#سراج اليل
بقلمي : ايات ال علي
*تصويت والتعليق بين الفقرات حبايبي .
واحذر لا تذب فوك الرماد بساط
منو يكول الزمن ما ضاملك
جمره .
_______﷽______
"روح"
كلنا رفعنا راسنا من دخل موسى علينا ويا بنيه بقينه متعجبين عمي زعل عليه وهوا مطنش الوضع عرفها علينا وتعرفنا عليها طلعت من غرفتها بعد ماكعدنا يمها شويه
نزلت دخلت للمطبخ حسيت احد وراي لتفتت جان هارون مستند على الحايط ومكتف ايدي وابتسامه على وجهه ابتسمت بوجهه تقرب يمي رجعت ليورا وهوا يتقدم الي إلى أن انلزكت بالحايط نزل وجهه يم وجهي يبلع ريك عيونه ذبلانه
هارون : هايم بيج انا روحي
روح : هارون عفيه وخر لا يدخل احد يشوفنه
هارون : نعال بيهم شسويلهم !!
دفعته من صدرة بس ياجبل مايهزك ريح بقه يباوعلي بهيام نزلت عيوني
هارون : رفعيهن خلي اشبع منهن
رفعت وجهي واني احس نار ضلت تطلع مني من الخجل حجه بجديه وهوا عيونه بعيوني
هارون : تقبلين تتزوجيني روحي
بقيت مفهيه بوجهه علامات الدهشة على وجهي ضم ضحكته
روح : شنو يعني ؟؟
اشرلي بيده على مكان الحلقه
هارون : زواج زواج البسج الحلقه تصيرين مريتي
روح : احم حباب هارون خلي اطلع
هارون : مو قبل ماتجاوبيني
روح : بس بعدني مامستعدة لهيج شي اريد اكمل دراسه
هارون : ليش يعني من اخذج تأثر على دراستج؟؟
روح : لا موهيج بس يصير أطفال ومسؤوليه جبيره
رفع ايدة مسح طرف شاربه
هارون : انتِ جهالي كلهم ماريد جهال فكري براحتج روحي انتضرج عمر انا
ابتعد عني وطلعت وصلت لباب المطبخ وصاح وراي
هارون : يومين بس حدج وأخذ الجواب
طلعت ركض صار وجهي احمد
احمد : ها الصخله شبيج ؟
روح : تروحلي فدوة
احمد : خايبه من حلاتج هسه غير انا صاك البيت كله احلى منج
مد راسه هارون وصاح عليه
هارون : انچب خايس شجاب الثوم على الحلقوم
طلعتله لساني اعيب عليه غميته بيدي فتح عينه ونزع نعاله وركض وراي رجعت للمطبخ صرت ورا هارون جلبت ببلوزته
هارون : انتَ زلمه تعال اوصل الها
احمد : الكطنه اكضج اكضج وين تروحين
ضحكت عليه نزل نعاله لبسه غمني وطلع دار عليه هارون طكيتها ركضه لغرفتي دخلت وقفلت الباب خليت ايدي على كلبي فحطني الخبل
بدلت ملابسي كعدت على الكرسي ولبست نضارتي فتحت كتابي اقرة وسمعت هوسه سديت الكتاب وطلعت ركض جانو ملتمين كلهم الولد
رفع راسه هارون عليه فتح عيونه على وسعهن خزرني خزرة رجفني واشرلي على لبسي انتبهت دشداشه قصيره رجعت ركض بدلت ورجعت ماكو احد سألت جنات وكالت ماتدري بس فضولي ماكدر
أنت تقرأ
سراج اليل
Mystère / Thrillerفي وسط الضجيج والاصوات المرتفعه الا ان هناك من يجلس وسط زاويه ويفكر في عالم اخر ولا ادركُ كَيف أستطاعت أن تبقه كهذا ثابته أمامُ الكثير ؛! رُغم تعبها وجرح قلبها هل هيا فعلاً هاكذا قويه وصامدة!! ام تنتظرُ العوض الإلهي الذي يُشفه جرح قلبها !! ل...
