خطيئة لاتغفر الغوث(الأصلية)

الخطيئة الثامنه والثلاثون🕊️

خطيئة لاتغفر الغوث
بقلمي:اية الطائي

انتهينا وتركتلك ذكرياتي
وبصوركم تلكه دمعة امنياتي
تلكه حسره من دعائي في صلاتي
ابحياتي أنتَ غايب وبمماتي

#لاتنسون تصوتون للبارت ورفعوا التعليقات شكد ماتكدرون +البارت الجاي على يوم الأحد

حياة:-
باوع للمكان بشرود بعد مازفر نفس بصوت عالي خله وطلع

زفرت نفس مختنكه حتى مافرحت على شنو افرح على سواد وجهي...

-يارب دخيلك الرحمه منك مااطلبها من عبادك لأن مابكلوبهم غير الكره والحقد

حظنت رجلي لصدري مخليه خصله من خصلات شعري بأيدي العب بيها بدت عيوني تغفي وفزيت على صوت غدير رن بأذني

رمشت بعيني اكثر من مره ورديت غمضت كلت اكيد يتهيئلي
بس اتأكدت هي يمي لمن كعدت بصفي وحظنتني وعله صوت بجيها..

غدير: الله لايوفقهم كومي كلبي كومي الله ياخذ حقنه من هالظلام

رفعت راسي عليها صارت عيني بعينها سحبت نفس وتمددت صافنه بالفراغ وايدها صارت تلعب بخصلات شعري

حياة:مااريد اتزوج غدير

-اشش سكتي حياة لعد تبقين هيج شوفي شمسوين بيج ولج موتت نفسي الأ قبلوا يجيبوني اشوفج روحي مفرفحه عليج

حياة:حتى انتِ عفتيني وراح تعيشين حياتج وتشمروني على علي حتى يكولون هاي مثل أمها وموشريفه صح

غدير:
مسحت وجهي ايدي ترجف مديت ايدي وسحبت راسها لحظني بسرعه حظنت خصري وبجت

-اشش حياة بس باوعيلي فدوه اروحلج لاتبجين كلشي راح يتغير والله

حياة:يكلي انتِ مو شريفه مثل امج غدير يكلي مثل امج كلها تكلي هيج تعبت والله اريد اموت جسمي صار يوجعني من الضرب حابسيني هنا مثل الحيوان حتى الحيوان يشفقون عليه

عظيت على شفايفي وتنهدت بحسره

غدير:كومي منو كلج ابقيج هنا يله عينيني فدوه اروحلج

كومتها كوه غسلت وجها وصحت على حوراء جابتلي صايه وحجاب لبستها اخذتها ونزلت

صاروا بوجهي عمامي كوه لازمه نفسي لااتفل بنص شواربهم عار عليهم والله احنه بناتهم ماحونه بس ساكته لخاطر عدي

وكفت على صفحه وعدي جان يتعارك وياهم يكله لعمو اني موهيج اتفقت وياك وانتَ حلفتلي متمدون ايدكم على البنيه تالي الكه هذا حالها...