خطيئة لاتغفر الغوث(الأصلية)

الخطيئة السابعه والأربعون🕊️

خطيئة لاتغفر الغوث
بقلمي اية الطائي
-------------------
#عمري لاتنسون تصوتون للبارت وأكثر من 500تعليق+التعليق يكون بين الكومنتات لطفا...(التنزيل بين يوم ويوم)

رواسن:
معانات الولاده الطلوكه وحدها بحد ذاتها موت احمر السهر التعب التنساه كلش صعبات ومن يولد طفلج كلهن تنسيهن وبس يخلونه بحظنج تصيرين ترسمين اله مستقبل حلو

راح اسويله هيج واسويله كذا شغله ومااخلي شخص يأذي كلهن يخطرن على بالج

الأم اكثر شخص تضحي لأجل اطفالها ومعضم الأمهات نشوف حالهم شلون متبهذلين ويه ازواجهم ولمن نجي نريد جواب جوابها...اسوي كلشي لاجل اطفالي مو مهم اني المهم همه مرتاحين هيج يكون تفكير المراة بمجرد صارت ام

فبأي حق تتهم الأم الي ظحت بنفسها لخاطر طفلها بأنوا هي قاتله!!

اسمع هواي أصوات حوالين راسي أطباء ممرضين واحس شي صلب يدخل لزردومي شهكت ابجي عيني تدور على طفلي فاقده اخر ذرة أمل انو هو لسه عايش...

اخر كلام سمعته...دكتورة المريضه يمكن حامل لأن جاي تنزف

فعلا هنا غمضت عيني وفقدت الوعي على امل اغادر هذا العالم واروح لأهلي وابني اريد ادخل جوه جناحات ابويه اريد اشبع من ريحة امي وبحظني أبني هذا راح يخليني اسعد انسانه بالعالم...

أية:
خليت ايدي على كلبي واني اهز بجُمان واصرخ

-شنوووو شبيها رواسن دخيلج احجي جُمان رواسن وين

شهكت تبجي تفر عينها بحيرة
جُمان:راحت مني رواسن ولكم ودوني الهااا لو كلكم اكتلكم يشهد الله عليه يابيت عكاب

اجه عقلي يوكف اباوع عليهم واحد حالته اسوء من الثاني دخلت للبيت اريد اندل طريقي بعد مااكدر

كعدت بالعتبه وطلعت رقم مصطفى اتصلت عليه طلعلي مشغول...صارت عيني على ريام كاعده بالزاويه ترجف وشهكتها توصل ليمي

إيه:ريام فدوه احجي وين  رواسن كلبي راح يوكف

خلت ايدها على حلكها تشهك وتحجي...احس عقلي وكف من الكلام الي سمعته ومن شدت وهول الموقف رجلي صارت ماتحملني

ريام:شربها قاصر صُهيب موتها ولج راح تروح رواسن

ركضت عليها اهز بيها اريدها تكول جذب هذا الكلام ورواسن بخير

-تجذبين عليه لج ريام احجي وين رواسن

نشف حلكي واني اسئل بيهم حسيت كلبي يريد يوكف ركظت جوه للبيت هوسه هوسه بشكل جتي عيني على باب الحمام مكسورة