#سراج اليل
بقلمي : ايات ال علي
*تصويت والتعليق بين الفقرات حبايبي .
هم عرس بعيني الدمع
واشتاگ دمي لدمك
حته من اشبگك بالحلم
متعبني واهس لمك
شتريد مني وما تهد
خلگي انگضه من همك
فضها يبو عيون الشهل
لو تحدي بالروح لـگبر
لو تبتليها بشمك .
___________﷽____________
"هاچر"
موسى : وين انتِ سراج اليل
استغربت على الكلمه اول مره اسمعها
هاچر : جنت اشتغل
موسى : رحت للمعمل وكالو تركتي الشغل
هاچر : اي صح تركته واشتغلت غير شي شنو مُراقب الي انتَ ؟
موسى : من خوفي عليك وليدي
هاچر : ترا مو زعطوطه جبيره اني
موسى : ادري يُبا ادري بس وين تشتغلين يامكان
هاچر : بكوزمتك مكياج
موسى : اها ولد لو بنيه ؟؟
هاچر : وليد حليو
موسى : ترا اجيج افكس عيونج مو صاحبتج انا تكليلها هيج
هاچر : اي ياعيني غير احجي الصدك
موسى : عوفي الصدك شون تشتغلين ويا؟؟
هاچر : اي عجبني اشتغل ويا
موسى : سراج اليل عوفي هاي الشغله انا ادورلج غيرها
هاچر : ليش ترا حلوة بالعكس مرتبه
موسى : انا اشوفلج مثل هل شغله بس كون بنيه
نرفزني
هاچر : شنو تريد موسى ترا خبلتني بنيه او ولد يعني مو زين الولد نطاني شغل وين اروح والله مليت من حياتي
موسى : هدي يُبا هدي انا اسف حكج عليه أكدر اجيج هسه عندي حجايتن وياج
اخذت نفس بنفاذ صبر
هاچر : تمام
غلقت الخط وطلعت بالكراج اهز رجلي مرت ربع ساعه وندك الباب اعرف دكته يدكه بالسويج
كمت فتحتله الباب مال راسه ويباوع بوجهي
موسى : شلونها سراج ليل
هاچر : بخير تفضل
دخل وكف ورا الباب
موسى : شوفي يُبا
هاچر : الله وياك
باوعلي بأستغراب قلص عيونه
موسى : شني مو جاي احجي وياج
هاچر : ترا كلت حجايتين وهاي حجايتين
صدره بقه يهتز من الضحك
موسى : وعلي طركاعه انتِ
تخوصرت ورفعت حاجبي
هاچر : ديربالك لاتطيح على راسك
باوعلي بهيام ويبلع ريك قرب وجهه يمي ركز بعيوني نزل عيونه على شفايفي
موسى : كل الهلا بيها طركاعه ومنج ترخصلها روحي
ابتعدت منه انتبه على نفسه رجع حجه بجديه
موسى : شوفي يُبا انا زلمه جنوبي دمي حار وماقبل يوميا اجيج وانتِ محرمه عليه فا يابنت الناس تقبلين تتزوجيني ؟
فتحت عيوني وحلكي
هاچر : شتحجي انتَ؟
موسى : اي احسن حل الج والي
هاچر : لا مستحيل مااقبل لا والف لا
موسى : ليش بيه عيب انا؟
هاچر : لاحشاك من العيب بس مااكدر شايله فكره الزواج من راسي
موسى : اي عادي نعقد على ورق وتصيرين بأسمي
هاچر : وبعدين يوميا تبوسني والله حلالي مو
ابتسم بوجهي اوو شجفصتي انتِ
أنت تقرأ
سراج اليل
Misterio / Suspensoفي وسط الضجيج والاصوات المرتفعه الا ان هناك من يجلس وسط زاويه ويفكر في عالم اخر ولا ادركُ كَيف أستطاعت أن تبقه كهذا ثابته أمامُ الكثير ؛! رُغم تعبها وجرح قلبها هل هيا فعلاً هاكذا قويه وصامدة!! ام تنتظرُ العوض الإلهي الذي يُشفه جرح قلبها !! ل...
