#سراج اليل
بقلمي : ايات ال علي*تصويت والتعليق بين الفقرات حبايبي .
غريب أحساسي هالفترة
يومية ملامح وجهي تتغير
ضياعك هذا ما أعبرة
گلب ماعندي مثلك
حتى أنسى الصار ، ضياع
بداخلي ولو تعرف شكبرة .
_____________﷽__________خليت ايدي على حلكي من صدمه الكلام الي سمعته لا مو اكيد معقوله ابو الحسن هيج لا زُمُرٌدُ لاتصدكين دخلت الغرفتي كعدت على السرير خليت ايدي على راسي اذا كلامه صدك يروح بيه ينتهي اخوي يروح من ايدي ياربي شسوي بقيت اضرب بعقلي فكري فكري ندك الباب فتحته صار بوجهي مهيمن عكد حاجبه
مهمين : شبيج زُمُرٌدُة ؟؟
زُمُرٌدُ : مابيه شي حبيبي شنو تريد شي ؟
مهيمن : اي والله اكو يمي أشخاص اكلج ستوا ؟
زُمُرٌدُ : اي حبيبي هسه اصبلكم من أجهزة اصيحكهزلي براسه وراح نزلت للمطبخ سويت مُقبلات وعصير بُرتقال طبيعي حضرت الاكل اخذت المواعين بصينيه ودكيت الباب ماكو صوت رجعت دكيته اقوة
نفتح الباب طلع بوجهي ولد يجي عمره كد مهمين اشكر وعيونه خضر بقيت مفهيه بوجهه إلى شويه وتطيح الصينيه من ايدي نزل راسه ودخل
طلع الي شخص اول مره اشوفه نفس العمر بس حنطاوي شكله عيونه مسحوبه سود حواجبه ثخان كلش شعره خفيف جان لابس بلوزه نص ردن اسود بنطرون اسود خزرني خزرة تسوا حياتي اخذ الصينيه واشرلي اروح
هزيت ايدي شماله هذا جا ليش مو مثل هذاك الحلو دخلت للمطبخ خواني جانو طالعين علي الكرار وسيف وقهار اخذو وياهم صعدت لغرفه ابو الحسن دكيت الباب ماكو صوته فتحت الباب مقفول صحت ماكو اكيد طالع بس ليش قافلها عجيب اول مره هيج نزلت صبيتلي اكل وكعدت اكل وحدي بالمطبخ كعدت على التلفزيون باوعت مسلسل
مرت ساعه وسمعت مهيمن يحمحم وصوت ضحكتهم يم الباب الشارع كيد راحو دخلت للديوان اخذ الصينيه فتحت عيوني وفتحت حلكي وانا اشوف نفس الشخص الحنطاوي متمدد على القنفه ويشرب جكاير بقه صافن بوجهي وكعد طلعت وصلت للباب
وصاحني
_ زُمُرٌدُ
لتفتت عليه اجه وكف كدامي جان حيل طويل بشكل مو طبيعي وضخم صرت ذبانه جوا نزل راسه باوعلي وضحكزُمُرٌدُ : منو انتَ؟؟
ابو الكرار : خيَالجضحكت بصوت عالي باوعلي وابتسم ابتسامه مريحه
زُمُرٌدُ : شتحجي شبيك هيو ؟
ابو الكرار : شني اهلج نطوج خبزة مانطوج ادب
زُمُرٌدُ : لا سودة عليه كالو يضمو الك الأدبضحك بعلو صوته بقه يكح
ابو الكرار : وحك هوا ابو الحسنين كال لسانها أطول منها بس ماصدكته هزيتله راسي
زُمُرٌدُ : هوا يهو شبيك انتَ ؟؟؟؟؟حسيت احد وراي شفته مهيمن يبووو على حضج زُمُرٌدُ راكعي بنعال
تقدمت يمه ابررله بالغلط خله ايده على كتفي ولفني مشى بيه رجعني يمه كتف ايديه وكفمهيمن : اعرفج عليه ابن عمج علي بس لأحسن الج صيحي ابو الكرار
ابو الكرار : صارلي ساعه أكلها ماتصدك
زُمُرٌدُ : ليش تجذب ولك يمته كتلي ؟؟
مهيمن : عيب بنتي اكبر منج
زُمُرٌدُ : احم اهلا وسهلا بيك هزلي راسهانتبهت على ساعد ايده اليسرى وشم 5:23 يلفت الانتباه نتبهت على نفسي حمحمت وطلعت
مهيمن : حبيبتي جاي وياج ولو تعبتج
زُمُرٌدُ : تدلل عيوني الكطلعت اغم بروحي شكد تجفصين شويه لزمي لسانج سويت جاي وكفت اغسل مواعين سمعت صوت مولود كلش عالي جاي من الديوان ابو الكرار بعلو صوته يغني وياها
ماتدري ماتدري
لأجلك ارخص عمريصوت الباب البرى نفتح ماهتميت اكيد واحد من الولد نفتح باب المطبخ فتحت عيني على وسعها واني اشوف .......
