خطيئة لاتغفر الغوث(الأصلية)

الخطيئة الثانيه والأربعون🕊️

خطيئة لاتغفر الغوث
بقلمي:اية الطائي

#حبايبي لاتنسون تصوتون للبارت ورفعوا التعليقات شكد ماتكدرون يعني اكثر من 500 حتى انزل الكم عكبه بأذن الله

إيه:
دفعني عنه حيل وكام يفتر بالغرفه مسحت دموعي اريد اطلع
شال التيبلام وشمره على الحايط رفعت راسي اجاهد دموعي ماتنزل اي والله اجاهد

استغفرت ربي وطلعت من غرفته كلبي احسه راح يوكف بعد ماعندي اي قدره للتحمل

همست بيني وبين نفسي

-دخيلك يارب اذا مايصير الي ليش علكت كلبي بي

كعدت على بايات الدرج تقريب الربع ساعه سمعت صوت باب  غرفته نفتحت خفت يريد ينزل كمت بسرعه دخلت للغرفه..

كعدت على طرف الجربايه عمه جانت تصلي كملت والتفتت عليه
جُمان:تعالي يمه سوده عليه شبيج بنيتي

شهكت امسح بوجهي كمت خليت راسي بحظنها...

جُمان:استهدي بالله وكومي صلي

-جُمان كلبي يوجعني اقريلي عليه

دنكت باست راسي ورجعت خلت ايدها على كلبي تقره قرأن على جهة كلبي هيج الأ كدرت شويه اهدأ وانام...

ياقوت:
صرخت برعب ماادري وين اريد اضم نفسي وصرت الهج بذكر الله وأهل البيت مترجيتهم يساعدوني ويطلعوني من هاي المحنهالي اني بيها

جني ثنين وياها اخذتني واخذت كم بنيه والي تحجي تشبع كال ورفسات على بطنها وين مايعجبها تضرب

بدوا يطلعونه وحده وحده وصلنه لممر كلش ضيق وفوك هذا  الريحه جانت لاتطاق فضيعه بشكل

واشوف من الجهة الثانيه حياطين ملطخه بدم!!! اي دم الناس والأطفال البريئة الي نقتلت بلا سبب أو يمكن نقتلوا لكونهم عراقين وجان هذا واقع حال لأن احنه كعراقين طول عمرنه ماعشنه غير الرعب القتل الأنفجارات

شهكت امسح بعيوني اريد اشوف وين ماخذينه...التفتت للبنات حالهن حالي يبجن ومرعوبات

وصلنه لغرفه بابها حديد مصبوغه ابيض وعلى الأطراف مكتوب رموز غريبه دكتها ودخلت التفتت ورايه البنات ماهنه ماموجودات بس اني وهاي المره

ياقوت:انتِ وين جبتيني لج انتِ مره وتبيعين بالبنات ماعندج مخافه الله حسبي الله عليج

ضربتني على وجهي وصاحت لزمت خدي الأ أنشل فكي من قوة ضربتها

-دخلي جوه لج ادبسزز

باوعت عليها من فوك ليجوه روحي مشمئزه منها

ياقوت:فوكاها عراقيه الله ياخذج انتِ وكلمن باع وطنه

اتقدمت عليه رجعت ليوره وهي عينها ابد ماشالتها مني تباوعلي بشماته...

-امم كليلي شمحصلين من الوطن لخاطر الله؟