خطيئة لاتغفر الغوث(الأصلية)

الخطيئة الرابعه والثلاثون🕊️

ما حچينه
بس بچينه
وبقت بس ترجف أدينه
وما نسينه بس تجاهلنا ومشينه
-----------------------
"لاتنسون متابعه صفحه الواتباد حتى اي شي انشره على المنصه يوصلكم+علقوا وصوتوا شكد ماتكدرون
.
.
إيه:
ردنه حاولنه نحجي وياها بس هي خطيه أنهارت وعزلت نفسها بغرفتها

دخيلك يربي شهل مصايب الي وكعت على راسنه بقينه كاعدين بالصاله وعلي للمغرب الأ رجع ووياه الولد كل واحد منهم صاير نار كبره حسين بالسجن ماكدروا يطلعوه وصُهيب مختفي جهازه مغلق وحتى سيارته ماماخذها

مريم:ولكم هذا يريد يموتني وين راح بالبنيه لايموتها يمه والرب راح يموتني هالولد

خطيه عمه مريم كلش تعبت اخذتها عمه لغرفتها ،ضليت كاعده يمهم اني وريام واسمع محمد يحجي ويه الولد...

محمد:زين هو مو كال ماخذها من يم العياده ماشفتوا كامرات شي بالكي نندل مكانهم

علي:جانت اكو كامره وحده مال محل وطلعت عاطله وهسه اتصل بي جهازه مغلق راح اتخبل يربي حتى سيارته الي اجه بيها عايفها ورايح بس اريد افهم هذا وين يريد توصل بي المواصيل...

ضلوا يتناقشون ماخلوا واحد مااتصلوا عليه ماكو فص ملح وذاب أخير شي مصطفى كال مايصير نخلي اهل ابن عمنه وحدهم هذوله هم ينحسبون علينه راح جابهم كوه لأن ماقابلين بس اكيد الولد مستحيل يخلوهم وهنه نسوان وحدهن

صعدت فوك حظرتلهن غرفة بيت عمو صقر القديمه وصعدت مرته تنيم ابنها خطيه ميته من البجي وامه حالتها حاله

ايه-لايضل بالج الولد الباجر يطلعوه انتوا ارتاحوا هسه وهي تنحل

هزت راسها بأي درت وجهي اريد انزل وسمعت صوت بجي عبير الظاهر جانت تحجي ويه مصطفى سمعت جزء بسيط من كلامها..

عبير:انتوا مو تكولون انتوا اخوتي الله يخليك خلي يطلكني مااكدر ابقه وياه مااكدر فوكاها متزوج ومرته حامل على الأقل اني مايربطني بي شي

جانت تبجي وتحجي حتى نص كلامها مامفهوم خليت ونزلت جوه حتى ماسمعته شنو جاوبها...

كعدت بالمطبخ سحبت الجهاز اتصلت على رواسن كلت بالكي ترد ماكو رن اول شي وراها انغلق

-حسبي الله عليك ياصُهيب شنو من بشر هذا فوك كل الي سواه هو ابو الحك

طلعت بره كلها نايمه وبس صوت ونين جاي من غرفه بيبي تحسبت عليها من كل كلبي هي السبب بكلشي تالي خليت ورحت نمت بالصاله مالي نفس انام بغرفه جُمان البنات صايرات فدمره مااكول رواسن ماسوت شي بس موهيج بالاخير هي اخذت حقها وبس بس ذني وصلت بيهن يدعن عليها بالموت...

كعدت الصبح البيت هادئ ولاكأنوا البارحه صايره ملحمة دخلت للمطبخ صبحت عليهم اكو الرد واكو لا...
مشيت غسلت وجهي وجُمان كالت سوي ريوك الهن خاف يستحن ينزلن..