خطيئة لاتغفر الغوث(الأصلية)

الخطيئة الثانيه والثلاثون🕊️

محتار بـأحلامي البقن
شو مارضن يتحققن ؟
مثل اليشوف أبنة البچر
كبران بَس ما يمشي !
ما عندي ڪل شي بي بخت
ويردون آرضى بكلشي ..
♡
-----------------------
"⁦⁦هديه العيد وكل عام وانتوا بألف خير+اتفاعلوا شكد ماتكدرون ان شاء الله البارت الجاي بعد العيد لان والله خطار ومدلحك اكتب والله"

رواسن:
بعد مده طويله كدرت افتح عيني واحس بنغزات خفيفه بأيدي رغم هذا جانت مؤلمه صارت كدامي ريمه بزي الممرضين اول شي استغربت بعديت اتذكرت هي كالت انو تشتغل ممرضه....

غمضت عيني تعبانه جسمي كله يعيط عليه من الألم ماعرف ليش...

فتحت عيني على صوتها تحجي وياي
ريمه-خوفتينه عليج الحمد لله على سلامتج حبيبتي

بصعوبه كدرت اسئلها جان لساني كلش ثكيل
رواسن-وين اني شوصلني لهنا

زفرت نفس بحيره وكالت كلام صعقني صعق
ريمه-للأسف تعرضتي لنوبه صرع بس لاتخافين اول مرة ماتخوف نحاول نتجنبها حتى لاتصير دائميه

فتحت عيني بصدمه وسرعان مابهتت ملامحي صار عندي الوضع عادي

ريمه-شبيج رواسن احجي شي اسمعج

ابتسمت بحزن ورجعت كتلها
-عادي ماكو شي نضيفه لقائمة الأمراض المستمره

مسحت على كفي بتفهم ورجعت سئلتني
-اذا تحبين احجيلي من شنو تعانين

هزيت راسي وبديت احجيلها بدون تردد
رواسن-لمن توفوا اهلي عن طريق الغلط صرت مدمنه جنت اخذ حبوب منومه بس الصيدلاني غشني طلعت حبوب منومه ومخدرات بنفس الوقت

فتحت عينها مصدومه
-عززه اي كملي

رواسن-بصعوبه كدرت اتعالج من الأدمان بس صرت مااعرف انام عاد كمت اجيب اشرطه منومه عاديه وكل فتره اخذ

دمرت نفسي صارت عندي رجفه بأيدي متروح وكلبي تعب وصار عندي ضغط على أقل قهرة يفول وهسه صرع هههههه عادي مامستغربه

ريمه-الله كريم حبيبتي لاتكولين هيج

رواسن-والنعم بالله

ريمه-خوفتينه عليج زوجي المسودن اتخبل عليج ههه

ضحكت اسايرها
-شوف شوف انوب تحجي على اخويه كدامي شلون عين صلفه

ريمه-هههههه عابتلج انتِ واخوج

التفتت للباب اندكت من الدكه عرفتها هاي دكت علي فتح الباب ومد راسه يضحك
علي-عادي ادخل

ريمه-اتفضل دكتور اتركم تاخذون راحتكم

طلعت وهو اتقدم سحب كرسي وكعد كدامي
بسرعه سئلته
-احنه بالمستشفى الي تشتغل بيها،يعني أنتَ تعرف ريمه؟

تنهد بحسره وبعدها اردف
-لاتخافين ماكو صُهيب هنا ماخذ اجازه

عصرت راسي بأيدي حيل احسه يريد ينفجر من الألم
رواسن-وعساه عمره لااجه شنو خايفه منه