سراج اليل

part 38

#سراج اليل
بقلمي : ايات الـ علي

*متابعه لقناة التلكرام jaoharat_aeaet
*تصويت والتعليق بين الفقرات حبايبي .

ـ لا قَصيدة الگدرَت توّصف حَلاتك
ـ لا شعِر شعَبي ولا حتىٰ الأغَاني
ـ مِن لگيَّتك فطنِت علىٰ الصَفنة رّوحي
ـ وكُبر ليلِي وصّارن طِوال الثَواني
ـ مِن لگيَّتك چانت اللهفَة إعلىٰ
ـ طِولي وإنت جيّت
ـ جَبت ويّاك الأمَاني .
___________﷽_________

زُمُرٌدُ
هلهلن البنات بفرح اما ابو الكرار الصدمه احتلته ماجان متوقع راح أوافق تباركو الولد والبنات النا واخواني حضنوني باركولي صعدت لغرفتي حسيت الفرح محتلني ماعرف شعوري شنو بس حبيت اتقرب منه واكشف غموضه اهتز جهازي وجانت الرساله من ابو الكرار "الاجلح" ابتسمت بفرح فتحتها :-

_عليج رايه العباس صدك وافقتي لو تشاقين؟
ضحكت ورديت عليه :-
_لااشاقه شبيك هيا مال شقه ؟
_ بويه لاتهبطيني بروح اهلج !!!
اردفت واني اضحك :-
_ اي موافقه

انقرت الرساله وصار هدوء بقيت انتضر هواي وهوا يكتب قفلت الجهاز وتمددت على الجربايه سمعت صوت اهتزاز الجهاز فتحته وبقيت ارفس من كلامه :-
_كراميلي بنيتي انتِ انه احبج وحگ سبع الكنطره
من اول ماشفتج ابتسمت لاااردايا كلبي رف عليج
تمنيت اخذج واضمج بحضني وبقيت اخطف نضرات من اشوفج وابتعد حبيتج حب وحگ  الله وبيته حتى اخوانج ماحبوج هيج ومن شفتج تبجين تمنيت اخذج واشرد بيج واكلج  ماعاش الي ينزل دمعتج وانه عايش
ومن خطبتج وماقبلتي حسيت الدنيا ضاكت بي
بس كلت ميخالف الي يحب يخطب مره ومرتين وثلاثه وميه هم  عيونج دهورن احوالي ضحكتج
سحلت كلبي سحل  ومن قبلتي احس الدنيا وكفت بيه ماستوعبت ابد ولهسه ماامستوعب إلى أن البسج الحلقه وتصيرين حلالي ياروح علي وعشيرته انتِ .

ضميت الجهاز على كلبي احس قلوب تطلع من عيوني
من الخجل مارديت عليه بقيت حاضنه الجهاز وماعرف يمته غفيت فزيت على دكت الباب القويه بقيت افرك بعيوني نهضت فتحته جان ابو الكرار والخوف واضح على وجهه بقه ينضرلي من فوك ليجوا استندت على الحايط واردفت :-

_هاشصار ؟
اردف وهوا مصدوم:-
_تحچين صدك انتِ؟؟؟؟
اردفت واني مافاهمه شي :-
_شبيك شصار  شسويت !!!
حط ايده على كلبه واردف :-
_ ولج شوفي شكد متصل عليج مارديتي عليه وبقيت اتصل عبالي فقدتي الوعي هاي سالفه تسويها ؟

فتحت تك عين واردفت :-
_يُمه الخوف يُمه
رفع ايديه غمني واردف :-
_ وغمه الزركه هبطتيني
اردفت واني مسويه نفسي مصدومه :-

_تغمني بطلت ماقبل بيك روح يلا
اردف وهوا مصدك:-
_شبيج زُمُرٌدُي اشاقه ولزهره ام الحسن غمه الغمتني
كلشي ولا تبطلين لاتجيج الطنكورة