#سراج اليل
بقلمي : ايات الـ علي
*تصويت والتعليق بين الفقرات حبايبي .
شَايِف مِن يچن كلهن ؟
لا بيك التگوملهن ، ولا بيك التِرتبَهن
حِزنك ، خُوفك ، والضَياع الـ بيك
گلي شلون متحَملهن ؟
____________﷽__________
بهت وجهي وانا اشوف امي وجهه كله دم ملابسها ممزقه دخلت حضنت قهار باوعتلي بخذلان وقهر هزتلي راسها توسعت عيوني وانا اشوف الدم ينزل من
راسها تخبلت سحبت أقسام وطلعت لكيته متمدد على القنفه ويهمس اشياء بينا وبين نفسه وجهت السلاح عليه تقدمت امي تسحبني لورا
سارة : امي انتِ لاتسوين هيج بنفسج اضيعج والله اضيعج .
نزلت دمعتي بقهر مسحتها
زُمُرٌدُ : ومنو كلج اني هسه ماضايعه ؟؟؟ ها منو كلج يمه تعبت منه أذاج كافي يعني عوفيني اخلص منه
سبحتني بقوة حضنتني وتبجي
سارة : بغلاتي عندج يمه عوفي عوفي السلاح فدوة اروحلج لايجون خوانج ويشوفونج هيج يتخبلون يمه والله تضيعون من ايدي كلكم فدوة اروحلج عوفي السلاح نزلت السلاح وحضنتها
زُمُرٌدُ : صدكيني يمه اخذ حقج منه لو اعرف انطي روحي ويجي يوم تشوفين بعينج
سارة : ميخالف يمه عوفي هسه .
سحبت امي كعدتها
على السرير جبت صندوق الاسعافات مسحت الدم بالقطن عقمت جرح راسها ولفيته فتحته باوعتلها متعجبه
سارة : ماريد يمه مابيه شي جرح بسيط
زُمُرٌدُ : يمه يابسيط شوفي عدل
سارة : ميخالف يمه ماريد احد يشوف
زُمُرٌدُ : كولي تخافين من خواني لايكتلونه
ضحكت بقهر عفتها ودخلت للحمام ذبيت ملابسي وكفت جوا الماي ابجي بحركه ابجي على حضي لو على ابوي الي مايوم نطاني حنيه وحب لو على امي الي تسكت اخخخخ ياروحي بقيت ابجي إلى أن ندك باب الحمام
سارة : يمه زُمُرٌدُ تعاي اكلي
زُمُرٌدُ : جايه .
سديت الماي لبست ملابس وطلعت جانت حاطه صينيه بيها اكل وكاعده هيا وقهار ابتسمت بوجهم
زُمُرٌدُ : بالعافيه يمه اني شبعانه
سارة : بس يمه مااكلتي من الصبح
زُمُرٌدُ : لا اكلت لفه بالعافيه .
اخذت كتبي وطلعت برا ادرس شوف شنو راح اسوي بيك صفنت وصفكت ايد بأيد اي ماكو غيره يساعدني لبست نعالي وفتحت الباب على كيفي رحت لبيتهم دكيته شويه ونفتح طلع بوجهي
بحر : اكيد عندج مصيبه
زُمُرٌدُ : له له شقصدك اسوي مشاكل ؟؟
بحر : كتيهن كتيهن اسمعج
زُمُرٌدُ : شني ابقه بالباب ؟؟
بحر : دخلي .
دخلت جان حوشهم عبارة عن ورد بيتهم قديم ريحته طيبه درت وجهي عليه جان واكف مكتف ايدي
زُمُرٌدُ : چا حبوبتي وين ؟؟
بحر : انتِ شايفه لساعه بيش ؟ نايمه بسابع حلم هسه
زُمُرٌدُ : تعال هنا سحبت طابوكتين كعدت على وحده اجه كعد كبالي
بحر : اي شنو
زُمُرٌدُ : شوف عمو حبيبي
بحر : شو تحسسيني شيباتي وانا
زُمُرٌدُ : چا شني انتَ صغير ؟؟؟
بحر : لا بويه انتِ الصغيرة كبرت انا
باوعتله بغرور
زُمُرٌدُ : طبعا الجمال يمي واكطع
رفع ايديه وغمني ضحكت على شكله
بحر : تحجين لو اطردج
زُمُرٌدُ : اسمع بقيت احجيله على خطتي وهوا يهز براسه إلى أن وكفت ها متفقين ؟؟
بحر : عد عيناج هاي هيا
زُمُرٌدُ : يلا استودعناكم
بحر : الف هلا .
