خطيئة لاتغفر الغوث(الأصلية)

الخطيئة التاسعه والثلاثون🕊️

#خطيئة لاتغفر الغوث
بقلمي اية الطائي

#يجي وكت العتب واتعاتب وياك
واخليهن بديك ذنوبك وياي

#بنات عيوني علقوا وصوتوا شكد ماتكدرون صعدوا التعليقات+البارت الجاي الأربعاء
-------------
صُهيب-رواسن تسمعيني وين رحتي لج جاوبيني

بلعت ريكي ساكته ودون ادراك وكع الجهاز من أيدي..باوعت عليه

واتذكرت جيرانه عدهم ولد عنده متلازمه داون بس كلش مؤذي...دخيلك يارب شدخله لغرفتي وبكنتوري؟؟

شمر السجين وكعد بالكاع يضرب بيها ويبجي ومره يضحك خبلني حتى صُهيب نسيته

دقايق وفزيت على صوت فتحت الباب باوعت عليه مصطفى وعلي ماعرف بيومها شلون الله لطف بيه لزموه واني طلعت اركض من الغرفه وايدي على كلبي

تلكني كلهن على الدرج الظاهر صُهيب مخابرهم نزلت ويه عمه
للصاله والولد طلعوا بهذا الولد لأهله

هيام: والله ياالله تالي عمرنه تدخل زلم للغرف

دفعت عبير اريد اروح عليها ولزمتني جُمان ماخلتني اروحلها

جُمان:عوفيهن يمه هذن خالاتهن يعبن براسهن عمايكولن بس تخبلن علينه

فرت ايدها معاجبها رادت تاخذ زهراء ورسل وياها ماقبلن خزرتهن ودخلت للغرفة...

زفرت نفس بحيرة عفتهم يتناقشون وصعدت فوك راسي احسه يريد ينفجر

-معقوله وحده منهن صعدته لغرفتي والأ ليش اجه تحديدا بغرفتي وبخزانتي؟

طلعت بره غسلت وجهي جاي ارجع وسمعت صوت خطوات ركض على الدرج ثواني ونسحبت حيل ارتدمت بي

رواسن:اااخ ايدي

صُهيب:انتِ زينه بيج شي هاا رواسن احجي بيج شي

بلعت ريكي ساكته حاولت اتملص منه واجاوبه

رواسن:زينه مابيه شي

رجع خصلات شعري وره أذني دفعت ايده خزرني

صُهيب:بطلي تصرفات الجهال والله بزعتي روحي تره موصغيرة انتِ صرتي ام

ضليت صافنه عليه ماعرفت شلون اعبر عن الي بداخلي احس عندي وياه عتاب ولو عاتبت يمكن أكون مثل بركان محمل ونفجر

رواسن:شلون تكدر تحجي هيج وكأنوا ماصاير شي

تنهد بحسره ومد ايده رجع شعره ليوره
صُهيب:واذا كتلج خلينه نحجي تقبلين تسمعيني...

جريت نفس بحيرة وكتله
رواسن:انتظرك بالبلكونه على ماتبدل ملابسك

هز راسه ودخل للغرفه وراه صعدت عبير ماحجت شي مبينه فقيرة مومثل اختها الحيه