سراج اليل

part 36

#سراج اليل
بقلمي : ايات الـ علي

*متابعه لقناة التلكرام jaoharat_aeaet
*تصويت والتعليق بين الفقرات حبايبي .

مَا ناسيك ، أنِا متانيّك تفگدنِي
__________﷽________

زُمُرٌدُ
مشت الايام طبيعيه وحبيت الحياة ويا أطفال موسى وهاچر  التؤام الي مسوين روح بالبيت كل يوم أخذهم يمي كاعده بالحديقه فارشه ومخليه الأطفال بصفي يناغون واني متونسه اناغيهم التفتت من كعد ابو الكرار قريب مني سويت نفسي ماشفته اردف :-

_شلونج بويه كراميل
اردفت واني العب الأطفال:-
_جنت بخير
ضحك واردف :-
_چا وهسه ؟
اردفت لعدم مبالاة:-

_شويه زينه !!
ورث جكارة وجر حسره طويله واردف :-
_يمتى يحن گلبج عليه تعب كلبي ترا حيل متأذي هذا يريدج  معذبني ليل ونهار ولج والله كاضيها جكاير
تعبان انه زُمُرٌدُي تعبان

التفتت عليه واردفت  :-
_عفيه لاتضغط عليه ترا اني هم تعبانه والف مره اكلك من اشوف الوقت مناسب اني اجي اكُولك
هز راسه ونهض اردف :-

_ان شاء الله  خير بويه
دخل جوا ونزلت دمعتي اباوع للأطفال يلعبون برجلينهم وايديهم ويضحكون ويا الهوى ابتسمت بقهر واردفت :-
_ياريت اني مثلكم طفله ومااعرف شي ماعرف شنو الي اريده محتارة بين كلبي وعقلي انتو شنو تكولون ؟
ضحكت بقهر واردفت :-

_شبيج زُمُرٌدُ ترا أطفال الحمدالله والشكر
نهضت اخذتهم جوا صعدت لغرفته امهم دكيت الباب فتحته ابتسمت بوجهي واردفت :-

_تعبوج مو ؟
اردفت واني اضحك :-
_تعبهم راحه وليداتي هذول

ابتسمت بوجهي واخذتهم نزلت الغرفتي وشمرت نفسي
على الجربايه وغفيت مرت الايام ونصدمنه بجيه خالاتي واخواني والصدمه الكبرى انو جايين يطلبون ايد جنات لمهمين نهضت وطلعت من الديوان حزت بخاطري اني اخته المفروض يبلغني ويكول لأي ضحكت بقهر ونزلن دموعي نحطت ايد على متني التفتت جانت هاچر  اردفت وهيا تطمني :-

_لاتزعلين عليه حتى لو مابلغج المفروض تفرحين إلى كدامهم وبيناتكم عاتبي
هزيت راسي عدلت وجهي اخذت ماي ودخلت كعدت بصفه سحب راسي باسه واردف :-
_شلونها بنيتي ؟
هزيت راسي واردفت :-

_زينه الحمدالله
عدل ابو الكرار كعدته واردف :-
_جيتكم على عيني وراسي
بس يبقه القرار الأول والأخير للبنيه

اردفت وحده من خالاتي :-
_اي يمه ننتضر جوابها احنا وبنيتكم ماكو مثلها
حلوة وأخلاق وصيتكم صيت كلها تحجي بأخلاقها
وهم انتو تعرفون ابنه مهمين ماله داعي احجي