طلعت بالباب بقه واكف برا إلى أن دخلت بيتنا لكيت امي واكفه رجعت كعدت بمكاني
سارة : ماتجوزين يمه
زُمُرٌدُ : مامسويه شي شفت حبوبتي واجيت واذا كعد اركعه بنعال والله
سارة : عيب يمه عيب حتلو مأذيج يبقه ابوج
زُمُرٌدُ : ابوي هههههههههه حلوة هاي
سارة : بس لو اعرف شنو الي براسج
زُمُرٌدُ : كل خير يمه كل خير
عافتني ودخلت ربي ماعندي غيرك سند بس انتَ اسندني يارب درست خلصت لملمت كتبي ودخلت لكيته على نومته غميته ودخلت لغرفتي بدلت ملابس نوم قفلت الباب طفيت الضوة تمدتت صفنت بالسكف افكر شنو راح يصير ياترى خطتي تنجح اي اكيد تنجح دام ربي وياي غفيت
وكعدت ويا الاذان بدلت وفتحت الباب على كيف لكيته بعده نايم توضيت رجعت بسرعه صليت وخلصت كعدت انتضرة يطلع مديت راسي شفته ستوا صحصح لبست حذاء وخليت شال على راسي لفيت وجهي طلعت بس عيوني بدل وطلع باوعت على امي لكيتها نايمه الحمدالله
تسحبت على كيفي وطلعت ورا بقه يمشي رحت على بحر شمرت طابوكه بيتهم فتح الباب وطلع لازم راسه ويدردم
بحر : ادري شمالج ياغضب راسي رايده ترا
زُمُرٌدُ : اوي وين ادري بيك كتلك باجر اشمر طابوكه يعني ماتعرف راح اشمر ؟؟
بحر : انچبي ويلا امشي خلي نلحكه .
طلع جفيه ولف وجهه صار مثلي بالضبط ضحكت على شكلنا عبالك حراميه بقينا نمشي ورا ونتلبد دنيا فجر ماكو ولاطير بالشارع إلى أن وصل بمنطقه كلها شباب عبالك مافيا اعترض طريقي بحر موقفني
زُمُرٌدُ : ها شكو ؟؟
بحر : ابقي هنا انا اشوف واجي خوش لاتتحركين
زُمُرٌدُ : شبيك عمو غير اني وياك نفس الخطه
بحر : اي اعرف بس شنو ماعندي غيره ادخلج هنا جوا
هزيتله راسي بقيت بمكان هوا راح ورا ابوي بقيت كاعده طول هواي تالي رجع كله تراب شكله يضحك خليت ايدي على حلكي وبقيت اضحك باوعلي غمني ومشى مشيت ورا
زُمُرٌدُ : شبيك شنو هاي حالتك ؟؟
بحر : نعله على ابوج صوجي انا كوا* رحت ورا اباوعله يحجي منفعل ماكدرت اسكت نفجرت بالضحك حتى رموشه بيهن تراب
زُمُرٌدُ : زين انتَ بس كول شنو هاي حالتك؟؟
بحر : مشيت ورا وجان يشوفني واحد من عدهم كال شنو تريد ومنو انتَ وشدخلك هنا عاد انا كتله عامل نظافه باوعلي بشك ماصدك كتله نطيني مكناسه اكنس شو هذا ماصدك جابلي مكناسه وبقيت اكنس بالتراب
صجيجه وامداج وامده ابوج وياج ضحكت من كل كلبي يمكن اول مره هيج اضحك ماجنت ادري ورا هاي الضحكه جايتني مصيبه .......
.........
يتبع .
الباقيات الصالحات:
سبحان الله
الحمدلله
لا إله الا الله
الله اكبر
لا حول ولا قوة الا بالله
((اللهم صلي على محمد وآل محمد ))
حسابي الانستكرام
aeat_.alali
أنت تقرأ
سراج اليل
Mystery / Thrillerفي وسط الضجيج والاصوات المرتفعه الا ان هناك من يجلس وسط زاويه ويفكر في عالم اخر ولا ادركُ كَيف أستطاعت أن تبقه كهذا ثابته أمامُ الكثير ؛! رُغم تعبها وجرح قلبها هل هيا فعلاً هاكذا قويه وصامدة!! ام تنتظرُ العوض الإلهي الذي يُشفه جرح قلبها !! ل...
