خطيئة لاتغفر الغوث
بقلمي:اية الطائي
-------------------------
بخير تكول بس العبرة خنكتها
تضحك والحزن بين بضحكتها
#بنات صوتوا وعلقوا ليش هيج تفاعلكم على الأقل 500تعليق و700تصويت البارت الجاي حسب تفاعلكم ينزل
.
.
.
حياة:-بلعت ريكي خايفه وجسمي صار ينخض مثل السعفه باوعت لغدير كامت تضرب على خدها والبقيه جانوا كلهم مصدومين
خفت كلش وهو رجع سئلني
ضرغام-منو علي لأخر مره اسأل
ماجان عندي جواب لسؤاله رجعت خطوتين ليوره ابتسم تك خد وتقدم عليه باوع لغدير وكال
ضرغام-من البدايه كتلكم راح يطينن راسنه وتاليتهن يسلكن درب العهر حالهن حال امهن بسسسس منو سمع مني
فتحت عيني بصدمه رفعت ايدي ضربته
-جاااان استحيت عرضك اني ياحقيير شلون هيج تحجي عني
عتني من شعري وطلعني من المطبخ يسحل بيه وهمه يصارخون وراه اجه عمو شريف سحبني من ايده وعاط بي
شريف-ولك شبيك انتَ تخبلت شلون تمد ايدك على بنت عمك
صاح بصوت عالي خالني ارتعب
-بنننننت اخوك المحترمه الولد يدكدكون عليها شنو معناها هاي شنو فهمني
التفت عليه عمو ورد سئلني
شريف-عمو جاوبيني شنو هالحجي صح كلام ضرغام
مسحت الدمع الي على خدي واردفت
حياة-هذا جان زبون عندي من جنت اسوي كيك يعني يمكن اتصل عالمود يطلب لان مايعرف احنه بطلنه
شريف-اعوذ بالله من الشيطان الرجيم بابا غير تفهم من بنت عمك شنو هالأسلوب اني ماربيتك ترفع ايدك على مره
ضرغام-تمام بس خلي تحضره واعتذر على الكلام البدر مني جانت حالة عصبيه
اخذت جهازي من ايده ودخلنه اني وغدير للغرفه اول ماقفلت الباب سحبتني من ايدي
غدير-حضري حياة الف مره كتلج عوفي عوووفي
سحبت ايدي منها ورحت كعدت على الكاع وبسرعه بجيت مادري شبيه كلبي وجعني
جتي غدير كعدت بصفي رفعت ايدها مسحت على شعري وكالت
غدير-غير لمصلحتج جاي احجي ياأمي لاتعلقين
نفسج بوهم وتعرفين احنه شنو وهمه شنو
بلعت غصتي كلبي صاير نار وماعرف شلون بلحظة
نطقتها
حياة-غدير اني أحبه
كلتها وصرت انشغ من البجي لأن اعرف بعمرنه ماممكن ننجمع ماكو واحد يتقبل بنت رقاصه بس يبقه السؤال احنه شنو ذنبنه؟
سحبتني لحظنها وصارت تهمس بأذني بكلمات تطمني
-تهون الله كريم ،الله ماينسه عبده، ربج حنون لابد يعطف علينه مايضل شي على حاله كل شي قابل للتغير
أنت تقرأ
خطيئة لاتغفر الغوث(الأصلية)
Mystery / Thrillerقصه حقيقيه لثلاثه ريحانات لكل ريحانه قصه مختلفه تأخذنا لنغوص في عالم مختلف
