#سراج اليل
بقلمي : ايات الـ علي
*تصويت والتعليق بين الفقرات حبايبي .
موشـرط الـيشوفـك
كـون عـنده عـيون
ذاك الـيوم شـفتـك
كـاعـد بـالـي.
_________﷽_______
زُمُرٌدُ
وصلنا للبيت اتعجبت على الموجودين
كلش هواي دخلت غرفتي نزعت البشت
عدلت تسريحتي طوخت حمرتي ونزلت
اتمايل واغني دخلت للمطبخ شربت عصير
لتفتت وصار بوجهي ابو الكرار صوفر بصوت
عالي وصاح
ابو الكرار : بويههههههه هاي هيا ؟
خليت ايدي على فتحه الصدر ورفعت حاجبي
زُمُرٌدُ : ولا تستحي شدخلك مو نسوان مشلتحه؟
حرك طرف حاجبه وابتسم
ابو الكرار : جا هيا كل النسوان حلوة هيج !
زُمُرٌدُ : استحي على نفسك زلمه شكبرك بكد ابوي
ابو الكرار : بعدني شاب الله وكيلج ادورلي مريه حلوة
زُمُرٌدُ : اي ان شاء الله تلكه وهسه اطلع برا رجاءاً
عيب نسوان مشلتحه
ابو الكرار : تموتن على التشلتح
رفعتله حاجبي وحجيت
زُمُرٌدُ : اي طبعا مثل ماانتو تموتون على النسوان
صدره بقه يهتز من الضحك وحجه برائه
ابو الكرار : انه زلمه فقيره اصلي واصوم اخاف الله
زُمُرٌدُ : نسيت شي شيخ جامع مو!
ابو الكرار : اي عفيه عليك وليدي
نفتح باب المطبخ ودخل ولد صغير
صار بنصنه بقه يباوعلي وحجه بصوت طفولي
_ حاله انتِ تلش حوة
نزلت بمستوى ابوس بخدودة
زُمُرٌدُ : ياحياتيييي انتَ الحلو
رفع راسه على ابو الكرار وحجه
_ هذا رتلت
ضحكت على كلامه
زُمُرٌدُ :لا هذا عمو جبير مو رجلي
حط ايده على حلكه يضحك
ضحكت على ضحكته حجه بهدوء
_اليد ابوسس
زُمُرٌدُ : بوسني بوسني
سحبه ابو الكرار
صعده على ميز الاكل وحجه ويا بتحذير
ابو الكرار : شني خالي سالمين ؟ شتبوس
_ انتَ سعليك ابوس حاله
ابو الكرار : شني خاله تايهتلك تعال اكلك شي
بقه يهمس بأذنه والطفل يضحك برائه
نزله وصل للباب والتفت علينا وصاح
_ حاله هاده يدول ....
ركض ورا ابو الكرار وشرد
لزمت بطني اضحك التفت عليه خازرني
ابو الكرار : تردين بوسه مو؟
زُمُرٌدُ : لا مشكور رايحه
طلعت ركض انتبهت على روح
مو مثل اول مااجت وعرفت السبب احلام
اخخخ والله وطحتي بأيدي دخلت للمطبخ جانت
تخابر سحبت الجهاز سديت الاتصال وحجيت
زُمُرٌدُ : كاظم يسلم عليج
فتحت عيونها على وسعهن تقدمت صارت كدامي
لونها نخطف بقت تمتمت بالحجي
احلام : ش ش شنو يااكاظم
زُمُرٌدُ : تردين اسولفلج بعد ؟
وجهه بقه ينطي الوان
احلام : شنو الي تردينه بس لاتكولين لاحد
بداعت اخوتج
كعدت على الكرسي طبكت رجل على رجل
وحجيت واني أشر
زُمُرٌدُ : تعتذرين من روح وتبوسين راسها
سويتلها علامه الاوكي بيدي
احلام : اي صار صار هسه رايحه
طلعت من المطبخ نهضت اباوع عليها من الباب
حجت وياها سحبت
راسها وباسته واجت طكيتها بكتفها وطلعت
تقدمت يمها اغني واهز جتف نزلت هاچر
أنت تقرأ
سراج اليل
Mystery / Thrillerفي وسط الضجيج والاصوات المرتفعه الا ان هناك من يجلس وسط زاويه ويفكر في عالم اخر ولا ادركُ كَيف أستطاعت أن تبقه كهذا ثابته أمامُ الكثير ؛! رُغم تعبها وجرح قلبها هل هيا فعلاً هاكذا قويه وصامدة!! ام تنتظرُ العوض الإلهي الذي يُشفه جرح قلبها !! ل...