*************
هاچر
انفجرت من الضحك واني اشوف موسى نايم بالتراب وفاتح حلكه كعدت يم راسه اضحك بعلو صوتي
فتح عيونه بنعاس باوعلي وغمض رجع فتح عيونه وكعد على حيله يباوع لنفسه ويباوعلي مستغرب واني مستمره اضحكموسى : ها يُبا طبكن طبكن
هاچر : لا بعدهن بالطريق
رفع راسه للسما ورفع ايدي
موسى : الحمدالله والشكر على نعمه العقل ياربيهاچر : الحمدالله والشكر مامرغله روحي بالتراب
موسى : من وراج ست هاچر اخذتني النومه ماعرف
نكت ملابسه من التراب وشعره حمحمتهاچر : ادخل غسل جوا راح احضر ريوك
موسى : تسلمين يُبا تأخرت على شغلي
هزيت راسي اخذ سويج وباكيت الجكاير
موسى : استودعناكم
هاچر : الله وياكطلع حركه سيارته وراح دخلت للحمام سبحت سويتلي لفه اكلتها على السريع لفيت لثامي قفلت البيبان وطلعت وصلت للمعمل وصدمني من كال مالج شغل يمنا بعد طلعت من المعمل واني متحطمه وين اشتغل وين اروح بقيت ادور شغل
إلى أن طاحت رجلي كعدت كدام كوزمتك مكياج طلع رجال من الكوزمتك باوع لوجهي ورجع دخل شويه وطلع وكف كدامي وكفت
الرجال : محتاجه شي ؟
هاچر : لا خويه سلامتك
الرجال : لعد ليش كاعده هنا ؟
هاچر : جنت ادور شغل وتعبت كعدت ارتاح
الرجال : لكيتي ؟
هاچر : لا بعدني ان شاء الله الكه
الرجال : انا محتاج عامله يمي اذا تحبين تشتغلين حتى نبلش من هسهباوعتله بفرح
هاچر : اي اكيد يشرفني
الرجال : تفضليمشيت ورا دخلنا للمحل جان أشكال بي بقيه يعلمني على الأغراض وأسعارهن وطلع اجو بنات اشترو مني خلص اليوم انطاني يوميتي رجعت للبيت واني الفرحه ماسايعتني دخلت سبحت واكلت شويه سحبت التلفون لكيت مكالمات من موسى
استغربت شنو صاير اتصلت عليه من اول رنه فتح خط
موسى : وين انتِ ..................
يتبع .
الباقيات الصالحات:
سبحان الله
الحمدلله
لا إله الا الله
الله اكبر
لا حول ولا قوة الا بالله
((اللهم صلي على محمد وآل محمد ))حسابي الانستكرام
aeat_.alali
أنت تقرأ
سراج اليل
Mystery / Thrillerفي وسط الضجيج والاصوات المرتفعه الا ان هناك من يجلس وسط زاويه ويفكر في عالم اخر ولا ادركُ كَيف أستطاعت أن تبقه كهذا ثابته أمامُ الكثير ؛! رُغم تعبها وجرح قلبها هل هيا فعلاً هاكذا قويه وصامدة!! ام تنتظرُ العوض الإلهي الذي يُشفه جرح قلبها !! ل...