خطيئة لاتغفر الغوث(الأصلية)

الخطيئة الأربعون🕊️

خطيئة لاتغفر الغوث
بقلمي:اية الطائي
-------------------
-عساكم بلوعه تشبه لوعت كلبي....

#عندي عرض مغري الكم اذا التعليقات صارت اكثر من500 انزل البارت عكبه وشلون بارت يخبل

رواسن:
وكعت بالكاع ضحكت بخبال وتلاشت ضحكتي لمن شفت كاروك أدم يتحرك من وحده بلعت ريكي خايفه...

رجعت مسحت وجهي أحاول أوهم نفسي انو جاي اتخيل

-صليت على محمد وال محمد قريت الفاتحه لأم البنين الأ شويه راحت الخوفه مني

اخذت أدم لحظني جسمي كله يرجف وبكلبي أردد

رواسن:أكيد من الضغوطات الي جاي اعيشهن هيج يتهيئلي

فزيت على صوت الجهاز دك رفعته وبسرعه جاوبت بدون لااشوف منو...

حسين:هاخويه نزلي اني جوه

-تمام نازله

سديته منه اخذت أدم ونزلت...

ناز:اوو واخيرا شرفتي وشفناج هههه

رواسن:
هاي ثالث مرة اكولها اخذي ماتبقى من كرامتج ونكلعي لأن ثقي بالله المرة الرابعه اسحلج واطلعج بأيدي وانعل ابو العمل

دخلت للصاله مجرد مااني شفته كل هم انزاح عني ابتسم واخذ أدم مني باسه ورجع سحب راسي باسه..

كعدت بصفه وهو اتقرب مني وخمس

حسين:انطيتي علم لزوجج حتى نتوكل

زفرت نفس بحيرة وهزيت راسي بلا رد كال...

حسين:تمام اني انطيه خبر

هزيت راسي بأي همه ضلوا يحجون بأمور عاديه وعن الأوضاع وداعش الي اجانه مثل النقمه وراها كله راح اخذهم يمي كم يوم هههه اصلا هو مايكدر يكله لا عود جاي يقوي علاقته بي وكذا...

اخذت أدم بدلتله حظرت ملابسنه ولبست الصايه جاي اطلع ودخل...

تنهدت ضيق سحبت الجنطه اريد اطلع ولزم ايدي سحبتها منه ماهدها

بلع ريكه اكثر من مرة يباوعلي بتردد
صُهيب:راح ترجعين صح

باوعت عليه وحجيت بهدوء
رواسن:واذا كتلك اريد اروح واتخلص منك للأبد راح تعوفني بحالي

هز راسه بلا سحبت ايدي منه ورجعت احجي بعصبيه

رواسن:اذن لاتسأل لان لو بأيدي ماارجع ولايجمعنه سكف واحد ياحظرة الدكتور بس صدكني يجي يوم اخليك تتمنى تشوف طكعت وجهي وماتلكي

سحبت الجنطه بعصبيه وطلعت واسمع صوت تكسير صار وسط الغرفه طنشت كلشي ونزلت بسرعه صعدت السيارة وطلعنه...