خطيئة لاتغفر الغوث(الأصلية)

الخطيئة التاسعه والعشرون🕊️

خطيئة لاتغفر الغوث
بقلمي:إيه الطائي
------------------------
اموتن الف موته بعتبة الدار
لأن كل ذكرياتك ساكنه البيت
مره هنا كعدنا هناك مرات
مره هنا نمت وهنا تعشيت
هنا مره لمحتك تكتب سطور

قراءة ممتعه🕊️

#لتنسون اتعلقون شكد ماتكدرون وتصوتون للبارت صعدوا تفاعلكم كل مااتفاعلتوا اكثر ينزل البارت من وقت

إيه:-
ماعرف شنو صار بيه بس الخوف احتل كلبي بوقتها تقربت للباب اكثر جانت مفتوحه على النص

وصوتهم يجيني كلش واضح وهو جاي يرزل بيها

-ولج انتِ ماتستحين ماعندج ذرة اخلاق طلعي بره لو والله يصير غير حجي

فكيت عيني على وسعها وهي جانت تحجي بدون ذرة حياء

-ليش هيج تعاملني موكتلك احبك ومعجبه بيك وشنو تريد مستعده انطيك مستعده اكضي وياك ليالي بس كول اي

خليت ايدي على كلبي لمن رن صوت الراشدي بأنحاء المكان...

مصطفى-طلعييي بره عاد انعل **** يابو الحب

رجعت ليوره مصدومه وهي دفرت الباب وطلعت حتى ماخجلت لمن شافتني شلون عين صلفه

صارت عينه عليه باوعلي مصدوم ردت انزل وركض سحبني من عكسي صراحتا تفاجئت اول مرة يلزمني

مصطفى-والله العظيم ماكو شي لاتفهمين غلط

بلعت ريكي بصعوبه ورديت كتله

-اعرف سمعت كلشي

انتبه على نفسه وبسرعه وخر مني مسح وجهة متوتر ورد رفع راسه مركز بوجهي حيل

مصطفى-عادي نحجي كم دقيقه

فركت ايدي بحيرة ماعرفت شنو اجاوبه اخاف ارفض ويزعل واخاف اروح وياه ويكول هاي ماصدكت كتلها تعالي نحجي وجتي تركض

مصطفى-شويه هنا مانطول

زفرت نفس وهزيت راسي بأي

مصطفى:خلي اغسل واجيج احس نفسي صرت وصخ استغفر الله

خفيت ابتسامتي بصعوبه راح غسل اباوع عليه ساعه يغسل بأيده

كمل واجه مشه كدامي فتح باب السطح وراح كعد جوه السقيفه ضليت واكفه على صفحه

مصطفى-تعالي هنا

اشرلي على مكان شويه بعيد عنه فركت ايدي بتوتر ورحت كعدت ضليت ساكته منتضرته يحجي

بعد مده موقليله كسر الصمت وحجه
مصطفى-شلون يعني احنه راح نضل هيج

رمشت بعيني مامفتهمه
ايه-هاااا شلون يعني

ضحك بصوت عالي

-هههه شنو الهااا يعني اريد اخطبخ على شنو ضالين هيج