه
سارة : الله يسلمگ وليدي
سيف : يمه يمته تطلعين !!
سارة : باليل اطلع
مهيمن : عذريني من الخبصه مانتبهت عليج شلونج ام بحر
غنيمه : هلا بيگ يابعد اميمتي على الله
علي الكرار : مشگورة ماقصرتي وگفتج ماننساها
غنيمه : ياء خاله شسالفه أخيتي هايه !
سارة : ماتقصرين حبيبه
دك الباب ودخل بحر جايب علاكه خلاها يمي واردف :-
بحر : هايه عصاير زينه الج ديربالج على الصغيرونه يلا يمه نتوگل احنا
مهيمن : مشگور حبيبي
بحر : مابيناتنا شگر احنا أهل
غنيمه : يلا يمه ديربالگم على اميمتگم واخيتگم استودعناگم
سلمنا عليها وطلعت بقو الولد يمي تقربو يباوعن الها
بحب وحنيه واردف :-
مهيمن : يمه انا اربيها
ابو لكرار : لا انا يمه
ابو الحسن : انا
سارة : اي يمه گلكم ربوها اختكم هايه بأمانتگم بعد خاف يصيرلي شي
تقدم مهيمن باس راسي واردف :-
مهيمن : اسم الله عليج يمه يومي قبل يومج
جان عمرهم مهيمن 24ابو الكرار 23 ابو الحسن20سيف 19 صار اليل وطلعت للبيت ....
فزينا على دكه الباب القويه كامت امي على السريع دخلتنا للغرفه اني وقهار واردفت بتحذير :-
سارة : لاتطلعون لو يحترگ البيت تبقون بالغرفه خوش يمه
زُمُرٌدُ : يمه لا يأذيج
سارة : ماكو شي يمه ديربالج على اخوج
هزيت راسي بعده مرات تقرب قهار يمها حضنها
قهار : ماما انا احبچ
ضمته على كلبها
سارة : يابعد امگ واهلها انا هم احبگ يلا يمه دخلو
قفلت الباب علينا تقرب قهار حضني ضميته بحضني جان كل عمري 17وقهار 6سنوات سمعت صوته
سكران يصيح على امي :-
حسن : وينهم ماگو اليوم
سارة : خاف الله يارجال خاف الله حرام الي جاي تسوي
حسن : برب*گ تعلميني على الحرام والحلال انا اعلمج
اسمع صريخ امي قهار بقه يبجي ضم راسه بحضني ماتحملت اكثر كمت اصرخ وادك على الباب صار هدوء واسمع امي تتوسل بي :-
سارة : عوفهم فدوة اروحلگ عوفهم شنو ذنبهم
حسن : ساقط* ضامتهم هنا وانا اگول ماگو بقه
يضحك بقوة كأن انتصر بشي اسمعه يدفر بالباب بس سكران ماعنده قوة غلط انواع الغلط سديت اذني كارهه اسمع صوته كارهته صار هدوء اختفه صوته شويه وصوت مفاتيح صوت الباب نفتح
وكفت قهار على صفحه سحبت القطعه وفتحتها طلعت السلاح وصاني مهيمن عليه كل مايجي يشوفني يعلمني عليه وجهته للباب نفتح الباب وبهت وجهي من الي شفته ....
...........
يتبع..
الباقيات الصالحات:
سبحان الله
الحمدلله
لا إله الا الله
الله اكبر
لا حول ولا قوة الا بالله
((اللهم صلي على محمد وآل محمد ))
_توقعاتكم جوهراتي ؟
حسابي الانستكرام
aeat_.alali
أنت تقرأ
سراج اليل
Mystery / Thrillerفي وسط الضجيج والاصوات المرتفعه الا ان هناك من يجلس وسط زاويه ويفكر في عالم اخر ولا ادركُ كَيف أستطاعت أن تبقه كهذا ثابته أمامُ الكثير ؛! رُغم تعبها وجرح قلبها هل هيا فعلاً هاكذا قويه وصامدة!! ام تنتظرُ العوض الإلهي الذي يُشفه جرح قلبها !! ل...
